Rơh livestram nkoch mbơh n’hanh tăch sầu riêng moh lah Ami Kâo-“Sầu riêng bah mê̆” ta xă Ea Knuêc, n’gor Dak Lak đah tât râng na nê̆ bah Bí thư Đảng ủy xă Ngô Thị Minh Trinh ndrel kônh wa ƀon lan, ôi 24/8, lĕ ƀư lôch uĕh, rêng hvi nuih n’hâm mhe tă bah dâng. Lôch uĕh bah nar livestream mô knŭng tât bah hang rbăn nuĭh uănh nđôi, tâm rgop trực tuyến, ma hôm dơi an saơ đah 3,8 rmen prăk bah ăp doanh nghiệp hăn ndrel ntop kơl xă Ea Knuêc ndâk njêng n’hanh hun hao trong tăm sầu riêng nâp nâl.

Aơ lah rmôt khlay kơl n’hao khlay ndơ lŏ mir n’hanh nâp nâl nău nsing nơm bah nuĭh ƀon lan lăp ndrel bah n’gâng kan ƀon lan. Mô knŭng rlu tay ta nău nkoch ndơ, nău mĭn lah tay nuih n’hâm janh mĭn, janh ƀư, êp ƀon lan, dăch ƀon lan bah cán bộ tâm rnôk Dak Lak pơk dŏng ntrong ƀư n’gâng kan ƀon lan 2 gưl. Aơ lah an saơ na nê̆ nău nsrôih “mĭn ngăn, ngơi ngăn, ƀư ngăn, săk rnglăy ngăn, nuĭh ƀon lan dơi geh ngăn”.