Nuĭh ƀon lan joi ka Lâm Đồng dôl lăp yan joi ka Nam jŏ tât khay 9 âm lịch n’hanh tâm ăp nar bah năp âk tàu lĕ geh âk ka nục đah rnoh âk kơl kônh wa ƀon lan joi ka geh prăk âk. Tâm ăp nar aơ tâm du ôi ơm ndrâm dak ka Phan Thiết, phường Phan Thiết, n’gor Lâm Đồng dŭt răm rnôk geh âk tàu ka njưh. Du nar ndrâm ka wơt dơn âk tấn tui ka đah dŭt âk lah ka nục.

Bôl rnoh khlay wăng sa mô âk, rnoh tăch mbŭch ka nục ta ndrâm dak knŭng hao bah 10 tât 15 rbăn prăk du kg yơn rnoh geh âk, nuĭh ƀon lan joi ka hôm e geh prăk đăp mpăn. Bah bôk năm tât aƀaơ, Ndrâm ka Phan Thiết lĕ wơt dơn rlău 15.000 tấn tui ka joi ta nkual dak lêng tă kơh bah 15 tât 20 hải lý. Tu tơm geh tui ka aơ kơl kônh wa ƀon lan joi tui ka năp dŏng prăk gŭ âm, ntuh kơl nkra njêng tay, ntop tay nuih n’hâm gay hăn dak lêng, mât ntŭk joi ka way ơm.