VOV4.M’nông – Yor geh âk nău ê dơi [ư tâm rnôk pă bảo hiểm y tế an dơm tâm nkual [on lan rnoi đêt, rnoh nu\ih dơi pă bảo hiểm y tế ta Lâm Đồng hu\ch âk nkôp đah rơh aơ năm 2014. Nu\ih [on lan n’gor Lâm Đồng mpo\ng Quốc hội, Hội đồng [on lan ăp gưl n’hanh n’gâng kan dak si uănh m^n dôh rklaih.

Ta nar mâp nu\ih [on lan mhe aơ bah Mpôl đại biểu Quốc hội n’gor Lâm Đồng, nu\ih [on lan Ka Pen, ta thôn 16, xă Lộc Thanh, nkuăl Bảo Lâm (Lâm Đồng) m^n lah, knơm dơi pă thể bảo hiểm y tế an dơm, kônh wa [on lan ta nkuăl le\ dơi mât uănh n’hâm soan nar lơ ueh lơn. Knơm ne\, kônh wa dơi m^n pah kan jan sa, rlet hao rklaih ach o. Yơn lah, nu\ih [on lan Ka Pen an lah đo\ng, a[aơ ăp sam [u\t [ư dăn khăm, săm ji đah thẻ bảo hiểm y tế hôm jêr, geh nău tâm nkhah săm ji đah thẻ bảo hiểm y tế đah khăm, săm ji t^ng nău đă geh prăk, jêng tât nău ueh tam khăm, săm ji an dơm đah thẻ bảo hiêm y tế mô tam kơt nău mpo\ng u\ch. Nu\ih [on lan Ka Pen lah:

“A[aơ kônh wa hăn khăm ji ta ăp ntu\k khăm ri sam [u\t hôm e jêr. Rlău ne\ tay trong wơt dơn bah rmôt nai dak si y tế mô gơih đêp rmên đo\ng. mpo\ng ngih dak, Quốc hội uănh m^n lơn tay tât nu nău aơ, ngăn lah ta ăp ngih dak si bah dâng, ngih dak si nkuăl, ăp ntu\k khăm ji n’hanh pă dak si gay nău kơl aơ dơi [ư nar lơ ueh lơn, tâm di nău mpo\ng u\ch bah nu\ih [on lan”.

Mô knu\ng wa\k kol ăp sam [u\t sam tra, nău pă thẻ bảo hiểm y tế an [on lan rnoi mpôl đêt ta n’gor Lâm Đông hôm e [ư mbrơi n’hanh geh âk nău tih, khuch âk tât nău dơi geh bah nu\ih [on lan. T^ng nu\ih [on lan K’Hem, ta xă Lộc Nam, nkuăl Bảo Lâm, ndơn yor thẻ bảo hiểm y tế dơi pă tât ty nu\ih [on lan lor nar 31/12 ăp năm, ri du\t âk tât n’gul năm mơ dơi so\k. Mô ho\ kơp hôm e geh âk nu\ih tih mpôl, nar deh năm deh an pă tay. Aơ lah nău kônh wa [on lan ăp năm dăn đă đo\ng yơn tât a[aơ mô ho\ dơi nkra rgâl lôch bah. Nu\ih [on lan K’Hem dăn đă:

“Quốc hôi m’hâm [ư nkoch an bảo hiểm lah bảo hiểm an [ư pă ngăch, khay 1 lah an jêh nău pă thẻ khăm săm ji gay đăp mpăn, rnôk geh tih ri he nkra an pơng ngăch. Săm ji ri du đêt nu\ih mô tâm di, nt^t nsa rmanh pah kan, mô lah rmanh prah tâm tom ndeh ri rnôk săm ji ri mbrơi, mô đăp mpăn. Jêng âk rnăk wâl geh prăk ri way hăn tât Sài Gòn, hôm ăp rnăk mô geh ri phe lah gu\ ta ne\. Dăn đă Quốc hội uănh m^n tay gay he khăm ji an di, an đăp mpăn, tâm di nău mpo\ng u\ch bahnu\ih [on lan”.

Kơp tât du\t khay 6/2015, ta Lâm Đồng geh rlău 776.200 nu\ih râng wa\t bảo hiểm y tế, geh 61% rnoh nu\ih [on lan. Bôl t^ng nău nchrăp tât du\t năm aơ mbra geh tay 50.000 nu\ih râng bảo hiểm y tế, yơn hôm e hu\ch tât bơi 20.000 nu\ih nkhôm đah du\t năm 2014.

T^ng wa Cil Ga Drang, Groi Ban dân tộc Hội đồng nhân dân n’gor Lâm đồng, nkô| nău geh tât nu nău aơ yor sam [u\t ăp ntu\k kan hành chính mpeh tâm nkual jêr jo\t ta n’gor le\ geh nău rgâl. [on lan rnoi mpôl đêt gu\ rêh bah dih nkual jêr jo\t mô geh tâm rnăk dơi pă bảo hiểm y tế an dơm. Wa Cil Ha Drang an g^t, tă bah ăp rơh mâp mhe aơ, nu\ih [on lan geh âk nău rgop dăn đă Quốc hội ơm ndơ\ nău aơ tâm ăp bôk nău kan khlay gay ngăch joi trong mkra.

“Aơ lah ăp nău ma nu\ih [on lan du\t ji nuih. Tă bah ăp rơh mâp nu\ih [on lan ta lam n’gor, mpôl hên djôt dơn du\t âk nău rgop dăn đă wa\r ăp nău aơ. Ndơn măt nu\ih [on lan ta lam n’gor, gâp dăn đă Đảng, Ngih dak, Quốc hội ân uănh m^n tay rjăp, geh nău nkra rgâl tâm di gay tâm di nău mpo\ng u\ch bah nu\ih [on lan” – wa Cil Ha Drang lah:

N’hao ueh khăm săm ji đah thẻ bảo hiểm y tế an nu\ih [on lan lah nău ntru\nh têh bah Đảng n’hanh ngih dak,  ngăn lah đah nu\ih ach o, [on lan rnoi mpôl đêt jêr jo\t. nu\ih [on lan Lâm Đồng mpo\ng Quốc hội ân geh âk trong [ư du\t n’hâm tâm nău mbơh [ư t^ng nău kơl aơ phâm an tâm di ngăn./.

Nu\ih rblang: Y Sưng Phê Ja