Tâm ăp nar ba năp, ta năp nău khĭt bâh đồng chí Tổng Bí thư Nguyễn Phú Trọng, Tổng Bí thư Ban chấp hành Trung ương Đảng Cộng sản Việt Nam, nuĭh leo kan gâl têh ăp dak, ăp ntŭk kan lam ntur neh, ăp đảng n’hanh băl mpôl dak bah dih bâh 103 dak, nkual neh n’hanh 32 ntŭk kan dak bah dih lĕ njoăl bơi tât 500 nău nchih, điện, nău mbơh rngot klâng tât Ban chấp hành Trung ương Đảng Cộng sản Việt Nam, Kruanh dak Cộng hòa xã hội chủ nghĩa Việt Nam Tô Lâm, Thủ tướng Chính phủ dak Cộng hòa xã hội chủ nghĩa Việt Nam Phạm Minh Chính, Kruanh Quốc hội dak Cộng hòa xã hội chủ nghĩa Việt Nam Trần Thanh Mẫn, Rnâng kan Bí thư Trung ương Đảng Cộng sản Việt Nam Lương Cường, ăp đồng chí leo kan Đảng, Ngih dak êng, ƀon lan Việt Nam n’hanh rnăk vâl đồng chí Tổng Bí thư Nguyễn Phú Trọng. 100 mpôl kan dak bah dih lĕ tât râng n’hanh njoăl nău rngot klâng ta Việt Nam n’hanh rlău 3.500 mpôl lĕ tât râng khĭt đồng chí Tổng Bí thư Nguyễn Phú Trọng ta ăp ntŭk kan ndơn kan Việt Nam ta lam tur neh. Tâm ăp nău săm ƀŭt njoăl, điuện, nău mbơh rngot klâng, nuĭh leo kan ăp dak, ăp ntŭk kan lam ntur neh, ăp đảng tơm n’hanh băl mpôl lam ntur neh lĕ geh âk nău rŏng, nău rngot klâng dŭt n’hâm n’hanh nău ryơk têh đah đồng chí Tổng Bí thư Nguyễn Phú Trọng, ryơk rnê ăp nău tâm rgop bâh đồng chí Tổng Bí thư Nguyễn Phú Trọng đah nău hun hao bâh Việt Nam n’hanh nău tâm boh kan đah Việt Nam n’hanh ăp dak kan ndrel, mpơl nău ŭch an geh ntrôl tay lơn tâm kơl kan đah Việt Nam ta lĕ ăp trong kan. Ryơk rnê nău tâm rnglăp, tâm mbơh kan bâh ăp dak, ăp ntŭk kan ndrel, ăp đảng n’hanh băl mpôl lam ntur neh, ăp đồng chí leo kan Đảng, Ngih dak he lĕ geh săm ƀŭt njoăl, điện njoăl an nuĭh leo kan ăp dak, ăp ntŭk kan lam ntur neh, ăp đảng n’hanh băl mpôl lam ntur neh, lah ueh nău rŏng têh n’hanh ăp nău ôp khâl, n’hao nuih ta năp nău roh jot bâh Đảng, Ngih dak, ƀon lan Việt Nam n’hanh rnăk vâl đồng chí Tổng Bí thư Nguyễn Phú Trọng. Ăp đồng chí leo kan Đảng n’hanh Ngih dak ŭch ndrel đah ăp dak, ăp ntŭk kan ndrel an geh ƀư tĭng nău ŭch rŏng bâh đồng chí Tổng Bí thư Nguyễn Phú Trọng ndơ̆ n’hao nău tâm boh, tâm kơl đah Việt Nam n’hanh ăp dak, ăp dak kan ndrel an lơ ma hun hao, lăp jru tâm nău ngăn, tâm di đah nău geh bâh ƀon lan ăp dak n’hanh tâm rgop nău đăp mpăn, tâm kơl têh kuăng ta nkual n’hanh ta lam ntur neh.