VOV4.M’nông: Rơh r[u\n rơh aơ geh tâm rnôk Rơh r[u\n Trung ương 5 lôch đah nau ntru\nh 3 nau khlay đah nau hun hao văng sa rêh jêng bah neh dak n’hanh uănh nau mhal rklaih cán bộ. Mât đah [on lan, ntoh măt Nguyễn Quang Tuấn, rmôt kan ntoh măt Quốc hội kuăl [on têh Hà Nội ân gi\t, bah ntoh măt Quốc hội, nu\ih [on lan nkuăl [on têh njoăl tât rơh r[u\n tal 3, Quốc hội gưl 14 âk nkô| nau têh ndrel nau kan n’ăp nkô| nau geh tât nu\ih [on lan. Nê lah nau kan “dăn lăp nau kan đah prăk”, rgâl mhe nau kan hành chính, n’huch rnoh nu\ih lăp kan, nau kan ê geh [ư, nau ndâk nkra ngih vâl mô nâp. Ndrel đah [on lan lam dak, nu\ih [on lan ta nkuăl [on têh Hà Nôi ko\ uănh khlay tât ăp nkô| nau mpeh rdâng nau sa khâm ndrel so\k lơi drăp ndơ tă sa khâm. Ntoh măt Nguyễn Quang Tuấn nkoch:

 ‘Nu\ih [on lan u\ch geh Quốc hội djăt ndrel geh ăp nau nchrăp kan. Di\ng le\ ăp nau ntru\nh đă nê rgum tâm nau rdâng sa khâm ndrel so\k nsi\t lơi drăp ndơ tă sa khâm. Kơt phung hên gi\t bah năp nơh geh âk nau kan rdâng sa khâm geh rklaih kơt lah rnoh prăk nsi\ty geh tă bah nau rdâng sa khâm nê knu\ng geh nklăp 8% dêh ngăn rđil đah nau geh ma he tă roh yot”.

Lah rơh r[u\n n’gul năm, yor ri ta rơh r[u\n aơ, Quốc hội mra geh âk nar nchră ân nau kan ndâk pháp luật. Quốc hội nchră mra uănh, nchră 13 nau nchrăp luật, 5 nau nchră ntủ\nh n’hanh rgop nau ân 5 nau nchrăp luật êng. Ntoh măt Phạm Tất Thắng, rmôt tă bah n’gor Vĩnh Long nkoch: Nua kan sa khâm hôm geh âk nkô| tă bah nau ntrủ\nh ê rjăp bah Luật njrăng nau sa khâm. Nê lah bol ma ho\ ntru\nh ngăn ăp nu\ih geh mbơh drăp ndơ, nau săk geh tâm rnôk [ư săm [u\t ân geh lăp kan n’hanh mbơh ntop tay drăp ndơ ăp năm tâm ntu\k pah kan, yơn nau kan ngăn nê hôm [ư ti\ng nau nchâp dơm. Yor ri, gay geh ơm rgâl luật Njrăng nau sa khâm a[ao:

 ‘ Gâp saơ ko\ mô geh nau mbơh nti\m ngăn n’hanh ko\ mô geh nau đă gay nkân uănh nau kan kơp mbơh ngăn nê. Nua kơp mbơh nê ko\ geh nau dah ma uư\ch êng nơm n’hanh ntu\k kan ndơn ri mô gi\t geh nau mêt uănh ngăn đo\ng lah mô ndrel ngăn lah mô geh nau ntru\nh n’hêl mpeh nau mêt uănh rnôk phung he rklaih, do\ng geh nau kơp uănh nê tâm nau njrăng rdâng sa khâm”.

Ta rơh r[u\n aơ, Quốc hội ko\ do\ng nklăp 6 nar ma n’gul gay uănh, nchră n’hanh ntru\nh mpeh nau kan kơt ăp nau mbơh bah Chính phủ mpeh nau ntop tay nau [ư nau nchrăp hun hao văng sa-rêh jêng n’hanh tơm prăk ngih dak năm 2016, nau kan [ư nau nchrăp hun hao văng sa-rêh jêng n’hanh tơm prăk ngih dak năm 2017, nchrăp ân tơm răk năm 2015, kan nkah nau trok tâm, kơl an, ndâk tay nau kan bah bôk nau ntru\nh Mpông trong ndeh mpăr lam ntur neh Long Thành. Ngăn lah uănh tât nau mbơh bah Quốc hội uănh ngăn nau [ư kan, pháp luật mpeh nau đăp mpăn ndơ sa lvang ănm 2011-2016, ntoh măt Đôn Tuấn Phong, rmôt kan n’gor An Giang mi\n lah:

 ‘Đah nau kan đăp mpăn kloh ueh ndơ ngêt sa, aơ lah nau kan jo\ jong, [on lan u\ch geh ndơ sa kloh ueh đăp mpăn. Gâp gi\t rơh aơ Quốc hội geh nau mbơh uănh n’ôi gưl prêh mpeh nau dăp mpăn kloh ueh ndơ sa lvang năm 2011-2016, u\ch geh âk nau mbơh ngăn đah [on lan”.

Bha nau mâp đah [on lan, ăp ntoh măt Quốc hội ko\ mi\n lah: Nu\ih [on lan uănh khlay aka lơn nau kan ntu\k ntu gu\ âm ndrel ntu\k pah kan jan sa. Yor nau kan hôl khih ntu\k ntu tă bah nkuăl [ư nau kan tuch tăm [ư âk nau kan tuch tăm mô hôm dơi kan tay. Nau kan “ntu\ng so\k choih” hôm geh kơt lah nau ntul rlong n’gâng kan. Êp nê, nau kan geh âk play ma rnoh lo\ thuk hôm geh ơm, ngăn lah nau kan puăch sur tâm dak nơm n’huch jur thuk, [ư khuch ân nu\ih mât rong. Wa Ngô Sách Thực, Rmôt kan ntoh măt n’gor Bắc Giang ntoh nau mi\n:

 ‘Nau nkoch “ geh âk play ma rnoh jur thuk” nkô| nau ngăn, nau rgop đă ngăn bah [on lan di ngăn, yơn phung hên săp a[aơ gay geh nau rgâl mhe, ntủ\t dăng lơn, jru nâp lơn mpeh nau ndâk tay nau kan tuch tăm. Aơ lah nau nkcoh lah phung he hôm geh nau kan pah kan tuch tăm ti\ng rnăk kơt rnôk aơ ri mô êng đah nau kan rong sur, mô lah play aơ, play êng ma păng hôm geh đo\ng tât nau kan êng. Yor ri, gay geh anu rgum ndrel ntru\t dăng ngăn nau kan rgât nau kan tuch tăm, nkre chính phủ, Bộ công thương, N’gâng kan tuch tăm ndrel hun hao [on lan gay ký bôk nau kan tâm rgop tăch luh đah ăp ntu\k kan tăch rgâl ma he geh nau dơi”.

Ăp nau nkoch mpeh nau mhe, ăp nau kan geh khuch ngăn tât nau rêh bah [on lan mro geh [on lan săch luh ndrel leo tât rơh r[u\n nchră Quốc hội. U\ch lah ă ntoh măt Quốc hội mra [ư ti\ng ueh nuih n’hâm, nau kan bah năp [on lan, rgop nau [ư ân ntu\k kan bah [on lan ngăn lah ntu\k [on lan dơi njoăl nau rnơm ndrel nau u\ch bah khân păng./.

Nu\ih răk rblang: H’Thi