VOV4.M’nông – Nar nđaơ (29/3), thư ký báo chí bah Tổng thống Nga Dmitry Peskov an gĭt, Lễ duyệt binh nkah gĭt Lơh dăng 9/5 mbra ƀư ta thủ đô Matxcơva n’hanh ta 27 nkual ƀon têh bah Nga tĭng trong ƀư way ơm. Bah năp nĕ, ta du rơh rƀŭn bah N’gâng kan mât njrăng bri dak Nga, Kruanh n’gâng kan Sergei Shoigu an gĭt, nău kan nchrăp an Lễ duyẹt binh Lơh dăng, tĭng way ơm mbra dơi ƀư tâm nar 9/5, ntơm ta thủ đô Matxcơva. Tĭng wa, rlău 12,5 rbăn nuĭh, 190 ntŭk kan drăk nsiu n’hanh ndoh ndơ tahen, kơt 76 ndeh păr, mbra râng rơh duyệt binh năm aơ. Rlău ma nĕ, ta lễ duyệt binh mbra nkoch ăp ntil ndrăk nsiu ma nău rlong dơi nchrăp jêh tâm năm aơ mô lah năm 2022. Tĭng ăp nuĭh way kan, rơh duyệt binh êp tât mbra lah du nău an saơ na nê̆ ngăch nkra njêng vũ trang bah tahen Nga tâm ăp năm dăch aơ.

Nuĭh rblang: Y Sưng Phê Ja