HĐND n'gor Lâm Đồng ƀư rơh hop tâl 9- rơh hop way nkô̆ gay mĭn uănh, an dŏng âk nkô̆ khlay n'hanh tĭng ƀư pah kan nchrăp nuĭh kan. Rơh hop hŏ mĭn uănh, an dŏng ăp nghị quyết khlay kơt: rgâl di, tâm pă trong nchrăp ntuh kơl; ntop kơl tâm trong kan tuch tăm mât rong mpeh bôk nău kan gưl neh dak n'hŭch ach o jŏ jong; ntlơi săk nchih ăp trong nchrăp kan ntuh kơl sŏk mplơ̆ neh n'hanh ăp trong nchrăp ntuh kơl ân rgâl dŏng neh tăm ba, neh bri jêng dŏng an nău kan  êng ƀa ƀă....Tĭng wa Trần Đức Quận, Bí thư Tỉnh ủy, Kruanh HĐND n'gor Lâm Đồng, aơ lah ăp nkô̆ khlay gay n'gor tĭng ƀư tay geh nău tam ăp nău dơn kan, nău ndơ̆ luh.

Ta rơh hop, HĐND n'gor Lâm Đồng ƀư mĭn uănh pah kan nchrăp nuĭh kan. Tĭng nê, wa Nguyễn Khắc Bình - Bí thư Huyện ủy, Kruanh HĐND nkuâl Cát Tiên dơi sơch ƀư Groi kruanh HĐND n'gor Lâm Đồng khóa X, năm kan 2021- 2026; wa Nguyễn Ngọc Phúc -  Bí thư Huyện ủy Đức Trọng dơi sơch ƀư Groi Kruanh UBND n'gor Lâm Đồng.