Tĭng nĕ, wa Võ Văn Thưởng, ủy viên Bộ chính trị, rnâng kan Ban bí thư Trung ương Đảng khóa 13, đại biểu Quốc hội khóa 15 lĕ săch ƀư kruanh dak đah nău geh 487/488 đại biểu Quốc hội ŭch đah 98,38%.

Tâm nău ntoh ngơi dơn nău kan lôch nĕ, kruanh dak Võ Văn Thưởng lah na nê̆ mô rlu mât chăm rdâk njêng n’hanh n’hao nău tâm rnglăp lĕ mpôl rnoi, tâm ban ŭch djăt ăp nău tâm rgop yor ƀon lan, yor ngih dak bâh ăp nuĭh Việt Nam rŏng dak, mât uănh na nê̆ nău mĭn ƀư tơm lah ƀon lan, sŏk nău tâm di pháp luật n’hanh tâm di ngăn bâh ƀon lan lah nău ntoh ang ntơm ƀư, lah nău kan khlăy bâh ăp nău ntrŭnh kan “Nău geh ueh an ƀon lan, he an nsrôih ƀư”. Nău mô ueh an ƀon lan, he an der lĕ. Nsrôih njrăng, rdâng nău sa nkhiăn, sa ƀer mpŭng lir, ƀư lôch tâm ban nău kan hun hao nâp nâl, rdâk njêng nău kan ngih dak kloh ueh, nâp dăng.