VOV4.M’nông: Lah du ntu\k khám săm ji tâm ntrong kan tahen, Ngih dak si tahen [on lan tâm rgop nsum-N’gâng kan rđau kan tahen n’gor Dak Nông ngăn lah [ư nau kan mât chăm n’hâm soan ân cán bộ, tahen bah Rđau kan tahen n’gor. Êp nê, ăp nai dak si tahen ta aơ hôm gơih rgop tâm nau kan bah ntrong kan dak si tâm dâng bah Dak Nông bah nau kan khám, săm ji ân nu\ih [on lan tâm nkuăl.

Ngoai tâm ăp nu\ih geh saơ ji ndrel săm ntơm bah bôk năp ta Ngih dak si tahen tâm rgop nsum đah [on lan tâm Rnâng kan rđau tahen n’gor Dak Nông lah Binh nhì Đoàn Văn Hoà tâm Trung đội 4, Đại đội 9, Tiều đoàn 301. Nô Hoà geh ji play leh rnôk nti\m nti tahen mhe tâm bôk năm aơ. Yor ntôn lah knu\ng ji ndul dơm yor ri nô mô mbơh đah n’gâng kan ba lơ. Ndrel đah nau nti\m nti nar lơn prêh jêh nê, nau ji bah Đoàn Văn Hoà jêng lơn ma jâk đo\ng, Rnôk geh leo lăp tâm ngih dak si, nau ji bah nô geh năl di ndrel leo nau săm ân tâm di:

‘ Tâm rnôk pah kan ri yor ji jir ri geh ntu\k pah kan leo jur ta ngih dak si gay ma ăp nai dak si săm, tâm 2 pơh mhe rlau geh ăp nai dak si mata chăm yor ri ma n’hâm soan gâp ho\ bah oi, ko\ nsôih ngêt dak si ân to\ng gay si\t pah kan tay ta đại đội. Rnôk mhe saơ ri nai dak si ko\ rgum săm, khám [a [ơ ndrel uănh nau ji gay mô geh ntoh luh jâk tay”.

Ndrel dah cán bộ, tahen tâm n’gâng kan rđau tahen n’gor Dak Nông hôm geh âk nu\ih [on lan ta nkuăl têh Gia Nghĩa tât khám, săm tâm ntu\k aơ. Wa Hà Thị Xuất, ta [on Dak Rmoan, xã Dak Rmoan, nkuăl têh Gia Nghĩa lah ngoai tâm apư nu\ih ji vay tata ngăn săm ta aơ, ăp nau ji bah bu ranh kơt lah ji nting bu\t, ji nting kuih, ji bôk. Wa Hà Thị Xuât ân gi\t, đah nau rêh jêr jo\t bah nơm, ri geh săm ta aơ lah du nau lap ngăn:

‘Gâp ta aơ ko\ âk tơ\ hom, lah geh nau ji ri hăn tât ta aơ săm lah bah, geh nar  sau jê| gâp păng geh nau ji, tât ta aơ ri nai dak si khám jêh ri ko\ n’huch đo\ng prăk, yor lah me mbơ\ păng nchlơi păng jo\ hôm, a[aơ păng gu\ ma gâp rlau 10 năm hôm. Âk tơ\ gâp khám ta ngih dak si êng mô bah ri gâp hăn ta aơ aơ âk tơ\ ri saơ nai dak si ta aơ nkre khám ueh, pă dak si ngêt ri tam ngăn”.

Gay n’hao nau nâp ueh ân khám săm ji, ngih dak si tahen tâm rgop nsum đah [on lan ta Gia Nghĩa ho\ geh ntuh kơl âk ntil ndơ do\ng, máy móc ueh mhe, geh du bôk ndeh têh rdeng nu\ih ji, du máy sinh hoá êng, du máy xét nghiệm mham, du máy veh play nuih, du blah máy X quang, du máy in phim Laserr, 20 nsưng bi\ch ân nu\ih ji đah inox, 20 tủ bôk sưng, đah rnoh ntuh kơl nklăp 5 rmen. Yor ri, bol ma geh 10 nu\ih kan lah ăp nai dak si ndrel điều dưỡng, yơn ntu\k kan mro jêh nau kan geh jao, kám săm ji ân ntơm 30 tât 50 nu\ih du nar. Trung uý, nai dai si Ngô Quang Lịch, ngơi:

‘Ngih dak si geh rnôk geh nau êng đah ăp ntu\k khám săm ji êng tâm ba dih, nê lah nau săm kơl an đah [on lan tâm nkuăl êp đah nkuăl têh ndrel ăp nkuăl ngai tâm n’gor. Nua khám săm ji ri mô so\k prăk [ư kan ma khám mô roh prăk ân [on lan, so\k prăk dak si ko\ so\k prăk di rnoh thuk ngăn ân [on lan ti\ng nau kan “kơl an [on lan lah nau tơm”.

Mô êng kơl an nau khám săm ji ân tahen, [on lan, ngih dak si tahen – Rnâng kan rđau kan tahen n’gor Dak Nông hôm [ư âk nau kan n’hêl gay nu\ih [on lan tâm nkuăl jru ngai geh nau rêh jêr jo\t geh nau dơi gay khám săm ji. Ăp năm , ntu\k kan râng nau khám, pă dak si ân nklăp 1.200 nu\ih ji tâm nkuăl jru ngai, ơh nchră nau ân kônh wa mpeh nau rêh ân kloh ueh, njrăng du đê| nau ji ntưp rêng, râng nau muih vaih kloh ndrel rep kloh ntu\k ntu. Đại tá Lê Hải Sơn, Kruanh ngih dak si tahen [on lan tâm rgop nsum-N’gâng kan rđau kan n’gor Dak Nông, ngơi:

‘ Ăp năm ko\ ti\ng nau ntru\nh bah quân uỷ Trung ương ko\ kơt lah quân khu râng tâm nau kan khám, săm ji bonh đă kônh wa [on lan tâm nkuăl jru, ngai, rklaih nau jêr nti\m nti mpeh nau rêh kloh ueh, khoa học gay khân păng geh nau ueh moeh nau njrăng du đê| nau ji vay mâp gay bu geh nau blau mât njrăng n’hâm soan ân nau rêh [on lan uhe, đăp mpăn mpeh văng sa chính trị gay to\ng dơi n’hao nau rêh dak si bah [on lan tâm nkuăl”.

Ang nau kan, jru nau blau, ăp nai dak si bah Ngih dak si tahen tâm rgop nsum đah [on lan-rnâng kan rđau tahen n’gor Dak Nông ho\ ntoh nuih n’hâm bah “tahen Wa Hồ” mro [ư jêh nau kan tâm ăp ntrong kan. Aơ lah ntu\k nsing rnơm ngăn ma [on lan Gia Nghĩa, Dak Nông njoăl nau rnơm rnôk mât chăm n’hâm soan./.

Nu\ih rblang: H’Thi