VOV4.M’nông: Tâm rnôk pah kan ta Ngih dak si Quân y 15, Binh đoàn 15, N’gâng kan neh dak, Thượng uý nai dak si Nguyễn Đức Nam (deh năm 1989) ho\ mô rlu nsôih n’hao nau blau kan, gơih râng nau kan đoàn ndrel nau kan bonh đă [on lan. Yor ri, nai dak si mro geh rđau kan ngih dak si rnê lah nu\ih blau, [ư ang lơn rup gui bah nai dak si tahen tâm ntu\k kan bah nkuăl.

Lôch nti Học viện Quân y, geh bu leo si\t pah kan ta ngih dak si Quân y 15, Binh đoàn 15, kơp tât rnôk aơ, Thượng uý Nguyễn Đức Nam geh 4 năm pah kan đah Gia Lai, n’gor yôk jêr jo\t bah Tây Nguyên. Ăp nar tâm mâp, khám ndrel săm ân kônh wa rnoi mpôl đê| ta aơ, nai dak si Nam ndơn saơ kônh wa ê uănh khlay nau njrăng ji, yor ri ma rnoh ăp nau ji tâm ntưp kơt ji kop sâr, ji ndul djroh âk. Ntơm bah nê, nau tâm rgop đah nau săm, nai dak si Nam vay nkoch mbơh nau njranưg ji ân kônh wa ta Khoa Nội Trung, nkre nar rlu, panưg vay lăp [on bah rnoi Jarai gay nkoch trêng, kơl an kônh wa n’hao nau njrăng ji. Đah nau nsôih kan kơt nê, tă bah jo\, nu\ih nai dak si mom nsoh ao tahen nê ho\ jêng nu\ih mơng nfăn đah kônh wa. Wa Ksor Leo, Kruanh [on Nang, xã Ia Sao, nkuăl Ia Grai, ngơi:

‘Nai dak si nti\m bi\ch ri ân kât mu\ng, njranưg nau ji ueh lơn ma săm nau ji. Nkre mon Nam tât săm, khám nau ji ân kônh wa tâm [on. Gâp saơ nai dak si hôm mom, gơih nau kan đah nu\ih ji, ngăn kônh wa rnoi mpôl đê| tâm [on hên aơ. [on lan du\t n’hâm rnơm ndrel u\ch ma păng”.

Tâm nau [ư Groi Bí thư Đàn druh ndăm cộng sản Hồ Chí Minh bah Đoàn Ngih dak si Quân y 15, nai dak si Nguyễn Đức Nam ntơm ndâk nau kan Mir dak si druh ndăm, rgop nau [ư ueh ntu\k gu\, ndâk nsưng bi\ch druh ndăm tâm Khoa Nội Nhi, ti\ng nê nau leo săm mhe, tâm dăch dơh đah ngih dak si Nhi đo\ng. Êp nê, ăp năm, nai dak si Nguyễn Đức Nam nsôih râng nau khám ndrel pă dak si mô roh prăk, rgop nar ndâk ngih kơl an, pă ndơ ân rnăk dơi kơl tâm ăp nar rlu, [ư nau pâl rlưn ân kon se tâm ăp xã nkuăl jru, nkuăl ngai bah n’gor Gia Lai. Thiếu tá, nai dak si Chuyên khoa 1 Nguyễn Ánh, Groi giám đócc Ngih dak si Quân y 15, ngơi:

‘Nai dak si Nguyễn Đức Nam bol ma hôm mom yơn ntoh nuih n’hama bah nu\ih nai dak si tahen, geh nuih n’hâm ueh, gơih kơl nu\ih ji. Ngăn lah păng hôm geh nu\ih ji bu rnơm ngăn. Bol ma rnăk vâl păng nơm hôm âk nau jêr, yơn păng pah kan gơih n’ơr, nsôih tâm âk nau kan, gơih đah nau kan, leo lor tâm ăp ntrong kan bah rmôt Đoàn druh ndăm”

Đah ăp nau nsôih tâm nau kan khám săm ji ndrel kan đoàn, nai  dak si Nguyễn Đức Nam ho\ âk năm geh kơp dơn Tahen tâm rlong blau tâm dâng ndrel ndơn bằng khen blau ngăn bah Bộ Tư lệnh Binh đoàn 15. Nô nkoch, nau rhơn ngăn bah păng lah ăp nar geh mâp đah nu\ih ji. Yor ta nê, păng săo nau kan bah nơm geh nau khlay, leo tât n’hâm soan, nau rêh ân kon nu\ih, ndrel tanê rong nuih n’hâm bah nu\ih nai dak si. Nia dak si Nguyễn Đức Nam, nkoch:

“Tâm ăp tơ\ gâp geh săm bah ân nu\ih ji, ri gâp saơ rhơn ngăn. Gâp mro u\ch [ư nai dak si săm, ăp nar mâp nu\ih ji, mẩi ri di\ng gi\t, he ndrel gi\t tât nau ji bah nu\ih ji dôl rdâng”.

Nai dak si Nguyễn Đức Nam đah nau kan ngăn bah nơm tâm ngih dak si Quân y 15 ho\ [ư ang ueh rup gui bah nu\ih nai dak si geh grat ndrih bah Binh đoàn 15 tâm nkuăl neh mpeh ba lơ Tây Nguyên./.

Nu\ih rblang: H'Thi