VOV4.Xơ Đăng - Kơxê hâi lơ 25/3, Khu hnê mơhno Tíu xiâm ‘na tơdroăng hbrâ mơdât kâ kơluâ, mơ’nhiê liăn tê kơtê (Khu hnê mơhno) hôp tối mâu tơdroăng hiăng pêi pro mâu tơdroăng  Tối mơgêi dêi pôa Tô Lâm, Kăn xiâm pơkuâ hnê ngăn Đảng ing kơ’nâi rôh Hôp má 27 dêi khu hnê mơhno troh nôkố (mơ’nui khế 12 hơnăm nah).

VOV4.Xơ Đăng - Hâi lơ 25/3, khu kăn Hô̆i đong kong pơlê Gia Lai hiăng tơkŭm po tơdroăng trâm mâ, tơpui tơno pơla mâu kăn Hô̆i đong kong pơlê ƀă mâu vâi hdrêng hơnăm 2025 ƀă pơxá “Pro xiâm rak tơniăn ăm vâi hdrêng Gia Lai troh hngêi trung”.

VOV4.Xơ Đăng - Kơxo lơ 25/3, a Hngêi Kuô̆k hô̆i pơxiâm po Hneăng hôp kăn teăng mâ Kuô̆k hô̆i pêi ƀă pôu râng hnoăng cheăng mê roh má 7 vâ tơpui tơno ‘na mâu tơdroăng tơkêa bro luât tơbleăng Kuô̆k hô̆i a Hneăng hôp má 9.

VOV4.Xơ Đăng - Kơxo lơ 25/3, pôa Tô Lâm, Kăn xiâm pơkuâ hnê ngăn Đảng hiăng pơkuâ roh hôp má pŭn Tiêuh ƀan Mơngế pêi cheăng vâ séa ngăn mâu tơdroăng xiâm ‘mâi rơnêu, tơ’nôm mơ-éa chêh hdrối Troăng pêi la ngiâ tơdroăng pêi cheăng mơngế pêi cheăng Hneăng hôp má XIV dêi Đảng.

VOV4.Xơ Đăng - Pôa Phạm Minh Chính, Ngế pro xiâm hnê ngăn tơnêi têa nếo ai rôh trâm mâ, tơpui tơno ƀă droh rơtăm ƀă inâi “Droh rơtăm Việt Nam djâ troăng ahdrối mơjiâng khoa hok kŏng ngê̆, pơhlêh nếo tơmiât pêi rơkê ƀă pơhlêh kơxô̆ tơnêi têa”.

VOV4.Xơ Đăng - Hơnăm 1945, tơdroăng “Hnoăng cheăng tah lôi ki ôh tá ‘nâi chư” xua Pôa Hồ Chí Minh, Kăn xiâm hnê ngăn hiăng pơkâ hiăng mơjiâng chiâng troăng prôk ki tơ’lêi hlâu tung hnê hriâm, gum ăm Việt Nam châ kơdroh tah lôi tơdroăng ki ôh tá ‘nâi chư tung mâu hâi apoăng mơjiâng tơnêi têa nah. Tung pơla tơdroăng rêh ối dế nôkố, drêng Việt Nam dế thăm mơdêk mơnhông khoa hok kŏng ngê̆ ƀă pơhlêh kơxô̆, ki pơxúa kố xuân u ối ki konía git. Khu tơrŭm ngăn vâi rơtăm Việt Nam hiăng mơhnhôk tung rêm râ Đoân Droh tơtăm ‘na hnoăng cheăng “Hnoăng cheăng tah lôi ki ôh tá ‘nâi tơdroăng cheăng kơxô̆”, pơkâ pêi pro ăm tơrêm ngế vâi droh rơtăm. Tung mê, Khu tơrŭm ngăn vâi droh rơtăm ki chó chêng tơvê kŏng Việt Nam hiăng tơrŭm cheăng ƀă khu mơdró kâ AI ƀă mâu ngế ki hriăn plĕng má môi ‘na kŏng ngê̆.

VOV4.Xơ Đăng - Hâi lơ 24/3, a Hà Nội, pôa Phạm Minh Chính, Ngế pro xiâm hnê ngăn tơnêi têa pơkuâ po Rôh hôp “Rak vế gâk kring, tơniăn mơnhông cheăng kâ rêh ối pơlê pơla a mâu kong pơlê Tây Bắc ƀă kơpong ki a chê”.

VOV4.Xơ Đăng - A kong pơlê Dak Lak, klêi lối 20 hâi tơbleăng tơdroăng ki hbru pơhlêh mơ-éa phêp vê rơxế ăm kuăn pơlê.

VOV4.XơĐăng - Tung ƀai chêh ‘’Tơkŭm po lĕm tro Hneăng hôp Đảng ƀô̆ mâu râ hneăng hơnăm 2025 – 2030’’, Pôa Tô Lâm, Kăn xiâm pơkuâ hnê ngăn Đảng tối nhên troăng tơmiêt pêi rơkê: Tơdroăng hbrâ mơngế ôh tá xê ăm môi hneăng hôp; mê hơngế tâ, mê cho tơdroăng ki hbrâ mơngế ăm tơdroăng la ngiâ mơnhông mơdêk dêi khu tơrŭm cheăng Đảng, tơdroăng mơnhông dêi kơvâ cheăng, tơdroăng cheăng, kong pơlê, kơ koan, tíu pêi cheăng; kân rơdâ tâ nếo, mê cho hnoăng cheăng dêi Đảng, tơdroăng ki ối lơ hía dêi rơxông pơkuâ ƀă tơdroăng mơnhông dêi tơnêi têa, dêi hdroâng mơngế.

VOV4.XơĐăng - Kơxê hâi lơ 24/3, a tíu pêi cheăng dêi Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng tơdah pôa Kamran Bayran Aliyev, Ngế xiâm séa ngăn arak luât dêi Azerbaijan, dế ai rôh lăm pôu pêi cheăng a Việt Nam.