VOV4.M’nông: Âk năm rlau aơ, Tơm prăk kơl an kon se n’gor Dak Lak jêng “ntung njo\ u\ch ro\ng” nthoi ăp nu\ih geh nuih n’hâm lo\ng ân kon se ach o, kon se geh nau rêh jêr jo\t tâm n’gor. Bah nê pơk nau nsôih, nau rnơm gay ăp kon se rlet rlau nau jêr, r[o\ng tât du nau rêh ueh lăng lơn

Ăp nar aơ, oh Lục Thị Thắm, 10 năm, ta Thôn 6, xã Ea Hu, nkuăl Cư Kuin rhơn rnôk rơh bôk năp geh rêh tâm ngih mhe nâp ueh, kloh rngôch ma tă bah jo\ păng u\ch geh. Oh Thắm nkoch: Bơ\ păng khi\t rnôk păng hôm jê|, ăp nau kan tâm ngih ri êng me păng dơm mbăk. Jêh nê me păng lo\ geh nau ji ung thư trôm bom, nau rêh ho\ mô to\ng ri lơn ma geh nau mô to\ng tay đo\ng. Ăp nau do\ng, nau săm ji ko\ nsing tâm rnoh kơl an rnăk ach o ndrel nau kơl an bah kônh wa [on lan. Bol ma ngih truh sat tă bah jo\ yơn nau rêh ach o ri me kon păng mô janh mi\n tât nau nkra ngih mhe. Ntơm rnôk gi\t geh Tơm prăk kơl an kon se n’gor Dak Lak ndrel ăp nu\ih geh n’hâm n’hâm lo\ng kơl an 50 rkeh gay nkra ngih mhe ri me kon păng rhơn ngăn. Ntơm jêh aơ, rnăk ôh mô hôm rêh tâm ngih truh sat,  ndeh mih, ndeh nar kơt ntơm nơh ôh:

‘Rnôk ma geh Tơm prăk kơl an kon se n’gor Dak Lak kơl nkra ngih mhe ân 3 nu\ih me kon hên ri gâp saơ rhơn ngăn ndrel mô rvê mih truh tay ôh, mô kâp ân bi\ch ta ngih che tay ôh. Gâp mra nsôih nti\m nti ân blau gay ân nau rnơm bah ăp gưl kan ho\ kơl an ân me kon gâp”.

Lah kon mpu\t tâm du rnăk vâl geh 4 oh nô, bol ma nau rêh jêr jo\t, ăp nô ho\ rlu nti gay ma hăn kan ma bu, yơn oh H’Nul Niê, rnoi Rđe, ta [on Êga, Xã Ea Kmut, nkuăl Ea Kar hôm nsôih hăn nti đah nau u\ch blau play săm [u\t gay nau rêh jêh aơ bah oi nau jêr. Gi\t nau kơl an bah ăp nô, ngăn lah mbơ\ khân păng ho\ le\ khi\t yor rmok dak, me ri lo\ geh nau ji kuet, oh ho\ nsôih nti\m nti ndrel [ư âk nau kan tâm ngih gay ân nô păng hăn pah kan ngai đăp mpăn. Jêr jo\t ngăn, yơn H’Nul Niê hôk hôm nsôih ndrel âk năm geh nti blau. Kơp dơn ăp nau nsôih bah oh, mhe rlau aơ, Tơm kơl an kon se n’gor Dak Lak ho\ pă ân oh klâm prăk rnoh du rkeh. Aơ lah nau bonh gay oh nsôih lơn tâm nau rêh ndrel nti\m nti:

‘Năm aơ gâp geh ndơn prăk kơn an, ri saơ rhơn ngăn. Tơm prăk aơ lah nau ân gâp nsôih gay geh nti\m nti ân ueh lơn tâm rơh tât”.

Hôm đah oh H’My Su Bkrông, rnoi Rđe, ta [on Drao, xã Ea Kênh, kon se nti jrâu 7 Ngíh ăm [u\t THCS Lê Đình Chinh, nkuăl krông Pách nau rhơn bah oh lah geh Tơm prăk kơl an kon se pă ndeh vah jâng khlay 1,5 rkeh. Oh H’My Su ân gi\t, trong ntơm ngih hăn tât ngih săm [u\t bơi tât 2km yơn âk năm ma aơ oh hôm hăn jâng rnôk hăn nti. Gay tât ta ngih săm [u\t tâm di mông, oh hăn ơm lơn ma bu êng nklăp du mông, âk rnôk bri mih ri mô geh ntu\k ma nde, oh geh mih be\ hăn nti ơm. Bol ma jêr, yơn ăp nar hôm hăn nti gay gi\t play săm [ut geh geh jêng nau u\ch bah nơm. Rnơm ăp nau nsôih nê, 3 năm mro oh geh kon se nti blau. Bôk ndeh vah jâng kơt lah ndơ nkhôm ân ăp nau nsôih bah oh. Kơl H’My Su rhuăt gleh lơn mông hăn nti ndrel nthoi tay nau u\ch hăn nti bah nơm.

‘ Nar aơ gâp rhơn ngăn geh ndơn ndeh vah jâng, aơ lah nklâm ndơ khlay đah gâp. Đah bôk ndeh vah jâng aơ ri trong ntơm bah ngih tât ngih săm [u\t mra ngăch lơn, bah oi nau jêr lơn. Gâp mra nsôih nti\m nti ân ueh gay [ư nau u\ch jêng nai dak si bah gâp”.

Ntơm bôk năm tât rnôk aơ, Tơm prăk kơl an kon se n’gor Dak Lak ho\ bonh đă, nthoi ăp nu\ih kơl an pă 457 nklâm ndơ ân kon se geh nau rêh jêr jo\t nti blau, bơi tât 100 ndeh vah jâng, kơl an ndâk 11 ngih gu\ ân kon se rêh kon đơi, du ntu\k ngih nti mầm non ndrel âk ntu dak, ngih ăch ân ăp ngih săm [u\t tâm nkuăl jru, ngai. Rnoh kon se geh kơl an tă bah bôk nau kan aơ lah rlau 7000 kon se, đah rnoh prăk kơl an lah 6 rmen 400 rkeh. Ndrel đah nê, Tơm prăk hôm tâm rgop nsum đah ăp ntu\k ba dih chính phủ, ăp ngih dak si ntru\nh bôk nau kan khám mô roh prăk play nuih, măt ndrel răm [hot mbung ân ma rhiăng kon se geh nau rêh jêr jo\t.

Wa Lâm Đình Nhiên, Giám đốc Tơm prăk kơl an kon se n’gor Dak Lak ân gi\t, đah nau kan [ư ntung njo\ đah ăp nu\ih kơl an, ăp nu\ih geh nuih n’hâm lo\ng tât đah kon se ach o, jêr jo\t, tâm rơh tât, Tơm kơl an mra lo\ bonh đă ăp ntu\k kan, ăp nu\ih kơl an prăk gay kon se geh kơl âk lơn, ngăn lah kon se rven, kon se rêh jêr jo\t, rgop nau leo tât ân kon se geh du nau rêh ueh lăng lơn:

‘Tâm rơh tât Tơm prăk kơl an kon se lo\ tâm nthoi ndrel kuăl jă ăp ntu\k kan rêh jêng tâm ndrel ba dih n’gor, ăp ntu\k kan ba dih chính phủ lo\ kơl ndâk ngih săm [u\t mẫu giáo, ndâk nkra ngih kơl an ân kon se tâm nkuăl jru ngai ndrel kon se geh nau rêh jêr jo\t, khám săm ji kơt lah rek play nuih ji tă bah ndul me, rek [hot mbuing ana kon se. Êng nê hôm kơl prăk ân kon se geh n’hâm hăn nti”.

Ăp nklâm ndơ, nklâm prăk yor Tơm kơl an kon se n’gor Dak Lak leo tât ho\ ngăn ngên jêng ntu\k nsing mpeh drăp ndơ ndrel nuih n’hâm đah kon se geh nau rêh jêr jo\t, nti\m nti blau, nsôih jêng nu\ih geh nau dơi ueh ân rnăk vâl ndrel nau rêh jêng./.

Nu\ih rblang: H’Thi