VOV4.Sêdang - Mơdêk tuăn hiâm ‘’Mố đo#i Pôa Hồ’’ drêng lo ing đông, pôa Vũ Ngọc Nhanh, mố đo#i hơnăm hiăng krâ a cheăm Quảng Hiệp, tơring }ư\ Mgar, kong pơlê Dak Lak hiăng ‘nâi tơkâ luâ xơpá pro kro mơdro\ng. Sap ing mâu túa pêt kơphế tơvât [ă hdrê loăng plâi kâ, păn ro ai kuăn [ă tê mơdró kế tơmeăm, mơjiâng pro hngêi, rêm hơnăm pôa châ xo lối 1 rơtal liăn. Pôa Nhanh kơhnâ veăng tung mâu hnoăng cheăng dêi pơlê pơla, hbrâ rơnáu kum mâu ngế ki ê tơkâ luâ xơpá tung rêh ối, veăng kum ivá [ă tơmeăm khoăng vâ mơjiâng thôn pơlê nếo.

VOV4.Sêdang - Ea Kly cho môi tung mâu cheăm ki plah thôn pơlê ki apoăng dêi tơring Krông Pa], kong pơlê Dak Lak. Tá hâi teăm hâk mơnâ hên to lâi ‘na hnoăng cheăng ki tợná hiăng châ chiâng pêi pro, mê Đảng [o#, khu kăn pơkuâ [ă kuăn pơlê a cheăm Ea Kly xuân ối pơtối mơhnhôk thế rêm khu râ, kơvâ cheăng kho\m mơnhông ‘na tơdroăng cheăng ki châ chiâng pêi pro, veăng kum hơ’lêh ngiâ méa thôn pơlê nếo krá tơniăn, ing mê, mơnhông ăm hnoăng cheăng mơjiâng Ea Kly chiâng môi to thôn pơlê nếo ki tiô túa nếo.

VOV4.Sêdang - Mâu hơnăm hiăng luâ a Dak Lak hiăng hlo hên khu, mâu ngế ki kơhnâ rơkê tung hnoăng cheăng hnê mơhnhôk pêi cheăng rơkê. Ing mê hiăng tơku\m, pơtối rak vế ki rơdêi dế kuăn pơlê veăng ‘no ivá, hnoăng cheăng tung tơdroăng rêh ối rêm hâi bro kro mơdro\ng, phâi tơtô. Tuấn Anh ngế chêh hlá tơbeăng ai chêh tối ‘na tơdroăng mê.

VOV4.Sêdang - Mâu troăng prôk tung pơlê châ tôh pro [ă bê tông krúa le\m troh a mâu klâng báu dêi thôn pơlê, mâu hngêi pro lế le\m môi tiah ối hmuâ tung kơdrum kơphế, tiu, loăng plâi kâ ki kơtóu agrut … Ngăn kơdrum loăng le\m ‘nâng a cheăm Hoà Xuân, pơlê kong kơdrâm {uôn Ma Thuột, kong pơlê Dak Lak kơ’nâi 2 hơnăm hiăng plah thôn pơlê nếo, tơdroăng cheăng pêi tơ-[rê tung mơjiâng thôn pơlê nếo, ing mê, pro cheăm Hoà Xuân mơhno le\m mâ ngăn. Kơpong thôn pơlê akố dế hơ’lêh re\ng xúa kuăn pơlê hiăng khên rơkê tâ tung tơdroăng tơmiât [ă túa pêi cheăng.

VOV4.Sêdang - Ôh ti xê lăm ko ’nhiê kong pêi chiâk deăng mê cho tơdroăng kơhnâ veăng rak ngăn kong. Tơdroăng ki hdrối ngin hiăng tối hdrối nah cho tơdroăng ki preăng hlo, tơdroăng ki kơnía a tơring Kon Plong, kong pơlê Kon Tum, mê nôkố hiăng hlo ai tung lâp lu. {ă tơdroăng ki pro hơ’lêh kố cho tơdroăng ki tối tơbleăng pêi pro châ tơ-[rê dêi troăng hơlâ ’no liăn mơhá ăm rak ngăn kong.

VO4.Sêdang - Ô vâi krâ nho\ng o [ă pú hmâ! Tung rôh tơplâ xâ nah, cheăm }ư\ Pơng, tơring Krông {uk, kong pơlê Dak Lak cho kơpong đông krá tơniăn, khu lêng [ă kuăn pơlê môi tuăn tiô kăch măng, khên tơnôu tơplâ tá troh hâi tơnêi têa châ tơleăng le\m. Nôkố, tung tơdroăng mơjiâng tơnêi têa, kuăn pơlê mâu hdroâng kuăn ngo cheăm }ư\ Pơng pơtối mơdêk khôi túa ton nah, tơru\m kơdroh tah kơklêa kơtiê, tơdroăng ki ôh tá tro, tơdjuôm ivá mơnhông mơdêk cheăng kâ, mơjiâng thôn pơlê nếo. Drêng tơbâ hâi Kăch măng khế 8 [lêi trâng [ă hâi mơjiâng tơnêi têa lơ 2/9, H’Xíu H’Mok, ngế chêh hlá tơbeăng ai [ai chêh mâu tơdroăng ki hiăng hơ’lêh a kơpong tơnêi khên tơnôu }ư\ Pơng.