220 hectar loăng plâi châ châ pêt tiô pơkâ VietGAP a Tây Nguyên
Thứ sáu, 10:33, 13/12/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Tíu xiâm Mơhnhôk pêi chiâk deăng – Hdrê loăng plâi mơnăn păn ƀă ká xi xŏng Dak Lak tơkŭm po Hneăng hôp mơgêi tơdroăng tơkêa bro ‘’Mơjiâng troăng pêi pêt mơjiâng plâi kâ tiô VietGAP kum mơnhông kơpong pêt ƀă tê a mâu kong pơlê Tây Nguyên hneăng hơnăm 2022 – 2024’’.
Kố cho tơdroăng tơkêa bro mơhnhôk pêi chiâk deăng Tơnêi têa hneăng hơnăm 2022 – 2024, châ pêi pro tiô troăng mơjiâng troăng pêi pêt, pêt mâu plâi kâ (krui kơxái, plâi sầu riêng, plâi ƀơr ƀă plâi mít) tiô pơkâ VietGAP, ƀă pêt 220 hectar a 3 kong pơlê Dak Lak, Dak Nông, Gia Lai.
A hneăng hôp, mâu kăn teăng mâ tối, ing tơdroăng châ tơƀrê dêi tơdroăng tơkêa bro, mâu kơ koan pơkuâ pêi chiâk deăng, khu râ kăn pơkuâ kong pơlê kal ai pơkâ djâ mâu tơdroăng châ tơƀrê kố tung mơ-éa hnê mơhno, pơchân tối mơngế pêt mơjiâng xúa troăng pêt mơjiâng plâi kâ tiô pơkâ VietGAP vâ kơdroh tơdjâk ‘mêi troh kong prâi ƀă mơjiâng mâu tơmeăm tơniăn lĕm, ai xiâm kối ƀă tơdjêp tê tơmeăm, kum mơnhông kơvâ plâi kâ krá tơniăn a kong pơlê.
Viết bình luận