Bâh ntơm du ntŭk kan jê̆ đah ndơ dŏng hôm nha mô geh tŏng,  tât aƀaơ Viện lĕ jêng ntŭk kan dak si dŭt têh kơt njrăng nău ji rven, njrăng uốn ván ta oh bê, njrăng ăp nău ji kơt ji ndul djroh, duh kop luh mham rih, jâng ti mbung. Ntoh ngơi ta rơh aơ, groi kruanh n’gâng kan dak si Nguyễn Thị Liên Hương kơp dơn n’hanh rnê ăp nău nsrôih, nău tâm rgop bâh ntŭk kan Viện bâh 50 năm rdâk njêng n’hanh têh jêng. Nkre lah đă, Viện an geh uănh khlăy tât nău kan njrăng rdâng, n’hao nău mbơh tơih nău mhe, ntĭm nti ăp trong kan mât săm săk soan an ƀon lan, njrăng nău ji mô tâm ntưp, nchrăp na nê̆ an ăp rnoh kan gay ma njrăng nuh srê n’hanh ăp nău kan dak si ntŭk rêh jêng ndal.