Nghệ sĩ Linh Nga Niê Kdăm moh săk ngăn lah H’Linh Niê Kdăm, rnoi rđe, deh năm 1948 ta Việt Bắc. Jêh 25 năm ntĭm nti mpeh miền Bắc, păng sĭt Dak Lak, pah kan tâm Đoàn ca múa nhạc dân tộc n’gor, đah nau ƀư nŭih mprơ, râng âk rnôk rhŏ ân kônh wa tâm nkuăl jru ngai. Tâm nau kan ndrĭng nau, wa geh âk nau mprơ mpeh nkuăl neh Tây Nguyên-Dak Lak, geh âk mpưm nŭih ŭch rŏng.

Jêh nê, wa ƀư Hiệu trưởng ngih săm ƀŭt Cao đẳng Văn hoá nghệ thuật Dak Lak, ntĭm nti jrâu nti thanh nhạc tâm ngih săm ƀŭt. Âk rơh kon se nti, sinh viên bah păng hŏ geh âk nau dơi tâm âm nhạc, tâm nê geh ndrâu NSUT Y Moan Ênuôl ndrel nhạc sĩ Y Phôn Ksor.

Tâm măng nhạc, nŭih uănh geh djăt ăp nau mprơ geh nkoch tât nau dơi bah nghệ sĩ Linh Nga Niê Kdăm ndrel uănh tĭng bôk nau kan tâm n’ur đah 3 nhạc sĩ: Linh Nga, Nguyễn Cường ndrel Y Phôn Ksor, ndơn saơ nau ŭch ngăn bah khân păng ân nkuăl neh ndrel âm nhạc Tây Nguyên./.