VOV4.M’nông: Pơh rlau aơ, ta Hà Nội, N’gâng kan Lâm Nghiệp, N’gâng kan tuch tăm ndrel hun hao [on kan [ư r[u\n nchră “Rgop nau nchrăp Luật mât ndrel hun hao bri rgâl nkra”. Ngoai tâm ăp nkô| nau tơm geh ăp ntoh măt rgum rgop nau lah gay uănh nau tăm bri lah du nau kan văng sa rgâl ma nau mât njrăng dơm kơt rnôk aơ

Nau nchrăp Luật Mât ndrel Hun hao bri (rgâl nkra) geh 12 chương, 111 điều. rđil đah Luật mât ndrel Hun hao bri năm 2004, hao rlau 23 điều ndrel ntop tay 4 chương mhe geh: Ê nkra, tăch rgâl si, tâm boh đah dak ba dih tâm nau tăm si, rnoh bri, ntuh kơl, tơm prăk tâm nau tăm bri, mât kan Ngih dak mpehy bri…. Nau kan rgâl tâm nau nchrăp Luật geh nchrăp ti\ng trong mât, njrăng, hun hao bri, do\ng bri, tăch rgâl, ê nkra ndrel tăch rgâl sui ntoh nau kloh mât njrăng bri lah nau kan văng sa-rêh jêng, geh ăp nau kan nsum đah nau kan tăch rgâl ndrel nau kan geh tât bri.

Ăp nau rgop đă, gay nau nchrăp Luật jêh geh ntru\nh hăn lăp ngăn tâm nau rêh, ê lor luật gay rklaih dơi ăp nau kan dôl geh mâp. Gay uănh nau tăm bri kơt lah du nau kan văng sa rgâl ma knu\ng lah nau mât njrăng kơt rnôk aơ. Đah nau kan tăm bri mô êng lah brim, mô êng lah si ma n’ăp ma ntu\k ntu bri gle êng ndrel gay geh âk njêng nau văng sa. Êp nê, gay rklaih dơi nau kan ndâk njêng geh bah nu\ih mât njrăng bri…Wa Nguyễn Tiến Lâm, Groi giám đốc N’gâng kan tuch tăm ndrel Hun hao [on lan n’gor Nghệ An ntoh nau:

 ‘ Bar ntil tơm ma bri leo tât, tal bôk năp lah bri, ndrel tal bar lah ndơ geh bah bri. Phung hên dôl kơp tât nau geh bah bri ri rnoh geh bri leo luh nau geh mô têh. Yơn kơp ti\ng rnoh geh êng bah bri ri âk ngăn. Lah ntuh kơl du rêl tâm nau tăm bri mra dơi geh rlau 7 tơ\. Kơt ngăn lah nau kan 147 mpeh nau kơl an hun hao tuch tăm, du ha bri geh nklăp 20 rkeh. Ngih dak kơl an 2 rkeh/ha gay [ư ntil gay rvăt phân poh, nu\ih [on lan lơi n’hâm 18 rkeh ri geh săk rnglay 18 rkeh ri jêh 5 năm du ha hôm geh 100 rkeh. Ntuh kơl tơm prăk tâm nau kan tăm bri geh rnoh ngăn rđil rnok aơ”.

Ti\ng Wa Nguyễn Bá Ngãi. Groi Kruanh N’gâng kan mât tăm bri, Nau nchrăp luật mât njrằng ndrel hun hao bri rgâl nkra rơh aơ nau kan geh tât nau do\ng luật âk lơn ndrel ti\ng nau kan tă bah nau mât, do\ng, ê nkra, tăch rgâl. Ntru\nh n’hêl ngăn ăp nau kan bah Ngih dak đah nau kan mât njrăng bri. Tâm nê, lah rjăp, Ngih dak ntuh kơl mât ndrel hun hao bri do\ng kan, bri rchăng sial, bri tơm, khlay bah neh dak ndrel du đê| ntu\k ntuh kơl nsum. Hôm âk nau kan êng êng geh [ư nsum, ăp nau kan văng sa ba dih ngih dak ntuh kơl. Nchrăp luật ko\ geh nau rgâl ngăn tâm nau ndâk njêng tay nau kan tăm bri, kơt: Hun hao khoa học công nghệ, rnoh bri, tơm prăk tâm nau tăm bri:

 ‘Nau nchrăp Luật geh âk nau rgala mhe khlay. Tâm nê geh ăp Bôk nau kan nkoch tât nau ndâk tay nau mât njrăng bri kơt lah nau hun hao mpeh khoa học ndrel công nghệ. Nau nchrăp tâm nchră ko\ geh ntop tay nau kan mhe khlay geh tât rnoh, tơm prăk tâm nau mât njrăng tăm bri gay [ư ân kloh jăp lơn nau kan, nau dơi bah tơm, bri. Phung he ko\ gay [ư kloh nau kan mât bri ndrel Luật năm 2004 ê geh nkah. Ntuh kơl mât njrăng lam [on lan, ntu\k kan Ngih dak ntoh măt ân nu\ih tơm mât bri. Nkre nau nchrăp Luật ko\ ân geh [ư ân rjăp ngăn nau pă gâl kan rgâl nau mât njrăng do\ng bri mhâm [ư nau dơi bah Quốc hội. chính phủ gay ân n’hao, n’huch nau dơi bah nkuăl ân rnoh dêh ngăn gay geh mât njrăng ân nâp nâl”./.

Nu\ih răk rblang: H’Thi