VOV4.Xơ Đăng -A tơring Lạc Dương, Lâm Đồng, tíu ai kơdrâm cho hdroâng kuăn ngo K’Ho, vâi krâ-nhŏng o xuân dế chôa ‘lâng châ hlo, châ ‘nâi, rak vế, pêi pro hơ’lêh kơxô̆ tung pêi chiâk, mơjiâng tơmeăm OCOP ki xiâm vâ thăm mơdêk tơdroăng pêi cheăng kâ. Dế nôkố, tơmeăm ki pêi lo ing chiâk deăng a Lạc Dương hiăng châ 330 rơtuh liăn/ha.hơnăm.

VOV4.Xơ Đăng - Kong pơlê Lâm Đồng mơnhên tơdroăng xut tah lôi chôa ‘lâng ƀăng deăng hngêi nhĕng pêt mơjiâng tơmeăm pêi lo ing chiâk deăng lo ing kơpong pơlê kong kơdrâm Đà Lạt, ƀă tâi tâng kơxô̆ liăn pêi pro vâ chê 177 rơtal liăn.

VOV4.Xơ Đăng - Hơnăm 2023, kơvâ pêi chiâk deăng kong pơlê Dak Lak mơ-eăm tâk vâ chê châ 5% ki kơnâ tâi tâng tơmeăm pêi lo ing chiâk deăng, loăng pơlái kong kế, ká xi xŏng tâng pơchông ƀă hơnăm 2022.

VOV4.Xơ Đăng - Khu xiâm ngăn ‘na chiâk deăng ƀă mơnhông thôn pơlê nếo tơkŭm po roh hôp “Tơngah mơnhông kopong ki pêt mơjiâng kế kâ ăm mơnăn môi tiah alâi, pôm loăng a kơpong Tây Nguyên”. Roh hôp mê hiăng tơkŭm po troăng hơlâ vâ mơjiâng mâu tơmeăm chĕm mơnăn mơnôa tung tơnêi têa.

VOV4.Xơ Đăng - Kơphế cho hdrê loăng ki tah kơklêa kơtiê xahpá, pro kro mơdrŏng ăm kuăn pơlê pêi chiâk a Tây Nguyên. Ai hên mâu tơring, cheăm xúa nhâ, hlá loăng vâ pro phon rơvât. Ƀă troăng prôk “tơnêi lĕm hơpok, kơdrum ngiât, ngế pêi chiâk mo lĕm”, mơngế Bơhnéa a cheăm Glar, Gia Lai brôk dêi pó pêi kơphế krúa lĕm vâ châ mơ’no tê a kơchơ.

VOV4.Xơ Đăng - Mâu hơnăm hdrối nah, mơdêk hiâm mơno mơeăm, tơmiât rơkê, tơ’noăng tung pêi chiâk pêi deăng, hên kuăn pơlê ki pêi chiâk a Gia Lai hiăng tơbleăng mâu túa pơkâ pêi pêt, tê mơdró tơƀrê, bro kro mơdrŏng ăm tơná, cho tơdroăng ki bâ eăng vâ pơlê pơla tâ tá hriâm tâp.

VOV4.Xơ Đăng - Cho cheăm ki ai lối 42% pơ’leăng mâ mơngế hdroâng kuăn ngo iâ mơngế, 2 hơnăm hdrối nah, maluâ tơdjâk ing pơreăng COVID-19, laga, a cheăm Phú Hội, tơring Đức Trọng, kong pơlê Lâm Đồng xuân ‘nâi mơ-eăm mơnhông pêi cheăng kâ rêh ối. Pêi chiâk tro tiô kŏng ngê̆ ki nếo, pêi lo tơmeăm ing chiâk tro tiô đơn pâ thế ahdrối.

VOV4.Xơ Đăng - Pôa Nguyễn Xuân Tuấn (kot mâ 1978) prế nâ Nguyễn Thị Hạnh Nguyên (kot mâ 1979) cho on veăng hiăng cheăng kâ tơniăn, pêi lo liăn chía hôm ha. Vâ chê 10 hơnăm hdrối, prế hiăng tê dêi hngêi achê troăng pơlê kong krâm Chơn thành, Bình Phước, tơ’nôm dêi liăn ngân lăm troh rêh ối, a tơring Tu Mrông, kong pơlê Kon Tum pêt sâm Ngọc Linh.

VOV4.Xơ Đăng - Hơnăm kố, xua kong prâi tơtro, kơtếo xuân dâi lĕm, maluâ a rơnó hơnăm 2022-2023 kố yă kơtếo tê xuân chía to kơnâ, pro mơngế ki pêt kơtếo tung kong pơlê Dak Lak, môi tiah Ea Kar, MDrak, Ƀuôn Đôn ƀă Ea Súp châ tơhluâ hên. Yă tê châ hên tŏng kum ăm kuăn pơlê pêt kơtếo koh tơdah Têt phâi tơtô, hơniâp ro.

VOV4.Xơ Đăng - Têt Lo hơnăm nếo Qúy Mão hơnăm 2023 hiăng vâ chê troh, roh kố, mơngế ki pêt reăng dêi mâu kong pơlê Dak Lak, Quảng Nam xuân dế thâ rơnáu pêi pro mâu tơdroăng cheăng ki rak ngăn, tôh têa, rơnêu rơnâ, tơkâng, hlá, reăng vâ kơ ai reăng djâ tê a rơnó Têt ki dâi lĕm mơnâ mâ ngăn.