Ôi nđaơ 16/1, N’gâng kan Văn hóa, Thể thao n’hanh Pâl nđaih Dak Lak ƀư jao an chĭng, kho ao, ndoh ndơ, mboăt n’hôm ntop kơl ăp câu lạc bộ n’hanh rmôt njroh mprơ nkual rnoi mpôl đêt tâm n’gor. Ta bôk nău ƀư, mpôl rdâk ƀư lĕ jao an 16 bôr chĭng, 69 đàn tính n’hanh ăp mboăt n’hôm, ndơ dŏng ndrel đah rhiăng blah kho ao tanh way ơm bah ăp rnoi nuĭh Êđê, Lào, Tày Nùng, Thái, Mường, Thanh Y,...

an 33 câu lạc bộ, rmôt njroh mprơ bah ăp thôn, ƀon nkual rnoi mpôl đêt tâm n’gor. Nău ƀư aơ ƀư tĭng trong nchrăp năm 2024 bah n’gor, tâm nkô̆ nău Nghị quyết mrô 10 bah Hội đồng nhân dân n’gor Dak Lak mpeh mât ndrăy n’hanh ƀư uĕh văn hóa chĭng gông ta n’gor lvang 2022-2025 n’hanh bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk hăn đah hun hao pâl nđaih.