VOV4.M’nông: Pơh rlau aơ, Quốc hội ho\ [ư jêh rơh r[u\n ôp nau ndrel ơh nau ôp ta rơh r[u\n tal 7 đah 4 rmôt nau kan tâm nau tơm bah 4 Kruanh n’gâng kan: N’gâng kan Công an Tô Lâm, N’gâng kan ndâk nkra Phạm Hồng Hà, N’gâng kan Gung trong nchuăn rdeng Nguyễn Văn Thế, N’gâng kan Văn hoá Thể Thao ndrel Pâl n’aih Nguyễn Ngọc Thiện. Jêh ôp nau ân saơ, ăp nkô| nau ôp tâm di ndrel geh ăp nau kan bah nau rêh văng sa ma [on an lam dak ndrel ăp ntoh măt uănh khlay.

Râng rơh ôp nau ndrel ơh nau ôp ho\ geh 230 ntoh măt râng ôp ndrel nchră. Rơh ôp geh tâm nau khuh n’gor, [on lan [ư tơm, song dăng, nau kan ndrel ndâk nkra. Ăp ntoh măt ntoh nau ôp gleh, rgum tâm âk  nau kan geh uănh khlay, nkre so\ng dăng ncho\ng luh ăp nau hôm kol đah nau u\ch Chính phủ, ăp n’gâng kan lo\ geh ntrong kan ân năn rklaih.

Ta rơh ôp nau Kruanh n’gâng kan Công an Tô Lâm ăp nau rgop ko\ ntoh nau rvê geh tât phung tih dôih ma tuý, đah nau n’hao rnoh tơ\, rnoh nu\ih geh tât nau kan mô geh kơp ma gam mô lah ma kg ma kơp đah tấn. Ăp ntoh măt ho\ nkah tât nau kan bah N’gâng kan công an gay n’hao rnoh tơ\ tăch rgâl, nchuăn rdeng, mât prăp ma tuý đah rnoh âk.

Nu\ih [on lan Tây Nguyên uănh khlay tât nau ôp bah Ntoh măt Quốc hội đah N’gâng kan Gung trong nchuăn rdeng Nguyễn Văn Thể. Ti\ng nau rgop bah [on lan, nau kan gung trong hôm geh âk nau ntoh luh, u\ch N’gâng kan ân nsôih mư jêh lôch nau kan. Ăp ntoh măt ntoh luh nau đă ân N’gâng kan ko\ geh di, đah ăp nau u\ch bah [on lan, ngăn lah geh tât nau kan kơt: Nglăp do\ng ntrong so\k prăk mô do\ng, geh tât rnoh nâp trong BOT, nau ân so\k săm [u\t ân ơi\t ndeh…Wa Đỗ Anh Hiền, ta Thôn Hoà Bình, nkuăl têh dran, nkuăl Đơn Dương n’gor Lâm Đồng rgop nau:

‘Gâp u\ch lah Quốc hội, Ngih dak ân geh mêt uănh, mâty ân rjăp, geh ăp nau kan ân rjăp lơn tay đah ăp nu\ih [i\t ndeh. Ngăn lah [i\t ndeh trong jong geh phung do\ng ma tuý jêh ri nchuăt ndeh ma [ư nau khuch rmanh jru ngăn, geh nau klach rvê”

Wa Trần Vinh thăng, Phường Nghĩa Đức, nkual têh Gia Nghĩa, n’gor Dak Nông đă, N’gâng kan Gung trong nchuăn rdeng ân ơm ntủ\nh leo ntu\k so\k prăk mô hôm kan ndrel [ư ân rjăp nau mât, mhal ân rjăp ăp nu\ih ngêt ndrănh [iêr, ndơ mô ân do\nmg, ma tuý rnôk [i\t ndeh hăn trong:

‘ Gâp saơ N’gâng kan ơh nau ôp ri lah nau ngăn geh tât ăp nau ôp bah [on lan dă, êp nê gâp hôm geh bar nau đă, nau kan bôk năp lah ntu\k so\k prăk mo njưh gâp u\ch mra ơm leo lăp kan gay ma ân nu\ih ơi\t ndeh bah oi roh mông gay ma rvăt vé, êp nê lah pơk luh nau kloh rah vah gay ntu\k so\k prăk aơ ân geh kan jăp lơn. Nau kan tal bar tâm rơh rlau aơ, ăp nu\ih [i\t ndeh hăn trong ngai ndrel [i\t rdeng năch geh ngêt ndrănh, [iêr, ndơ mô ân do\ng kơt ma tuý hp\ [ư nau khuch rmanh hô, yor ri lah u\ch N’gâng kan tâm rgop nsum đah N’gâng kan Công an [ư kloh rjăp lơn tay gay ndeh hăn trong bah oi nau khuch mpeh drăp ndơ ndrel kon nu\ih”.

Rơh ôp nau dnrel ơh nau ôp bah N’gâng kan ndâk nkra Phạm Hồng Hà rgum geh âk nau uănh khlay bah âk ntoh măt n’gor Gia Lai. Nu\ih [on lan rnê Kruanh n’gâng kan ho\ gi\t kloh nau kan yơn lah nau ôp ri ê geh dăch ndrel ê geh ndơ\ luh nau n’hêl lơn, ngăn lah ăp nau duh a[aơ tâm nau kan ndâk njêng. Đah nau ơh nau ôp bah Groi Thủ tướng Trịnh Đình Dũng, nu\ih [on lan u\ch Chính phủ mra nsôih lơh gay rklaih ăp nau kan ma ntoh măt ko\ kơt lah [on lan lam dak uănh klay. Wa Nguyễn Xuân Anh, ta phường Thắng Lợi, nkuăl [on têh Pleiku, n’gor Gia Lai ntoh nau đă:

‘Tâm nau kan ndâk njêng, nu\ih [on lan ko\ ê geh rnơm tâm nau ơh nau ôp bah N’gâng kan. Yor lah ăp nau ơh bah N’gâng kan mô geh nau rjăp, ngăn lah nau ndaka nkra mô geh tâm ban đah ntrong kan gung trong jêh ri ntrong ê nkra ntu\k ntu. Ndrel tal bar đo\ng, tâm nau ngăn dôl geh âk nau khu n’gur, ndrel mô lah geh ăp nau kan ndâk nkra gâp lah ntoh mhô kơt lah bri bê tông ri a[aơ mhâm geh nau rklaih. Yơn lah, Groi Thủ tướng ko\ ndơ\ luh âk nau kan gay ma rklaih. Gâp u\ch lah ntrong kan ho\ geh ma [ư mhâm ân geh săk tam, phung he mô dơi lah đah [on lan jêh ri ma mô geh [ư ngăn”.

Ti\ng nau nkô| nau ôp ndreh ơh nau ôp bah N’gâng kan Văn hoá, Thể thao ndrel pâl n’aih Nguyễn Ngọc Thiện, wa Dương Đăng Cầm, 70 năm ngih mrô 80/2, Nguyễn Đình Chiểu, Nkuăl [on têh Kon Tum, n’gor Kon tum ân lah, N’gâng kan Văn háo Thể thao ndrel pâl n’aih gay uănh khlay lơn tât nau kan nuih n’hâm mô hôm rjăp yor tơm ngăn bah âk nau mô hôm so\ng mpeh văn hoá dôl geh ăp nar:

‘ N’gâng kan Văn háo, Thể thao ndrel Pâl n’aih ân geh du ntỏng rklaih mhâm nau kan nê gay ma nau mi\n tâm nau rêh â[ơ dôl ma jur khuch. Luh bah dih a[aow ri nau mbơh ngơi, nau tâm mâp đah ăp nu\ih ri mô hôm geh nau ueh kơt kal e nơh ôh. Nau ngơi, nau mbơh mô uegh. Gâp saơ kăl e tâm rơh phung hên ri hăn luh bah dih mâp nu\ih têh ân geh mbah. Kon se mâp nai nti\m nti nơm ri geh nau ryơk ngăn, ma a[aơ ri mô hôm kơt nê. Kon se ri mô ryơk bu têh. Yor ri, gâp đă N’gâng kan văn háo ân geh ntỏng rklaih gay ma nti\m nti tay nau mbơh ngơi tâm nau rêh”.

Ntoh măt chính phủ, Groi Thủ tướng Chính phủ Phạm Bình Minh ho\ [ư kloh ăp nau kan geh tât ndrel ơh nau ôp bah ntoh măt Quốc hội. Lah rjăp văng sa rêh jêng lo\ geh ăp nhoat mhe, Groi Thủ tướng ân [ư kloh nau nơih ndrel nau jêr rnôk Việt nam râng nau tâm ton CPTPP, nau kan mbrơh leo pă do\ng prăk ODA ndrel nau kan mât njrăng lơi ndoh ndơ mô kloh tu tơm tă bah dak ba dih, ndrel ntô lir bah Việt Nam. Geh tât nau u\nh nar ndâk njêng mhe, u\nh nar n’hâm soan, Groi Thủ tướng lah rjăp nau kan bonh đă hun hao u\nh nar ndâk nkra ơm, gay kơl an nau hun hao văng sa rêh jêng, đăp mpăn u\nh nar. Thủ tướng ho\ ntru\nh ntrong kan ân rjăp tâm nau hun hao n’hâm sial, măt nar:

‘Chính phủ du\t n’hâm bonh đă tâm nau kan hun hao n’hâm sial, điện măt nar, tơm ndơ u\nh nar ndâk ơm. Tât khay 6 năm 2019 nchrăp leo lăp do\ng đăp mpăn nklăp 3000 MW măt nar tâm rnoh 10 rbăn MW điện dôl geh ntru\nh ăp nhoat ntuh kơl ndrel ndâk nau kan. Ndrel âk nau kan điện n’hâm sial dôl geh ăp nu\ih ntuh kơl mi\n njêng đah rnoh rlau 5000MW. Kơt nê, đah nau kan ma chính phủ ndơ\ luh ri ho\ bonh đă hun hao u\nh nar ndâk nkra ơm, tâm nê ngăn lah n’hâm sial ndrel điện mặt nar”.

Jêh 2 nar ma n’gul ôp nau ndrel ơh nau ôp, Kruanh Quốc hội rnê ngăn ăp nu\ih kan chính phủ ơh nau ôp tâm rơh r[u\n rơh aơ mô der ăp nau kan jêr ndrel rklaih kloh ăp nau kan ma ntoh măt mbơh, Nkre, so\ng dăng ndơn nau tih mpeh ăp nau hôm ê ho\ dơi bah ntu\k kan bah nơm, nau kan bah nơm ndrel ton mra rklaih ăp nau kan tâm rơh tât ân ueh, Quốc hội đă Chính phủ, ăp gưl kan, ntu\k kan ân geh mi\n rvê, djăt ân rjăp ăp nau đă bah ntoh măt Quốc hội, [on lan, ntru\nh ăp nau kan tâm ban ăp ntỏng gay pơk trong nơih đah ăp nau kan mât njrăng./.

Nu\ih rblang: H’Thi