Kêng măng 16/11, ta Hà Nội, Ban Dân tộc (VOV4)-Radio Việt Nam ƀư nkah 30 năm nar ndâk. Ntoh nau tâm nar rƀŭn, Uỷ viên Rnâng kan Trung ương Đảng, Tổng Giám đốc Radio Việt Nam Đỗ Tiến Sỹ lah rjăp, tâm ntrong kan 30 năm rlau aơ, rmôt cán bộ, nŭih kan bah Ban Dân tộc hŏ geh âk nau rgop khlay tâm nau geh dơi nsum bah nau ơm 78 năm Radio Việt Nam ndrel n’hao tay rnoh khlay, n’hâm dăng nkoch trêng bah du Ntŭk kan báo chí, nkoch nau tơm, âk nau kan tât âk mpưm năch djăt uănh răk tâm dak ndrel dak ba dih.

Tâm rơh mhe, ân geh n’hao nau ƀư nâp nau tâm rnglăp lam rnoi mpôl, ƀư ueh n’hâm dăng, rjăp lơn tay nau kan, nau rgop bah ăp kơn ƀon lan, ndâk ndrel ƀư ueh ăp tu tơm kan, nau geh dơi, nau blau mhe bah ăp nŭih Việt Nam, ndâk nau nsôih ŭch hun hao bah lam rnoi mpôl. Rơh aơ, Ban Dân tộc hŏ geh Radio Việt Nam, ăp n’gâng kan, ntŭk kan Trung ương, nkuăl pă Bằng khen kơp dơn nau rgop ueh, săk tam bah cán bộ, phóng viên, Biên tập viên di nkah 30 năm ndâk njêng./.