VOV4.M’nông: Xã Tân Sơn tâm, nkuăl [on têh Pleiku n’gor Gia Lai gu\ ngai đah n’har bri, bah năp nơh vay geh nau nu\ih hăn rlet trong n’har bri tih dôih gay hăn dak ba dih. Yơn lah, đê| năm ma aơ, Tân Sơn mô êng rklaih nau kan rlet du ma hôm ndơn ân nu\ih si\t [on tơm nơm gay đăp mpăn nau rêh.

Khay 6/2013, tăng nau bu nsu\k rlăm, Ksor Eli, ta Plei Têng 2, xã Tân Sơn, nkuăl [on têh Plei ku tăch lơi 2 sào n’gul lo\ tăm ba, so\k 160 rkeh, krap tât Campuchia, jêh ri tât dak tal 3 lah dak Thái Lan. Ê tât du khay, H’Ngọc ur Ksor Eli ko\ joi trong ti\ng sai păng. Tât [on bu, ur sai Ksor Eli mô geh nau dơi kơt nau nơm mi\n, ma rlơ\ ma ngăn đah nau nsu\k rlăm bah phung mhi\k. Khân păng rêh krap nde tâm ăp ntu\k ngih ân nu\ih du dak nơm gay krap cảnh sát, pah kan r’o\ r’ah 12h/nar, yơn prăk nkhôm ri geh rlau n’gul rđil đah nu\ih [on lan tâm bri bu nơm. Tâm rnôk mô gi\t ntu\k gay ma rklaih, nau jêr jo\t geh nsum ma nau klach rvê đo\ng, ur sai Ksor Eli ndơn geh điện thoại ndrel nau ton kơl an bah wa Phạm Phụng, Kruanh UBND xã Tân Sơn, đăp mpăn si\t [on tơm nơm. Ksoê Eli, ngơi:

 ‘Nau rêh ta Thái Lan jêr jo\t ngăn, gay pah kan ân ma bu, rêh krap nde, prăk bu nkhôm pah kan ri nu\ih Thái Lan geh du nar 700-1000, yơn lah hên pah kan ri knu\ng geh 400 bạth dơm, nau do\ng ri mô to\ng, knu\ng to\ng rêh rlau nar. Jêh geh tâm mâp đah kônh Phụng, bonh đă rnăk vâl hên si\t Việt Nam ri\ mư. “Moh nau kônh Phụng kơl an, khân may djăt ma si\t mô geh nau klach rvê ôh”, kônh Phung păng lah kơt nê. Jêh rnôk si\t, kônh Phụng pơk tỏng nơih ân rnăk vâl hên manh prăk n’hanh plơ\ tay nau pah kan jan sa mhe. Gâp rnơm nau rêh mra ueh lơn nau rêh tâm dak ba dih”.

Geh bonh đă si\t dak ndrel đah rơh ur sai Ksor Eli, Ksor Nai ta Plei Têng 2 ko\ dôl ntơm pah kan jan sa ndâk tay nau rêh. Nar Ksor Nai tăch lơi ndeh n’hanh so\k le\ drăp ndơ têm nkrem gay ma lơi ngih vâl du, Wa H’Lam, me Ksor Nai nhi\m âk ngăn yor rvê. Jêh geh ndơn nau tâm mâp ngơi đah kon nơm, wa H’Lam mbơh nkre đah n’gâng kan tâm nkuăl gay ndơn nau bu kơl bonh đă Ksor Nai si\t. Jêh rlau 2 khay [ư nau kan bonh đă, Ksor Nai mô êng đăp mpăn si\t dak nơm, ma hôm [ư ntung njo\, nkoch trêng bonh đă tay geh 6 nu\ih êng geh nau rêh kơt nơm. A[aơ, tâm ngih bah nơm, nau gơm, nau ngơi tâm nar tâm mâp ueh ngăn, wa H’Lam, me Ksor Nai nkah gi\t nau kơl an bah nkuăl ho\ kơl an prăk gay yan ba kơi Ksor Nai ntơm mât chăm cà phê. Wa H’Lam, ngơi:

 ‘Rnôk Ksor Nai lơi ngih, du, rnăk vâl hên rngot ngăn, mô geh nau đăp mpăn ah kan jan sa, klach păng mô gi\t trong mô lah le\ khi\t hôm. Jêh nê, n’gâng kan tâm nkuăl bu gi\t n’hanh tât mâp rnăk vâl hên. Jêh nê, rnăk vâl ndơn điện thoại bah Ksor Nai ta Campuchia kuăl si\t, păng đă geh nau kơl an bah xã n’hanh năn geh nau ton. Jêh ri, phung hên hăn mbơh đah Kruanh [on, mbơh ân rđau kan ăp gưl pơk trong nơih ân Ksor Nai si\t. Rđau kan tâm nkuăl ko\ kơl an ndơ sa kơt lah phe, mì tôm.

Tân Sơn lah du xã êp nkuăl [on têh, geh n’gl rnoh nu\ih lah rnoi Jarai. Bol ma ngai đah nkuăl n’har bri, yơn ăp năm hôm geh ơm nu\ih rlet dak nơm du tih dôih. Tâm 2 năm 2013-2014, ta aơ geh 15 tơ\ hăn. Yơn năm 2015 aơ, nau hanư du aơ ho\ geh nau rklaih oi. Mô êng kơt nê, khay 7 mhe nơh, xã bonh đă geh 7 nu\ih si\t dak nơm, mâp đah rnăk vâl, rvê nau pah kan jan sa, đăp mpăn nau rêh.

Ti\ng Đảng uỷ xã Tân Sơn, nau blau gay xã ngacưh rklaih nau kan nu\ih rlet du tih dôih, đăp mpăn nau rêh lah nau tâm rgop rjăp đah n’gâng kan n’hanh ăp rmôt gay rklaih ân ngăch n’hanh nsôih [ư ueh nau kan. Tâm rnôk Công an xã sơ nau mô ueh ri tâm [on, tâm xã ko\ năn [ư ndâk rmôt kan jur tât [on gay ma nkoch mbơh, nkoch nau gay ueh tay nau mi\n. Đah ăp nu\ih le\ tă hăn dak bu tih dôih plơ\ si\t, n’gâng kan kơl an ăp nau dơi bôk năp, nkre [ư nau kan ân manh prăk, kơl an nau rêh ân ueh. Wa Phạm Phụng, Bí thư Đảng uỷ, Kruanh UBND xã Tân Sơn, nkuăl [on têh Pleiku, ngơi:

 ‘Jêh ăp nu\ih aơ bu ntu\ng si\t tât, phung hên ndrel ăp rmôt kan bah xã ko\ pơk trong nơih gay kơl an ndơ sa, ndơ do\ng n’hanh bonh đă gay đăp mpăn nau mi\n ân du đê| nu\ih. Lah rnăk vâl geh nau u\ch manh prăk, đăp mpăn pah kan ri Đảng uỷ, Uỷ ban mra pah kan đah ngân hàng gay ân khân păng geh manh prăk, pơk trong nơih ân khân păng pah kan jan sa, đăp mpăn nau rêh”.

Đah nau kơl an bah n’gâng kan tâm xã, nau kơl an bah [on lan, ăp nu\ih si\t tă bah dak bu ho\ gi\t ngăn lah, mô geh ôh ntu\k ân khân păng geh nau rêh ueh, răm rhơn kơt [on tơm nơm. Tân Sơn a[aơ mô hôm geh nu\ih hăn du der tât dak ba dih tih dôih, rnoh rnăk ach o ko\ n’huch hôm 2,4%. Nau đăp mpăn, hơm răm ta aơ lah nau ân mpơl saơ mpeh nau săk geh bah nau kan đăp mpăn rnă njrăng n’han ăp nau nsôih yor [on lan bah Đảng bộ, n’gâng kan tâm dâng.

Nu\ih rblang: H’Thi