Đah nkô̆ “Neh dak mpăr lot ngai”, Nar mprĭng Việt Nam dơi Hội Văn học Nghệ thuật n’gor Kon Tum ƀư nar 12/2, geh âk nău kan nta geh ntŭk tâm mâp, tâm nđŭr uĕh reh đah ăp nuĭh tơm nchih nău mprĭng n’hanh nuĭh ŭch rŏng nău mprĭng.

Nar mprĭng Việt Nam tâl 23 năm 2025 ta n’gor Kon Tum dơi ntơm ƀư ma nău way n’gluh nău mprĭng gay mpư rnê nău geh blău nău mprĭng mprơ. Ndrel  ăp nău  kan ƀư tâm nar, lah: Măng nău mprĭng Nguyên tiêu; Nkoch mbơh ăp nuĭh tơm nchih nău mprĭng Kon Tum; Dah rŏng nkoch mpeh nău mprĭng Kon Tum n’hanh nchră trong ndơ̆ nău mprĭng tât đah lam mpôl…Hội Văn học Nghệ thuật n’gor Kon Tum ƀư âk nău geh nkô̆ khlay, kơt: Ntĭnh an nău mprĭng ma trong nchih thư pháp; Pla n’hơ rup uĕh mpeh Kon Tum…Nar mprĭng Việt Nam hŏ njêng ntŭk tâm mâp, tâm nđŭr uĕh bah 147 hội viên Hội Văn học Nghệ thuật n’gor Kon Tum n’hanh ăp nuĭh rŏng nău mprĭng.