Gia Lai ‘no 1.100 rơtal liăn vâ ok ƀê tong pro troăng tung thôn
Thứ sáu, 05:00, 19/06/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Vi ƀan Kuăn pơlê kong pơlê Gia Lai nếo tơbleăng thế pêi tơdroăng ok ƀê tong pro troăng kân tung thôn pơla hơnăm 2026- 2030 ƀă tâi tâng kơxô̆ liăn lối 1.165 rơtal liăn ing kơxô̆ liăn ‘no mơjiâng pro tơmeăm khoăng ton hơnăm vâ pro klêi troăng prôk, pơxúa ăm mơnhông cheăng kâ - pơlê pơla tung kơpong thôn pơlê nếo.
Tâi tâng kơxô̆ liăn kơjo kum pêi tơdroăng mê 1.165 rơtal liăn. Tung mê, dâng 850 rơtal liăn ‘măn ok bê tong pro troăng prôk tung thôn, ki u ối kơjo kum rơnêu pro troăng, po rơdâ mâu troăng ki hiăng tơ’nhiê. Kong pơlê Gia Lai kô kơjo kum tâi tâng xơmong chơ troh a tíu mơjiâng pro, ‘mâi rơnêu, po rơdâ mâu troăng prôk tung thôn ai tiô túa troăng kân lĕm túa A, B.
Peăng liăn ki u ối xua mâu cheăm hbrâ pro tơdâng ing xiâm liăn pêi cheăng ki ê tro luât. Pơla hơnăm 2026-2030, Gia Lai pơkâ pro ƀê tong 1.800 km troăng prôk tung thôn ƀă ‘mâi rơnêu, pro rơdâ dâng 980 km troăng tung thôn tro tơ’nhiê.
Viết bình luận