Du tơ\ bu ntu\ng so\k ndơ geh tâm nar 12/3/2014 mhe nơh ta xã Krông Na (nkuăl Buôn Đôn, n’gor Dak Lak). Nê lah rnăk vâl nô Y Chay Lào gu\ ta Thôn Thống Nhất, Xã Krông Na, nkuăl Buôn Đôn ndơn geh điện thoại tă bah du hê bu klô mbơh mrô điện thoại bah nô geh nau bu nkhôm 250 rkeh prăk n’hanh đă nô Y Chay Lào mbơh moh săk, mpôl, ntu\k gu\, mrô lak kak gay [ư săm [u\t ndơn prăk. Jêh nô Y Chay Lào mbơh ăp nu nau ba lơ tâm điện thoại ri nu\ih nê nkah ma nô Chay lah gay “nkhôm” ân păng đah nau đă nập thẻ cào klơ điện thoại di động ân cán bộ, nu\ih pah kan bah trung tâm viễn thông gay [ư nau rhuăt prăk ngăch. Nu\ih nê hôm đă nô gu\ ta ngih gay Công ty tât nkre ta ngih gay ma ndơ\ ndơ geh nkhôm n’hanh quay phim nkre. Djăt ăp nau rlăm bah nu\ih nê, Nô Y Chay Lào ho\ rgum nu\ih tâm rnăk vâl hăn rvăt thẻ cào nập tâm mrô điện thoại ba lơ nê, đah rnoh lah 19rkeh 6rhiăng rbăn. Jêh nê nu\ih kuăl ân nô Chay ho\ nkhi\t máy n’hanh mô hôm dơi kuăl tay ôh.

Mô kơt nau geh bu rlăm bah nô Y Chay Lào, nau rlăm gay so\k drăp ndơ ba kơi aơ lơn mra klach rvê lơn đo\ng, rnôk nu\ih nơm tâm rnăk vâl hăn ndơ\ nkre prăk rêl ân nu\ih rlăm. Tâm nar 14/3/2014, rnôk ur sai wa Y Đôn Êban gu\ ta Buôn Đôn, xã Krông Na dôl gu\ ta ngih ri geh 2 hê bu ur mbơh moh êng lah nu\ih kan bah rmôt kơl an n’gor Dak Lak mbơh ntu\k kan aơ dôl kơp ăp rnăk vâl geh nu\ih bu rang âk năm gay [ư nau kơl an kơt rek săm măt mô roh prăk, khám nau ji mô roh prăk…Jêh nê, 2 nu\ih aơ đă wa Y Đôn lăp tơh kho ao gay nklih rup leo nsi\t mbơh. Jêh wa Y Đôn Êban lăp tâm ngih tơh kho ao ri 2 nu\ih nê nkoch bri đah I ur păng, mô gi\t mhâm [ư jêh nê ur Wa Y Đôn ho\ doh lơi mblo tôr mah, năl mah, nhong mah ndơ\ ân 2 nu\ih bu ur nê. Jêh so\k dơi drăp ndơ, 2 nu\ih tât rlăm nê ho\ ngăch hăn du.

Nau rlăm bah phung tih dôih tâm 2 nau [ư kơt ba lơ nê mhe nkah lah nau nsing tâm nau u\ch geh prăk rêl, nsing tâm nau mô gi\t, mô nkah uănh lor bah nu\ih [on lan, ngăn lah nu\ih rnoi mpôl đê| tâm nkuăl jru ngai gay ma so\k drăp ndơ. Ăp phung tih dôih nê ma mô ân gi\t ntu\k gu\, jêr ngăn nau mêt n’ôi joi saơ. Yor kơt ri, kônh wa gay nkah n’hanh njrăng đah nu\ih mô năl, rnôk saơ geh nu\ih nơm ntôn tih ri gay mbơh đah ntu\k kan Công an ta ntu\k dăch ngăn gay ma uănh n’ôi.

                                                H’Thi răk rblang