-Ngăch dăng đŏng ay wa Thị Brao?

          -Nghệ nhân Thị Brao: Lah bu djăt lăp rƀlap tâm bôk tâm tôr bu đŏng, bu đă Gâp aơ lah nău mprơ, bu đă gâp tur chĭng blău đŏng, đă gâp rŏ nău, đă gâp nkoch nđơn,lah nău mprơ nĕ âk ngăn, rŏ nău druh ndăm nĕ êng đŏng, gâp ê jêng da dê.

- Geh âk nău nsrôih kơt nĕ, wa mbra dơi an gĭt nău khlăy bâh nău ueh êng chĭng gong n’hanh nău mprơ way ơm nuĭh Bunong ta aơ wa?

          Nghệ nhân Thị Brao: Dah ri năm rĭ hên di khay kăch, jê̆ kăch rĭ hên tŭr chĭng goh gong lah ma gŭ kăl e nơh tâm mbơh tâm jă tât rŏ nău, tâm nkoch, tâm hôr ur tâm hôr sai kăl e nơh tâm guch tâm ngêt pư ndrănh rĭ mơ geh nău khoch tâm rlưn, tâm hôr hên ntơm nơh geh tâm rnglăp nău rêh jêng,tâm têk ndrêng tâm ntĭm nti ueh tâm pêt tâm pât, jă jik tâm hôr đŏng, jă kăch, brô̆ bon bu, jŏ tâm mâp geh tâm hôr đŏng, tâm ntĭm nti nău rêh jêng.

      Dăn wa nkoch tay ăp nău nsrôih bâh nơm tâm nău ueh êng mât rbăy chĭng gong aơ wa?

          Nghệ nhân Thị Brao:  Âk ngăn đŏng gâp ntĭm bâh 30 tât 50-60 nuĭh ngăn, ntĭm nti tŭr chĭng i nĕ, nti mprơ. Tŭr chĭng nĕ âk ngăn ntil tŭr chĭng kơt Tŭr chĭng Thơt kô, tŭr chĭng ntô̆ klêng, chĭng hoai , tŭr chĭng tat djăr, tŭr chĭng ngăn...Nău tâm jŭ tâm khâl hên , mhât mblu hên ngăn ma lôk, ôp bu năch ma bâr ma kang. Bunong mhât lor por piăng, dŭt khlăy ngăn, pah kan jan sa tâm rlong mơ geh dơi geh rpu geh ba.

-Wa mơh nău ch an rơh mom gay ma mât rbăy n’hao tay ăp nău khlăy ueh êng nĕ bâh mpôl rnoi Bunong he eh?

          Nghệ nhân Thị Brao: Gâp ŭch ntĭm nti an kon sau, nkre gĭt nău mhe nkre gĭt nău Bunong, ntĭm bah roh nău roh nău mprơ Bunong, hên geh nău rŏ nău he  Khĭt i yău i sau se ndơn tay, me bap roh oh kon ndơn tay. Ri ngăn pa gâp ŭch ntim oh kon an ueh an đăp mpăn.

Năm mhe lĕ tât, wa mơh nău njoăl tât nuĭh ƀon lan lam dak n’hanh ƀon lan ta Tây Nguyên he aơ êh?

          Nghệ nhân Thị Brao: Ta năm mhe gâp dăn njoăl an oh mon kon său nău tâm rnglăp, nar têt oh kon pâl ueh gơih nti, dăn an ngih dak mât uănh nău ueh nău rêh kon Bunong đŏng.

Ơ, dăn lah ueh wa. Dăn njoăl an wa năm mhe ngăch dăn, geh âk nău tâm rgop tay, n’hao tay ăp nău ueh bâh Bunong he.