Măng nđaơ (22/12), ta TP.HCM, bôk nău ƀư Hòa nhạc n’hanh njroh mprơ nghệ thuật “Bài ca không quên” lĕ ƀư lôch uĕh, n’glơi an uĕh jru đah ăp đại biểu n’hanh tĭng rơh kơn nuĭh ƀon lan. Kruanh Quốc hội Trần Thanh Mẫn ndrel Kruanh Đảng, Ngih dak râng bôk nău ƀư nghệ thuật aơ. Đah bôk nău “Yor nuĭh ƀon lan chuêl săk nơm”, bôk nău ƀư dơi njroh mprơ đah trong tâm rgop hòa nhạc giao hưởng-thính phòng, dơi ƀư bah dih đah n’glah trong Nguyễn Huệ-Lê Lợi (Quận 1, TP.HCM).

Đah ntŭk ntô lam hvi, măng hòa nhạc đah âk nău mprơ cách mạng dơi ƀư tâm rgop yor ăp ca sĩ, nghệ sĩ, nhạc công gĭt blău, geh ntoh lư bah lam dak ƀư. Bôk nău ƀư lĕ mpơl tay du trong rêh uĕh n’hanh geh nkô̆ lịch sử têh dăng bah rnoi nuĭh Việt Nam, bah Tahen ƀon lan Việt Nam tâm trong lịch sử 80 năm ndâk njêng, tâm lơh, n’hanh têh jêng. Tă bah ăp bôk nău “Neh dak tâm play nuih”, “Bài ca không quên” n’hanh “Yor Nuĭh ƀon lan chuêl săk nơm”, bôk nău rnê rhơn rup ndah “Tahen Wa Hồ” đah ăp nău rêh uĕh, ƀư tay ăp rơh lịch sử bah rnoi nuĭh. Bôk nău ƀư lĕ nkoch lĕ du lvang lịch sử têh dăng, dŭt n’hâm janh săk, nsơr săk, roh rui yơn dŭt n’hâm ntoh lư bah lĕ rnoi nuĭh gay sŏk tay đăp mpăn, dah rŏng an neh dak, kơp dơn ngoăy neh dak, ƀư âk đại biểu, nuĭh uănh rngot.