Đah dĭng lĕ mpa rong rlău 23 rkeh mlâm, n’gor Đắk Lắk mĭn trong njrăng n’gang nuh srê lah nău kan khlay gay mât njrăng nkra njêng mât rong n’hanh tŏng ăp ntŭk tăch ndơ sa đăp mpăn an ntŭk tăch. Tâm khay 8, lam n’gor ntoh mhe 85 rnăk mât geh sŭr ntưp srê ji ndŭl sŭr châu Phi, đă tâp bôr rlău 1.100 mlâm.

Kơp bah bôk năm tât aƀaơ, srê ji ndŭl sŭr châu Phi lĕ geh ta 35 xă, phường, ƀư rlău 2.500 mlâm sŭr tâp bôr. Aƀaơ hôm 27 xă, phường geh sŭr ntưp srê mô hŏ rlău 21 nar. Ndrel đah srê ji ndŭl sŭr châu Phi, ăp nău ji tâm ntưp klach êng kơt sôt mbung plôk nchop, pŭn môr ntô bôl mô hŏ saơ tâm khay, yơn klach ntoh ndâp mpôn. Nkô̆ nău yor kaman hôm e nkân jŏ tâm ntŭk gŭ âm, trong ntưp jêr; tâm rnôk mât rong rnăk wâl geh dŭt âk, nău đăp mpăn sinh học mô đăp mpăn. Bah meng nĕ, trôk nar tăch proăt n’hanh nău mô tŏng rmôt thú y ta bah dâng ƀư trong kan groi nđôi hôm e đêt.