VOV4.M’nông: Mhâm [ư gay bri mô geh bu kăl khuch tay, tâm rnôk 345 rbăn ha neh rgum neh tăm bri ho\ leo tuch tăm yor 150 rbăn rnăk, ndrel nau khuch [on lan tât ntrơn gu\ mhe ê geh nau nsru\ng, lơh khuch ngăn tât tât bri ndrel neh bri. Aơ lah ăp nau ntoh luh geh mbơh ta rơh r[u\n nchră “Hun hao tuch tăm, n’hao nau săk geh, nau rêh nu\ih [on lan tuch tăm tâm neh tăm bri nkuăl Tây Nguyên”, yor Rnâng kan văng sa Trung ương tâm rgop nsum ma N’gâng kan tuch tăm ndrel Hun hao [on lan [ư tâm pơh rlau aơ ta Nkuăl [on têh Đà Lạt, n’gor Lâm Đồng.

Ti\ng nau mbơh bah 5 n’gor Tây Nguyên, kơp tât lôch năm 2019, rnoh neh tuch tăm tâm neh tăm bri lah bơi tât 345 rbăn ha, geh 11,3% tâm rnoh neh geh rgum tăm bri. Ăp rnoh neh tuch tăm geh rlau 3 ntil neh tâm nau dăp rgum bri do\ng kan, bri njrăng sial ndrel bri tăm gay ma do. Rnoh neh aơ ngăn lah tăm cà phê, tiêu, tơm sa play ndrel tơm gleh nar kơt lah bum blang, mbo ndrel ăp ntil tuh.

Wa Phạm S, Groi kruanh UBND n’gor Lâm Đồng ân gi\t, nau kan nkân njrăng, so\k nsi\t ăp rnoh neh bri tă geh in tih gay ma tăm tơm jo\ năm lah mô geh nau dơi. Bah nê, n’gor Lâm Đồng đă nau ntrong kan tăm, ndâk tay nau nku\m n’hâm ân bri bah nau kan tuch tăm bri tâm rgop nsum, đah nau kan “Ndơn nau ơm, ân geh nau tâm ban ma rnôk mhe ndrel nsôih lơn tâm năm ba kơi”.

‘Nau kan bah jo\ jong 52 rbăn ha kơt nê ri nu\ih [on lan gu\ tă bah jo\, neh tuch tăm ho\ jo\, ndơn gay ma leo ăp rnoh neh aơ gay ma tăm tơm si tâm neh aơ gay ma jao nau mât njrăng mô lah pă nau dơi do\ng neh tăm bri. Nau kan a[aơ ri ntơm lvang năm 2015-2020 Lâm Đồng knu\ng geh 334 ha neh geh in, di\ng le\ nsôih ân gah rklaih lơi gay ma tăm bri. Mpeh jo\ jong, ntơm năm 2020 ri, nsôih ân geh in êng, so\k gay ma tăm bri tât ta nê. Yor lah, roh bri ma mô geh tăm tay bri ri roh nkre ro neh”.

Ndrel đah Lâm Đồng, ăp n’gor tâm Tây Nguyên ko\ ntơm nchrăp so\k neh tăm bri gay tâm grop [ư nau kan gay n’hao nau nku\m n’hâm, nkre leo nsi\t nau săk geh văng sa ân ăp rnăk [on lan dôl ma tăm tâm neh tăm bri.

Wa Trương Thanh Tùng, Groi Kruanh UBND n’gor Dak Nông ân gi\t, n’gor geh 57 rbăn ha tâm rnoh neh aơ tă bah âk năm rlau aơ mô dơi geh rklaih. Dak Nông đă N’gâng kan tuch tăm ndrel Hun hao [on lan uănh, kơp dơn ăp ntil neh tăm tơm sa play ndrel tơm geh âk nau dơi do\ng, do\ng gay tăm tâm rnoh neh tăm bri geh tă in. Nkre lah, N’gâng kan ân geh ntru\nh nau kan tăm bri ân tâm rgop nsum ndrel ma mi\n rvê, nchră luh ăp nau ueh tam bah nau njrăng mât ăp ntil tơm sa play gay geh geh nku\m n’hâm:

‘Đă N’gâng kan tuch tăm ndrel hun hao [on lan kơp dơn ăp ntil tơm geh n’ha tâm nâm kơt lah tơm Bơ, sầu riêng, play đur, chôm chôm, măng cụt mô lah nhãn, xoài lah ăp ntil tơm geh âk âk. Yor păng geh nau ueh, rlau ma tơm cao su, cao su hôm geh yan ru\ng n’ha. Lah [ư dơi nau kan aơ, geh nau dơi, nau rgum, nau kan hun hao tăm bri ndrel tăm tơm si mô lah ntru\nh ăp nau kan gay ma ntru\nh nau tăm rgum nsum  ri gâp mi\n lah mra geh nau tam ngăn. Yor lah, nau kan aơ nkra đăp mpăn ueh nau nku\m n’hâm, nkre đăp mpăn văng sa”.

Lôch rơh r[u\n, Uỷ viên Trung ương Đảng, Groi Kruanh Rnâng kan Văng sa Trung ương Cao Đức Phát đă N’gâng kan tuch tăm ndrel Hun hao [on lan ndrel ăp n’gor Tây Nguyên ân geh uănh aơ lah nau kan têh, mô knu\ng geh tât 345 rbăn ha neh tuch tăm, ma hôm geh tât văng sa, nau rêh, văn hoá bah nklăp 150 rbăn rnăk [on lan. Tâm nau ngăn, ăp rnoh mpeh bri ndrel rnăk [on lan hôm geh âk lơn nau mbơh bah N’gâng kan tuch tăm ndrel ăp n’gor.

Mặt êng, nau mbơh ko\ mhe knu\ng rgum tâm bri, neh bri, ê geh rgum tâm kon nu\ih. Lah yor geh nau klach nau kan, mbơh mô geh tâm dăch ma nau ngăn, tă bah ăp n’gor dôl ma njêng nau jêr ân nơm tâm nau kan mât njrăng bri. Wa Cao Đức Phát đă, ân geh ndơ\ luh ăp rnoh geh kơp ân tâm di, tâm dăch ngăn gay ma kơl mbơh nchră ueh ân N’gâng kan chính trị, Ban bí thư ndơ\ luh nau kan ân săk tam ân nkuăl Tây Nguyên:

‘Gay uănh ân so\ng tâm nau ngăn gay ma râng tâm nchră nau ân Đảng, Ngih dak geh ăp nau kan, ngăn lah ntrong kan ân geh tâm di gay ma rklaih nau kan aơ. Mô ân geh nau kan aơ ntoch jong. Nkô| nau ri ân kloh lah mhâm [ư ân geh rdâng nau ntu\ng kăl si, yơn nkre ân geh joi trong nti\m mbơh ân nu\ih [on lan do\ng ân geh săk tam lơn rnoh neh têh lơn neh tăm bri yơn ân geh tuch tăm mât njrăng bri”.

Wa Cao Đức Phát ko\ lah rjăp, rơh r[u\n aơ mô di gay [ư ana geh tâm di lơn rnoh neh geh kăl, geh in. Aơ lah rơh r[u\n gay ma tâm nchră, joi nau kan gay ma mbơh tât N’gâng kan chính trị, Ban bí thư. Nkre, Groi Rnâng kan Văng sa Trung ương ko\ geh nau đă ăp n’gor ân geh nsôih mât njrăng bri chăt êng dôl ma hôm geh, mô ân ru\ch lơi ăp rnoh neh bri, nau nku\m n’hâm.

Đah ăp nau đă bah ăp nkuăl, Rnâng kan văng sa Trung ương uănh ndrel đă ân geh dơi rgâl nkra ân tâm di đah nau ngăn geh. Tâm nê, nau kan, nau ntru\nh gay hun hao nau tăm bri tâm rgop nsum ma neh tăm bri tă geh in lah du ntrong hăn tâm di yơn ân geh mi\n rvê ân tâm di đah ăp nkuăl, ăp nu\ih. Mhâm [ư ân geh nau ueh mpeh nau kan tuch tăm, ueh mpeh ntu\k ntu gu\ âm, geh nau săk tam bah nau văng sa ndrel ueh lơn mpeh trong rêh jêng./.

Nu\ih rblang: H’Thi