VOV4.M’nông: Gay bôk nau kan tâm n’ur nkuăl n’har bri Việt Nam-Lào-Campuchia tal bôk năm năm 2018 geh nau dơi ueh, nau nchrăp kan ho\ geh N’gâng kan rđau tahen Biên phòng n’gor Kon Tum ntru\nh bah a[aơ 10 khay. Ndơn saơ kloh nau kan khlay aơ, ăp cán bộ, tahen nkluăl n’har bri tâm nkuăl ko\ [ư ueh ngăn nuih n’hâm gơih kan ndrel nau kan đah ndơ geh jao.

Tât nkuăl [on têh Kon Tum râng nau tâm n’ur, bah năp nau vơt ueh, tâm rngăp tâm boh Việt-Lào, wa Lệch Xay Nha Phon, Uỷ viên Trung ương Đảng, Bí thư, Kruanh n’gor Attapư, dak Lào rhơn ngơi:

‘Mra dơi lah, nau tâm boh đah n’gor Attapư ndrel n’gor Kon Tum du\t n’hâm ăp ntil ndrel săk rnglay. Bar ding ndrel nsum mât rnă njrăng, đăp mpăn nkuăl n’har bri ndrel ăp nau tă geh tâm nau rdâng njrăng phung tih dôih. Ngăn lah lôch năm 2017 mhe rlau 2 n’gor ho\ [ư nau nkah ueh 2 nau kan nkah khlay ngăn, nê lah di nkah 55 năm nar ndâk nau tâm boh nchră nau ndrel 40 năm nar ký nau tâm ton tâm boh ăp ntil Việt Nam-Lào”.

N’gor Kon Tum geh trong n’har jong rlau 292km, tâm nê dăch đah n’gor Attapư, Sê Kông dak băl Lào rlau 154km, dăch đah n’gor Rattanakiri, dak Campuchia rlau 138km. Nkyăl neh aơ  ăp năm hôm tâm lơh lah yôk [om bah Mỹ ndrel ko lah ntu\k ntoh nau nuh n’hâm tâm rnglăp tâm lơh đah tahen-[on lan 4n’gor. Lôch bơi tât 10 năm ma aơ, 3 dak, 3 rnoi mpôl ho\ mro tâm rnglăp, tâm kơl tâm nau tâm lơh rklaih đăp mpăn rnoi mpôl ndrel ndâk neh dak nar lơn nâp nâl, sâm geh. Tâm ăp năm rlau aơ, rmôt mât njrăng nkual n’har bri 4 n’gor ho\ tâm rgop ntru\nh [ư geh săk rnglay âk nau kan. Ntoh ngăn kơt nau tâm rgop tâm lơh rdâng phung tih dôih, nau kan tâm rnglăp tâm [on lan nkual n’har bri kơl an [on lan hun hao văng sa, mât chăm mpeh dak si, nti\m nti.

Ta bôk nau kan tâm n’ur tâm măng 2/11, Thiếu tướng Sổm Thoong Đon Căn Nọi, Rđau kan Chính trị N’gâng kan rđau kan tahen n’gor Sê Kong, dak Lào ngơi kơt aơ:

‘Tâm rnôk rlau aơ ko\ kơt lah a[aơ hin, bar rmôt ho\ [ư ueh ntrong kan tâm nchră bah bar Đảng, bar Chính phủ ndrel N’gâng kan neh dak bah bar dak. Phung hên ho\ ndrel kơl tâm nchră nau đah n’gâng kan tâm nkuăl tâm rgop nsum tâm nau kan rnă njrăng, neh dak. Tâm rgop ngăn nsum  tâm nau kan mêt uănh, nkân njrăng tâm nkuăl n’har bri nsum. Mbơh nau kan nsum ân năn. Ăp khay, tâm 3 khay du tơ\, ăp năm ri tâm pleh [ư r[u\n nchră nau kan”.

Nau ang ngăn tâm ăp nau kan bah bôk nau tâm n’ur n’har bri Việt Nam-Lào-Campuchia tal bôk năp năm 2018 lah nau kan mêt uănh nsum tâm nglah 3 n’har bri tâm pă bah 3 dak, mpeh Việt nam, tâm xã Bờ Y, nkuăl Ngọc Hồi, n’gor Kon Tum. Jêh nau mbah cờ tâm nglah 3 n’har bri, cán bộ tahen Đồn Biên phòng mpông n’har đah dak ba dih Bờ Y, tahen biên phòng Kon Tum ndrel Đại đội 541, N’gâng kan rđau tahen n’gor Attapư, dak Lào, Đồn Công an mât nkuăl n’har bri Kontuynek, Công an n’gor Rattanakiri, dak Campuchia [ư nau hăn mêt uănh nsum mât nkuăl n’har bri ndrel mât rnă njrăng n’har bri. Nau kan aơ lah nau đă [ư bah rmôt mât njrăng trong n’har tâm nau [ư nau tâm ton, nau tâm nchră tâm boh Biên phòng, nau nkah geh ký ton đah ngih dak ndrel Tahen [on lan Việt Nam đah ăp dak tâm dăch…Đại uý Phay Sam Bat, Kruan rmôt mêt uănh, Đồn Công an mât nkuăl n’har bri Kontuynek, Công an n’gor Rattanakiri, dak Campuchia, ngơi:

‘Nau kan tâm rgop mêt uănh nsum đah 3 dak rmôt Việt  Nam-Lào-Campuchia geh nau khlay ngăn tâm nau mât njrăng n’gâng n’har, mât rnă njrăng lam nkuăl. N’hao nau tâm boh tâm rnglăp, tâm boh hun hao tâm nkuăl 3 dak hun hao. Ăp ntu\k, ăp tơ\ nau kan tâm grop nsum bah bar rmot [a [ơ gay mât rnă njrăng đăp mpăn tâm nkuăl n’har bri”.

Đah nuih n’hâm “[on lan tâm dăch vay ơm, tâm boh ăp ntil, nâp nâl jo\ jong” tâm bôk nau kan tâm n’ur nkuăl n’har bri Việt Nam-Lào-Campuchia tal bôk năp năm 2018, rđau kan n’gâng kan bah 4 n’gor ko\ ntoh nau nsôh tâm dăch, tâm rnglăp ndrel ndâk nkuăl n’har bri hơm răm, đăp mpăn ndrel hun hao. Lo\ tâm rgop, ntru\t dăng nau kan tâm nchră tâm n’har bri rgum tâm âk nau kan kơt, rgum joi nting tahen kăl e, kơl an [on lan bar nkuăl n’har bri hun hao văng sa jut n’huch ach o, pơk tay ăp mpông n’har tâm n’ur hun hao văng sa…Rhơn bah năp nau dơi nsum bah Bôk nau kan, đại tá Phạm Ngọc Phú, Rđau kan N’gâng kan tahen Biên phòng n’gor Kon Tum, ngơi:

‘Bah nau tâm n’ur rơh aơ ntru\t dăng nau tâm rnglăp ndrel tâm boh đah n’gâng kan ndrel rmôt mât njrăng nkuăl n’har bri 3 dak. Nkre ăp rmôt mât njrăng nkuăl n’har bri geh rnôk gay uănh gay nau tă geh tâm nau kan tâm rgop nsum mât nkuăl n’har bri. Lo\ ntru\t dăng tâm boh ndrel pơk trong nơih tâm nau mât rnă njrăng nau [ư tơm ndrel rnă njrăng đăp mpăn tâm nkuăl n’har bri bah ăp dak”.

            Lo\ bun dăp tay nau tâm rnglăp, tâm boh tâm Bôk nau kan tâm n’ur nkuăl n’har bri bah 3 dak Việt Nam-Lào-Campuchia ho\ ndrel tăm tơm si tâm nglah 3 nkual n’har bri rlau 700 tơm, pă 20 nklâm prăk “Kơl n’hoat jâng oh hăn nti” ân kon se geh nau rêh jêr jo\t, pă 40 mlâm ndrôk rnoh 600 rkeh kơl an ăp rnăk ach o 4 n’gor n’har bri geh tơm prăk gay rklaih ach o. Geh rnê lah du nau kan tâm nchră tâm nkual n’har bri ntoh lư, Bôk nau kan tâm n’ur nkuăl n’har bri Việt Nam-Lào-Campuchia tal bôk năp năm 2018 ho\ geh ntơm lơ 2 tât lơ 3/11 mhe rlau ta n’gor Kon Tum ho\ rgop nau n’hao tâm boh tâm rnglăp, tâm rgop ngăn, tâm rnơm, tâm boh, ndrel hun hao dadh 4 n’gor bah 3 dak. Ndrel nau kan tơm, [ư nau kan mât njăng, mât nau [ư tơm rnă njrăng nkuăl n’har bri neh dak, rmôt mât nkuăl n’har bri Kon Tum lo\ lah ntung njo\ nâp nâl bah nau tâm rnglăp tâm boh khlay aơ./.

Nu\ih rblang: H’Thi