Ndrel đah rnoh hvi neh tăm cà phê dâk bôk năp lam dak, n’gor Lâm Đồng aƀaơ dôl nsrôih pơk hvi nkual tăm cà phê săk kah âk gay n’hao rnoh khlay ndơ geh ƀư.

Tâm 327.000ha cà phê Arabica n’hanh Robusta dôl geh aƀaơ bah n’gor Lâm Đồng hŏ geh bơi 119.000ha dơi an siƀŭt kơp dơn tuch tăm jŏ jong, kơt: VietGAP, 4C, UTZ… ndrel đah nê n’gor Lâm Đồng hŏ njêng dơi 6 nkual tăm cà phê dŏng công nghệ mhe đah rnoh hvi bơi 2.300ha; 67 rêng tâm nkrêp kan nsum n’hanh tăch cà phê đah rlău 29.000 rnăk ƀon lan kan lŏ mir râng đah rnoh hvi bơi 55.500ha.

Wa Nguyễn Hoàng Phúc, Groi Giám đốc Sở Nông nghiệp n’hanh Môi trường n’gor Lâm Đồng an gĭt, n’gor dôl nsrôih pơk hvi neh tăm cà phê săk kah gay n’hao rnoh khlay ndơ geh ƀư.