Kêng măng 27/2, ta Nhih pah kan Bộ Quốc phòng (Hà Nội), Thượng tướng Hoàng Xuân Chiến, Ủy viên Trung ương Đảng, Thứ trưởng Bộ Quốc phòng, Kruanh Nhih pah kan Rnâng kan Ban rđă đă gưl neh dak nkra bah khuch khat bom mĭn lơh an tay bah kơi n'hanh lơh bah dak si khêh hoá học tâm lơh ta Việt Nam (Ban rđău đă 701) hŏ pah kan đah Đại sứ Hoa Kỳ ta Việt Nam Marc E.Knapper mpeh nkô̆ nău tâm boh nkra bah khuch khat bom mìn lôch tâm lơh ta Việt Nam.

Năl di nuih n'hâm uĕh bah Việt Nam tâm rnôk tâm boh nkra bah khuch khat bom mìn, nsiu rtoh tâm lơh đah Hoa Kỳ, Thượng tướng Hoàng Xuân Chiến nsing nơm tâm let năp tay, tâm boh dja mbra dơi rdâk ƀư uĕh đŏng; nkre ŭch rŏng Hoa Kỳ rong an trong kơl lor jŏ jong an Việt Nam, rgop kơl Việt Nam nkra bah ngăch tât khuch bom mìn an tay bah kơi, tă bah tâm lơh tâm su, n'gluh ăp nkual neh geh khêh djơh, nsĭt tay ntŭk gŭ rêh an nuĭh ƀon lan. Thượng tướng Hoàng Xuân Chiến lah rjăp Việt Nam mbra nta tay trong dơh, tâm boh kan nsum lhăt đah ăp nuĭh tâm boh mpeh Hoa Kỳ gay ăp nău kan tâm boh đah bar ding geh nău tam n'hanh dơi tât rnoh ndơ̆ luh.