Nkhêp geh nar Noel năm 2022, kêng măng (21/12), Bí thư Trung ương Đảng, Kruanh Ủy ban Trung ương MTTQ Việt Nam Đỗ Văn Chiến leo Mpôl hăn pah kan bah Trung ương, Ủy ban Trung ương Mặt trận Tổ quốc Việt Nam n'hanh kruanh rđău kan n'gor Kon Tum hŏ tât khâl, mbah rhơn nar Noel ta Tòa Giám mục Giáo phận Kon Tum.

Ntơh măt kruanh rđău kan Đảng, Ngih dak, Kruanh Ủy ban Trung ương Mặt trận Tổ quốc Việt Nam Đỗ Văn Chiến njuăl nău mbah rhơn nar Noel tât Đức Giám mục chính tòa Giáo phận Kon Tum Nguyễn Hùng Vị, ăp linh mục, bu ur bu klô tu sĩ n'hanh kônh wa kon chroh wơt du khay noel răm mƀak, uĕh lăng, rhơn nđơr, nsĭt geh âk nău dơi n'hanh dơn geh âk nău kơl bah brah. Tâm nkoch bri đah Đức Giám mục chính tòa Giáo phận Kon Tum Nguyễn Hùng Vị, ntơh măt kruanh chroh n'hanh kônh wa kon chroh, wa Đỗ Văn Chiến lah rjăp, bol hŏ geh âk nău dơi têh kuâng mpeh hun hao wăng sa- rêh jêng kon nuĭh, nău rêh ăp ntil uĕh lăng yơn năm 2023 trong rƀŏng nsum bah lam ntŭr neh nchroh gĭt lor lah neh dak he mbra geh jêr jŏt, nău nê ân  geh ndrel du nuih n'hâm nsum suan bah lam Đảng, lam tahen n'hanh lam ƀon lan.

VOV Tây Nguyên/Nuĭh rblang: Điểu Thân