VOV4.Mnông: Ăp năm dăch aơ nău pah kan mât tăm bỉăp kloh ueh t^ng nău mpo\ng VietGap le\ geh nkuăl [on têh Buôn Ma Thuột, Dak Lak mât ua\nh leo [ư. Aơ lah ntrong hăn di, gay ma tâm di đah nău u\ch ăp nar bâh nu^h do\ng ndơ. Ăp nkual geh tăm âk tơm biăp le\ njêng rmôt kan ndrel, ntu\k kan nsum pah kan mât tăm bỉăp kloh ueh. Yơn lah, ntu\k tăch ndơ dôl lah nău jêr jo\t a[aơ đah ăp ntu\k kan ndrel mpeh nău tăm biăp ta nkuăl [on têh Buôn Ma Thuột.

            T^ng nău ua\nh kơp bâh ntu\k kan wa\ng sa nkuăl [on têh Buôn Ma Thuột, a[aơ ta nkuăl [on têh geh rlău 300 ha ntu\k tăm biăp kloh ueh, đah rnoh geh ăp năm bâh 20 tât 22 rbăn tấn, tâm di geh 70% nău u\ch bâh nu^h do\ng ndơ. Tâm ne\, rnoh geh tăm t^ng ntrong Vietgap geh klâp ma 40%.

            Ntoh luh bâh nău u\ch do\ng biăp kloh ueh bâh nu^h [on lan ăp nar  lơ ma âk, nkre lah gay ma n’hao nău dơi ơm geh ndơ\ tơm biăp jêng tơm tăm tơm bâh nkual, nkuăl [on têh Buôn Ma Thuột le\ rdâk njêng geh 2 hợp tác xã le\ pah kan mât tăm biăp kloh ueh. Ne\ lah hợp tác xã Thuận Hoà ta phường Khánh Xuân, Hợp tác xã Thuân An ta xã Ea Kao n’hanh 1 rmôt hợp tác xã ta xã Hoà Phú; geh rlău 150 rnăk [on lan đah rnoh neh rlău 20 ha biăp tăm kloh ueh.

            Ta xã Hoà Phú, nău kan tăm biăp kloh ueh geh [ư bâh bôk năm 2014, đah nău tât râng bâh 22 rnăk, ta rnoh neh 38 ha. T^ng ne\, xã Hoà Phú le\ njêng rnâng kan mât ua\nh nău kan, njêng rmôt kan ndrel, rdâk njêng…ntu\k nkra [ư biăp kloh ueh. Ăp nău kan bâh [ư neh, săch ntil, mât chăm, tât rôk tôch, nkra [ư geh [ư t^ng nău ntru\nh VietGap n’hanh ntu\k tăch biăp le\ geh tâm ton rvăt. Wa Dương Tấn Thoại, ta thôn 3, xã Hoà Phú, nkuăl [on têh Buôn Ma Thuột an g^t: “mpôl hên mbơh dăn đah ăp ntu\k tăch ndơ, ngăn lah ta siêu thị Coppmark, lôch ne\ lah ăp ngih nti mẫu giáo, ăp ntu\k ngêt sa nsum, gay ma joi ntu\k  tăch biăp đăp mpăn an [on lan. A[aơ mpôl hên le\ tâm ton đah 2 ntu\k kan, hôm 2 ntu\k kan mpôl hên dôl [ư gay ma tâm ton n’hanh gay ma pă an biăp kloh ueh.

            T^ng rnoh kơp bâh ăp rnăk [on lan, tăm biăp t^ng nău kan VietGap an nău geh 40 rkeh prăk/ sào/năm. Mô dơn ns^t tay săk rnglăy ngăn mpeh wa\ng sa ma hôm nha njêng nău rgâl ueh mpeh nău g^t m^n bâh [on lan, kơl an khân păng g^t ueh mpeh nău tăm biăp kloh ueh. Wa Nguyễn Ngọc Vinh , groi kruanh Hội nông dân xã Hoà Khánh, nkuăl [on têh Buôn Ma Thuột ua\nh năl: “Nău kan tăm biăp kloh ueh nkre ma mât đăp mpăn ueh săk soan an nu^h [on lan, n’hao nău geh, nkre lah [on lan geh g^t đah khoa học kĩ thuật tâm nău mât chăm mir tơm. Bâh ne\ geh ăp nău kan ns^t tay nău geh ueh an [on lan bâh 40 tât 100 rkeh prăk. Bâh nău ua\nh năl tâm ban kơt nău ta ntu\k tăm r^ ăp nău kan aơ saơ geh săk rnglăy du\t âk.

            Yơn lah, a[aơ geh du nău rlơ\ lah tâm rnôk nău u\ch bâh ntu\k tăch rgâl ăp nar lơ ma âk yơn ăp ntu\k kan mât tăm biăp kloh ueh mô pơk hvi rnoh neh tăm. Nkô| nău tơm lah nău tăm biăp kloh ueh du\t hoach prăk, yơn rnoh tăch tâm ban kơt ăp ntil biăp êng đo\ng jêng lah nu^h [on lan mô dơi mât tăm âk. Ntuh [ư bâh ăp ntil ndơ ê ho\ đăp mpăn, di\t âk lah tăch ta chợ, mô geh tâm nglah êng đah biăp way tăm n’hanh biăp tăm kloh ueh. Nău ngăn aơ dôl geh ta Hợp tác xã Thuận Hoà, phường Khánh Xuân. Bâh nău jêr jo\t tâm nău pah kan ma bah 45 nu^h kan ndrel, tât a[aơ kanu\ng hôm 28 nu^h kan bâh Hợp tác xã Thuận Hoà tât râng mât tăm biăp kloh ueh. Wa Châu Tâm, groi kruanh HTX Thuận Hoà, phường Khánh Xuân an g^t: “Bâh năm 2008 tât a[aơ, mpôl hen le\ geh do\ng khoa học, ndơ\ tơm biăp n’hanh dơi geh [ư t^ng nău tăm t^ng ntrong VietGap. Yơn rlơ\ tay, pah kan r^ âk yơn lah ntu\k tăch mô geh. [ư du kg biăp t^ng nău way kloh ueh r^ jêr n’hanh rnoh tăch khlay lơn đo\ng n’hanh lah ndơ\ ta ntu\k tăch rgâl r^ bu rvăt kơt lah rnoh rvăt đah ăp ntil biăp tăm way ơm êng đo\ng.

       Ơi kônh wa n’hanh băl mpôl! Tăm biăp đăp mpăn kloh ue\h lah trong hăn di, to\ng đah nău u\ch geh nar lơn ma âk bah nu^h do\ng sa. yơn lah, ndơ lơh d^ng rnoh âk hvi bah ăp hợp tác xã tăm biăp kloh ue\h ta nkual [on têh Buôn Ma Thuột nha hôm đêt, tâm rnôk nău u\ch geh bah nu^h sa âk. Tâm ôp đah phóng viên, wa Nguyễn Thanh Liêm, kruanh phòng kinh tế nkual [on têh Buôn Ma Thuột, rblang:

            Nguyễn Thanh Liêm: Pah kan nkoch trêng gay âk nu^h g^t tât 2 ntu\k tăm biăp đăp mpăn kloh ue\h ri mô ho\ dơi g^t tât. Tâl bar đo\ng lah, nău ntop kơl nu^h tăm tât đah tơm prăk manh nha jêr jo\t đo\ng. Tâl pe đo\ng lah nău ôp uănh, groi nđôi bah ăp nhih pah kan dơi kan đah nu^h tăm hôm ăp ntu\k tuch tăm jêng tât pah kan joi trong tăch mâp âk jêr jo\t.

            Ndr^ gay mât n’hanh pơk hvi trong tăm biăp đăp mpăn kloh ue\h ri tâm let năp aơ tay, nkual [on têh Buôn Ma Thuột moh geh trong kơl [on lan n’hanh leo [ư tăm biăp đăp mpăn kloh ue\h du trong nâp dăng mêh:

            Nguyễn Thanh Liêm: Lor bôk năp lah ân [ư jăp pah kan nkoch trêng gay n’hao nău g^t êng an nu^h tăm. Tâl bar lah n’hao nău g^t êng an nu^h hăn tăch, n’hanh lơn lah nu^h do\ng sa biăp gay n’hao âk nău g^t êng, khân păng ân lor nchrăp sơch dơi ăp ntil biăp play g^t kloh tu tơm luh, nchih g^t ntu\k tăm ăp to\ng gay do\ng ri mơ dơi ntru\t nsôr nu^h tăm. Ân geh ăp trong ntop kơl nu^h tăm mpeh măt kỹ thuật, tơm prăk hôm ntoch kơl mpeh trong ôp uănh, groi nđôi, n’hanh pă săm[u\t kơp dơn, kơp dơn VietGap an ăp ntu\k [ư dja đo\ng. Tâl pe lah đah ngih dak ân n’hao dăng pah kan hăn ôp uănh, groi nđôi đah nu^h tuch tăm di t^ng rnoh u\eh.

            Ơ dăn lah ue\h wa.

            Nkô| way nkoch “Đăp mpăn kloh ue\h ndơ ngêt sa” tă bah nhih pah kan Radio nău ngơi Việt Nam way gu\ kan ta Tây Nguyên [ư tât ta aơ ho\ le\ jêh. Dăn tâm mâp tay đah kônh wa n’hanh băl mpôl tâm nău nkoch bah kơi tay./.

Nu^h răk rblang: Điểu Thân n’hanh Thị Đoắt