VOV4.M’nông: Nar aơ lơ 22/10, Quốc hội gưl 14 ntơm rơh r[u\n tal 6 uănh âk nau kan khlay bah neh dak. Bah năp nê tâm pơh rlau aơ, Uỷ ban Rnâng kan Quốc hội ho\ rgop nau mpeh nau mbơh rgum rgop nau đă bah [on an njoăl tât Quốc hội. Uỷ ban Rnâng kan Quốc hội ân lah: Nau ma nu\ih [on lan uănh khlay đah nau rdâng ăp nar nê lah nau sa khâm, nkre đă ăp ntu\k kan, Chính phủ, N’gâng kan tuch tăm ndrel hun hao [on lan geh nau đă ngăn jăp lơn tay nau ntuh kơl ê nkra ngih vâl gung trong, pơk n’hâm rgop hun hao nkuăl tuch tăm.

Bí thư Trung ương Đảng, Kruanh Uỷ ban Trung ương MTTQ Việt Nam Trần Thanh Mẫn ân gi\t: Ntơm jêh rơh r[u\n tal 5 tât rnôk aơ, Mặt trận tổ quốc Việt nam ho\ rgum geh 2.976 nau rgop, nau đă bah [on lan tâm lam dak njoăl tât Quốc hội. Tâm nê geh 365 nau đă, nau rgop mbơh bah ăp rmôt kan ntoh măt Quốc hội tâm apư n’gor ndrel 2.611 nau dă, nau rgop bah [on lan geh mbơh bah ntrong Mặt trận Tổ quốc Việt Nam ăp gưl.

Nu\ih [on lan rnê prêh nau leo rđau kan nsôih ngăn bah Đảng, Ngih dak tâm nau [ư rjăp ntrong kan chính trị ndrel n’hao nau blau nâp kan bah rmôt cán bộ, nu\ih pah kan, n’hao nau leo kan hăn lor, leo trong bah ăp rđau kan, cán bộ, đảng viên, ê lor lah Uỷ viên Bộ chính trị, Uỷ viên Ban bí thư, Uỷ viên Ban chấp hành TW Đảng. Âk nau kan geh [ư sa khâm, geh nau tih tâm nau mât, do\ng neh ntu, ndơ nsum ho\ geh mêt uănh, uănh gay rklaih ân rjăp, pơk luh nau rnơm tâm [on lan, du đê| nau leo phong dôih jêr, ntoh luh jo\ jong bah âk rơh a[aơ ho\ geh rklaih lôch …

Yơn lah, êp ăp nau kan tă dơi geh [ư, nu\ih [on lan hôm geh nau rvê mpeh du đê| nau kan kơt: jâng văng sa rdâng đah âk nau jêr jo\t, ntul rlong, nau hao khlay ndoh ndơ hôm âk, nau geh pah kan, n’hâm ntul rlopng tâm âk nau kan, ntu\k kan ê prêh, nau mra n’huch mbrơi ngai lơn đo\ng lah mô geh nau năn ndrel geh ntrong kan gi\t ti\ng ăp nau blau mhe khoa học, nau kan mhe, nau hôl khih bah ntu\k ntu, rgâl mhe trôk nar, phu\t, sial, prăng bri, lăp dak chiăt boh geh tât jêr, mra geh nau khuch jâk hô ngăn tât nau tuch tăm ndrel nau rêh bah nu\ih [on lan.

Ăp nu\ih kan bah Uỷ ban rnâng kan Quốc hội ko\ geh nau tâm ban nuih đah ăp nau mbơh rgop đă bah nu\ih [on lan. Yơn lah, Kruanh Uỷ ban tâm nchră đah dak ba dih bah Quốc hội Nguyễn Văn Giàu hôm rvê ngăn tât nau kan tuch tăm, [on lan:

‘Mô geh du rơh r[u\n mâp [on lan ma nu\ih [on lan mô nkah tât nau kan tuch tăm, [on lan. Nau mbơh ân lah nau kan tuch tăm hun hao âk ntil, nau hun hao ntơm bah mô to\ng geh 0,68 ri a[aơ hun hao rlau rlet lah 3,5% âk ngăn tâm 12 năm. Yơn nau jru ngai lơn, lah tâm 17-18 năm aơ ri jâng văng sa tuch tăm Việt Nam hun hao ngăch yơn rđil đah ăp nau kan bah ntu\k kan êng ri ê to\ng ôh. Gâp dăn dă ăp ntu\k kan, Chính phủ, N’gâng kan tuch tăm gay geh nau mbơh jăp lơn tay tâm nau ntuh kơl ntu\k ntu, pơk nau rgum n’hâm hun hao nkuăl tuch tăm”.

Kruanh Ban Dân nguyện bah Quốc hội Nguyễn Thanh Hải ân gi\t, nu\ih [on lan hôm ê geh nau tâm ban nuih mpeh nau tih sa khâm, ê n’huch, âk ntu\k kan ndrel nu\ih [on lan hôm trok tâm ăp nau do\ng prăk bah dih nau ntru\nh rnôk [ư săm [u\t u\ch kan.

Ăp nau mpơl saơ nau ê dơi aơ vay knu\ng geh saơ lah geh nau mbơh, phong bah nu\ih [on lan mô lah bah báo chí, kơt lah mô geh mpơl saơ bah nau lơh rdâng bah êng ntu\k kan, mbơh êng bah cán bộ, công chức:

‘Nau kan ma nu\ih [on lan uănh khlay ăp nar, nê lah nau sa khâm mpôn ma bu vay geh rdâng mro. Nu\ih [on lan rhơn ngăn dah ăp nau tă geh ndrel nau nsôih rdâng sa khâm tâm ăp nau kan têh. Nu\ih [on lan saơ lah tâm ăp ntu\k aơ, ntu\k eneg, nau kan [ư nsing nau dơi bah nơm, đă bu chuai, nkhôm prăk hôm geh âk ndrel nkoch âk ngăn”.

Groi Kruanh Quốc hội Đỗ Bá Tỵ ân lah: ăp rmôt nau đă, nau mbơh bah [on lan ko\ lah ăp nau kan têh bah nau rêh, tâm nê, geh ăp nkô| nau [ư du\t n’hâm ji nuih ngăn, ntoh luh gay geh nau kan rklaih ân năn, săk tam. Yơn lah, gay mât dăp mpăn, lam ăp ntil ri gay geh nau kơp, nchră rjăp tay ăp nkô| nau ho\ rgum gay ân geh tâm ban, gay rdâng đah nau dơi ndrel ê dơi gay to\ng geh nau di, tâm di nau kan./.

Nu\ih rblang: H’Thi