VOV4.M’nông: Pơh rlau aơ, ta Hà Nội, N’gâng kan tuch tăm ndrel Hun hao [on lan tâm rgop nsum đah N’gâng kan Công thương, Jrâu kan tăch rgâl ndrel Công nghiệp Việt Nam [ư r[u\n nchră “Nau nkhêp geh ndrel nau ntul rlong dah nau kan tuch tăm Việt Nam rnôk râng ăp nau tâm ton dah ro\ng tăch rgâl”

Lah rjăp nau khlay bah kan râng ăp nau tâm ton dah ro\ng tăch rgâl (FTA), ăp ntoh măt tâm an nau kơp dơn râng ăp nau tâm ton dah ro\ng tăch rgâl FTA, ngăn lah nau tâm ton rơh kan mhe ntoh kơt nau kan ăp dak kan nsum ăp ntil ndrel blau mhe rloh rlau Thái Bình Dương (CPTPP) ndrel Nau tâm ton dah ro\ng tăch rgâl Việt Nam-Liên minh Châu Âu (EVFTA) lah nau nkhêp gay pơk hvi ntu\k kan tăch luh lah nsum, ndoh ndơ tuch tăm lah êng…Yơn lah, êp ăp nau nơih ri ơm âk nau ntul rlong kơt lah: Ăp dak râng mra n’huch soay yơn n’hao ăp ntil ndoh ndơ ân nâp jăp lơn, kơt lah: Ăp dak râng mra n’huch rnoh soay yơn n’hao rnoh njrăng mpeh soay ndrel nau nkân uănh mra geh [ư rjăp lơn, ăp ntil ndơ mât rlong geh ntul rlong hô lơn. Ăp ntu\k kan tăch rgâl ân to\ng dơi ăp nkô| nau prêh mpeh nau nâp, đăp mpăn ndơ sa, mât ntu\k ntu, têm nkrem u\nh nar, đăp mpăn rêh jêng.

Ti\ng N’gâng kan Công thươg Trần Tuấn An, Việt nam ho\ ndrel dôl râng âk nau tâm ton dah ro\ng tăch rgal khlay, đah 16 nau tâm ton  dah ro\ng tăch rgâl n’ăp ma âk ding ndrel bar ding ho\ ta ký ton. Tâm roh nê, âk nau kan tâm ton tăch rgâl dah ro\ng FTA rơh kan mhe u\ch âk âk nau kan prêh, nau geh ngăn tât âk nau kan, âk ding bah neh dak, mât njrăng bah neh dak, nau kan hun hao văng sa rêh jêng…

Nkoch tât nau geh dơi tâm nau tâm rnglăp bah Việt Nam tâm nê geh nau kan tuch tăm dnrel hun hao [on lan, đah ăp ntu\k kan râng tâm nau dah ro\ng tăch rgâl,. Kruanh n’gâng kan Trần Tuấn Anh ân lah, tuch tăm ndrel nu\ih [onlan ăp nhoat rgala nhe, tâm nau kan ê nkra bah ntu\k kan tăch rgâl ndrel nu\ih pah kan lo\ mkir ri geh nau kan tâm rgop nsum âk lơn. Đah nau dơi lah dak dâk bôk năp tâm ăp ntil ndơ tuch tăm ndrel tăch luh kơt lah cà phê dâk tal bar lam ntur neh, phe dâk tal pe lam ntur neh, tui ka dâk tal puăn lam ntur neh:

‘Mô geh nau njrăng ân nau kan dơi mpeh tuch tăm lah dơi ri ndăn ngăn nau geh mpeh ntu\k kan tăch rgâl ndrel geh âk nau dơi gay ma ndak tay, leo nau kan dnrel nau [ư tuch tăm ti\ng nau kan tuch tăm ân geh ntrong kan têhl hữu cơ ndrel geh nsum đah nau geh jêng ăp nau kan mpeh rnoh tăch khlay. Ăp nau ton dah ro\ng tăch rgal nê lah nau dơi gay he n’hao n’hâm ntul rlong bah ntil ndơ, ngăn lah nau kan tuch tăm bah Việt Nam”

Kruanh n’gâng kan tuch tăm ndrel Hun hao [on lan Nguyễn Xuân Cường lah rjăp, ân geh nsôih nchrăp tâm rnglăp, kơp dơn  ntu\k lah nau nkhêp geh ntu\k kan nau ntul rlong rnôk râng ăp nau tâm ton dah ro\ng tăch rgâl. Nau tâm ton kan nsum ăp ding ndrel blau mhe rloh rlau Thái Bình Dương (CPTPP) ndrel nau tâm ton dah ro\ng tăch rgâl Việt Nam-Liên minh Châu Âu (RVFTA) geh rlau 30% GDP lam ntur neh, 35% nau kan tăch rgâl bah lam ntur neh ri aơ lah nau nơih ndrel ma rlơ\ ma nê geh âk nau ntul rlong, lah mô rlet rlau ri mô êng knu\ng nau dơi tăch luh mô nâp ma hôm roh nkre tâm ntu\k tăch vay ơm đo\ng.

So\k nau ntoh mhô tă bah ka ngừ, ndrel đah nau jâk, ka ngừ bah dak Việt Nam knu\ng tăch geh 37 rkeh tâm rnôk ka ngừ đại dương bah Nhật Bản geh tăch 70 rmen, âk rlau ma rbăn tơ\. Nau aơ saơ ngăn tă bah nau blau nhu\p ka, ê nkra ndrel ntu\k leo tăch rlâu ma nau kan bah dak Nhật Bản. Yor ri, ân geh kơp nal ân kloh, ntrong kan ndâk tay ndrel tâm ban ân geh nau râng bah lam ntur Ngih dak, ntu\k kan tăch rgâl, ndrel lam [on lan ri mơ geh nau dơi.

Êp nê ko ân geh nau rgâl mhe nau kan, [ư ân jêh mpeh nau kan văng sa gay Luật, nau ntru\nh, Nau đă geh hăn lăp tâm nau rêh ngăn…Kruanh n’gâng kan Nguyễn Xuân Cường lah rjăp nau kơp dơn, ăp nau ma N’gâng kan e êgh kloh ta bah nau ngăn bah nkuăl ndrel ntu\k kan ri ân geh ntop tay ân ma jêh lơn ăp nau kan kơt ti\ng ndrel tâm rnglăp:

‘Ntu\k kan mât njrăng bah Ngâng kan, ăp ntu\k kan mhâm nau rgâl ân ma tâm di? Ntu\k kan tăch rgâl nau nau kan? Gưl n’gâng kan tâm nkuăl moh nau [ư? Nu\ih [on lan ân geh lăp ntrong kan aơ ri mhâm? Phung he mra ndâk njêng tay bôk nau kan, ngănlah ti\ng ăp nkuăl, ăp rmôt ntil ndoh ndơ mra geh ăp nkô| nau kan êng đah nau u\ch phung he nchrăp nau blau ueh ngăn, nchrăp nau so\k joi geh âk nau dơi ma ăp nau ton dah ro\ng tăch rgâl mhe ngăn ndơ\ ân ma phung he. Lah [ư dơi nau aơ, jâng văng sa mhe tâm rnglăp mra gẹh nau dơi, bah nê rgâl nau kan hun hao văng sa”.

Ko\ ta rơh r[u\n nchră, ntoh măt ăp nkuăl ndrel nau tâm ton ntu\k kan tăch rgâl ko\ đă ăp N’gâng kan bah Trung ương gay lo\ uănh kơl an ăp nau mbơh geh tât ăp nau ton dah ro\ng tăch rgâl tâm nau tâm rnglăp./.

Nu\ih rblang: H’Thi