Ntơm bah nar 30/10 tât 3/11, ta n’gor Jeonbuk, Hàn Quốc, ƀư Pla n’hơ ndơ ngêt sa ndum ndrui dak bah dih IFFE 2025. Aơ lah nar ƀư ntrŭt ntrôl ngăch tăch rgâl dŭt têh tâm trong ndơ ngêt sa ndum ndrui ta Hàn Quốc. N’gor Dak Lak geh 6 doanh nghiệp ntoh lư râng pla n’hơ, nkoch mbơh ăp ndơ geh ƀư tuch tăm ntĭt êng kơt: cà phê, găr macca, phe Briêt, prit, ca cao n’hanh du đêt ndơ di rnoh kah uĕh OCOP.

Ăp ndrơng ndơ bah n’gor wăch rgum âk năch hăn uănh pâl, joi gĭt n’hanh rvăt năp. Nău râng ăp ntŭk pla n’hơ dak bah dih kơt IFFE mô dơn gay nkơnh n’hơ rup gui n’gor Dak Lak ma hôm pơk hvi trong tâm boh ntuh kơl, ndu ndơ geh tuch tăm ntĭt êng bah n’gor hăn lot ngai lơn ta ntŭk tăch rgâl dak bah dih. Pla n’hơ ndơ ngêt sa ndum ndui dak bah dih IFFE 2025 lah rnôk gay Dak Lak lah rjăp săk ntơ lư ndơ geh ƀư tuch tăm ntĭt êng bah n’gor, nkre pơk hvi tâm boh tăch rgâl n’hanh ntuh kơl đah Dak Lak n’hanh Jeonbuk lah êng, đah Việt Nam n’hanh Hàn Quốc lah nsum.