Nar nđaơ (28/10), ta phường Buôn Ma Thuột, n’gor Dak Lak, Ntŭk kan tuch tăm mât rong ngih dak ƀư rgum nchră “Mât uĕh tay tuch tăm mât rong tâm hun hao nâp nâl tơm tăm khlay nkual Tây Nguyên”.

Rgum nchră wăch rgum ăp nuĭh way kan, doanh nghiệp, hợp tác xã n’hanh nuĭh ƀon lan tât bah ăp n’gor Dak Lak, Gia Lai n’hanh Lâm Đông tât râng.

Ta rƀŭn nchră, ăp đại biểu hôm tâm nchră mpeh kỹ thuật tăm, dŏng ndơ thông minh tâm nkra njêng, n’hanh trong pă mã mrô nkual tăm rhŏ an tăch n’gluh. Ăp nău ôp, nău rwê bah kônh wa lah nkô̆ nău khlay gay nău kan tuch tăm mât rong jêh tay nchrŏng trong nău kan tâm năm tât.

Tĭng trong hun hao tât năm 2030, trong tuch tăm mât rong lam dak mbra rgum tâm 7 rmôt nău kan khlay, tâm nĕ kơl lor rgâl mrô, hun hao tuch tăm kloh uĕh ntĭm nti ƀon lan blău lơn n’hanh pơk hvi kan ndrel nsum-êng, rgop ƀư tĭng nău rƀŏng “Lŏ mir sinh thái-thôn ƀon mhe-ƀon lan gĭt blău mhe” ta nkual Tây Nguyên.