Ôi 23/8, ta Lâm Đồng hŏ ƀư tâm nchră an ƀư nău n’glêh an bah Ban Bí thư Trung ương Đảng mpeh pah kan cán bộ.

Ta tâm nchră, dơi geh nău nơm đă bah Ban Bí thư n’hanh Kruanh Ban Tổ chức Trung ương, wa Phan Thăng An, Groi kruanh Ban Tổ chức Trung ương mbơh siƀŭt n’glêh an bah Ban Bí thư mpeh nău rgum n’hao, nchŏng đă wa Trần Hồng Thái, Ủy viên Ban cán sự đảng, Thứ trưởng Bộ Khoa học n’hanh Công nghệ râng Ban Chấp hành, Ban Thường vụ, ƀư Groi Bí thư Tỉnh ủy Lâm Đồng năm kan 2020-2025 n’hanh mbơh gay sơch ƀư Kruanh UBND n’gor Lâm Đồng, năm kan 2021-2026. Wa Trần Hồng Thái deh năm 1974, ƀon tơm nkuâl Can Lộc, n’gor Hà Tĩnh; học hàm, học vị giáo sư, tiến sĩ; tốt nghiệp đại học ta Liên bang Nga, mât ƀư luận án tiến sĩ way n’gâng kan Khoa học play neh n’hanh Toán học ta Đại học Tổng hợp Heidelberg (Liên bang Đức).