VOV4.M’nông – Thủ tướng Chính phủ Nguyễn Xuân Phúc mhe rđău đă ăp n’gâng kan, ăp n’gor n’hao dăng nking nchăng, rmal ăp nău kan mplư rlăm tâm nău rêh, lơn lah, nău rlăm bah mạng internet. Tâm nkoch bri đah báo chí bah meng quốc hội, ăp đại biểu án lah: pah klan njrăng n’gang, rlăch ndăng, rdâng lơh, nking nchăng nu^h tih do\ng công nghệ mhe mô dơn lah nău kan bah êng mpôl Công an ma ân geh nău râng lăp kan bah ăp nhih pah kan dơi kan, lơn lah nu^h do\ng rho\ do\ng ngân hàng pơk so\ng dăng bah mạng, nu^h do\ng viễn thông, internet, mạng xã hội.

Ăp đại biểu Quốc hội an lah, rnôk bah năp nu nău mplư rlăm tâm mạng internet geh trong hao đah âk nău ngăch prăl [ư âk nu^h jêng nu^h khuch n’ăp drăp ndơ n’hanh nuih n’hâm. Yor r^, nt^m rđau bah Thủ tướng ngăch nking n’gang nu nău mplư rlăm tâm mạng gay mât njrăng nău dơi do\ng, drăp ndơ n’hanh mât njrăng săk soan nuih n’hâm bah nu^h [on lan. Đại biểu Đỗ Đức Hồng Hà, mpôl Hà Nội, m^n lah:

 “Bah ăp nău mplư rlăm tă bah ngăn ngên rnôk bah năp, lơn lah nt^m nău [ư mplư rlăm. Tă bah ne\ du gưl gay [on lan n’hao nuih n’hâm njrăng, kơt do\ng ăp trong njrăng dêr ăp nău [ư mplư rlăm. Tal 2, năl kloh nău kan bah ăp ngih pah kan mât uănh ngih dak ăp ngih pah kan geh nău kan tâm nău kơt do\ng trong nking n’gang nău [ư tih mplư rlăm ta mạng n’hanh ngăch saơ, mbơh đah ngih pah kan dơi kan n’hanh mbơh jêh rmal ne\. nkre gay m’hal, nkri ăp nu^h mô ho\ tih”.

Rnôk dăch aơ, le\ geh âk nău mplư rlăm tă bah điện thoại, njoăl nău geh nkhôm tât ăp mrô điện thoại; rlăm săk ngih pah kan [ư pháp luật kuăl điện đă nu^h [on lan ndơ\ prăk tâm tài khoản gay uănh nđôi, jêh ne\ so\k drăp ndơ; so\k nău dơi do\ng tài khoản mạng xã hội gay mplư rlăm; mplư rlăm tă bah nău [ư tâm rgâl, tăch rwa\t ndơ tă bah mạng… Đại biểu Bùi Thanh Tùng, mpôl Hải Phòng đă ăp n’gâng kan, rnâng kan, nău way kan an uănh kơp ăp ntil nău dơh ntoh mhe ăp nău [ư mplư rlăm; ơm saơ ăp nău  v^ tih, jêr gay lôch jêh nkô| nău tâm di; m^n nchrăp lor geh ăp trong nking n’gang rjăp gay ăp nău [ư mplư rlăm aơ:

 “Nău cách mạng 4.0 hun hao, kơt khuh hun hao internet a[aơ lah nău du\t u\ch an [ư gay đăp mpăn trong kan mât uănh ngih dak; đăp mpăn uănh nđôi nău [ư geh mplư rlăm, tih tât nău dơi, nău geh bah nu^h êng. Nău uănh nđôi mbra nta an ăp ngih pah kan tư pháp dơi rmal nău [ư, nău tih bah năp pháp luật geh tât mplư rlăm, so\k pit, khuch tât nău geh tâm di bah nu^h [on lan”.

Tâm ban u\ch đah nău m^n aơ, đại biểu Nguyễn Thị Việt Nga, mpôl Hải Dương nt^m kloh nău [ư mplư rlăm tă bah mang dôl âk a[aơ. Bah meng nău mplư rlăm gay tăch ndơ ri ăp nu^h hôm mplư rlăm so\k ntu\ng săk êng nu^h gay njoăl nău, email, kuăl jă, mpla nsơ… Joi nău ndơ lơh dơi so\k săk bah he du trong dơh kơt ne\ ? Đại biểu Nguyễn Thị Việt Nga dăn đă N’gâng kan thông tin n’hanh Truyền thông an tâm rgop đah N’gâng kan Công an geh trong mkra rjăp n’hanh rmal rjăp tih dôih mplư rlăm tâm mạng:

 “He le\ geh Luật Rnă njrăng mạng n’hanh Luật rnă njrăng mang le\ hăn tâm nău rêh. Bôk, mpo\ng du nău rgâl kloh lơn pơng nsrôih lơn. Mô kanu\ng geh tât n’gâng kan mât uănh lah N’gâng kan Thông tin n’hanh Truyền thông ma hôm geh tât N’gâng kan Công an, nău lăp n’hanh tâm rgop đah 2 ngih pah kan aơ lah du\t n’hâm khlay, gay he nking n’gang. Di lah tâm rnôk công nghệ 4.0, ri pơng khuh ăp trong [ư mplư rlăm mhe, ntoh âk nău jêr geh tât công nghệ, ăp ngih pah kan dơi kan an geh nău lăp du\t n’hâm n’hanh ơm gay m’hâm [ư nking n’gang ue\h ngăn đăp mpăn nău rêh an nu^h [on lan”.

Mô kanu\ng rlăm nu^h [on lan ma n’gâng kan [on lan ta âk ntu\k geh ăp nu^h rlăm đo\ng. Đại biểu Bùi Văn Xuyền, mpôl Thái Bình an lah: Tâm Luật rnă njrăng mang n’hanh Bộ luật dân sự le\ geh ntru\nh geh tât mpôn nău rêh êng, mpôn đah nu nău săk nơm. Yơn lah, ăp ngih pah kan dơi kan mô ho\ dơi rmal le\ bah năp nău hun hao ngăch bah mạng xã hội. Đại biểu Bùi Văn Xuyền dăn đă:

 “Gâp an lah aơ lah ngoay tâm âk nău ma an nkra rgâl, lơn lah n’gâng kan Thông tin n’hanh Truyền thông tâm rgop đah N’gâng kan Công an n’hanh săk nu^h [on lan nơm rnôk saơ geh nău ne\ ri he an geh đo\ng trong mkra”./.

Nu\ih rblang: Y Sưng Phê Ja