VOV.Xơ Đăng - Pơtối tơdroăng rôh hôp, kơxo hâi  hơ 15/5, Kuô̆k hô̆i hiăng tơmâng ƀă têk kŏng vâ tơbleăng tơdroăng ‘mâi hơ’lêh tơdroăng rôh hôp má 9, Kuô̆k hô̆i hneăg 15.

VOV.Xơ Đăng - Tiô riân ngăn dêi Kŏng an kong pơlê Gia Lai, sap ing apoăng hơnăm 2024 troh nôkố, lâp kong pơlê ai 114 rôh hêak pơloi ing măng pơlê pơla, ƀă mâu tơdroăng ki vâi pơloi  rế hía rế rơkê, ôh ti chiâng ‘nâi. Sap ing mâu rôh krếo phôn hêak inâi ngế cheăng tung kơvâ on tơhrik, troh mâu tin nhăn pơlông djâ pêi mâu tơdroăng ki châ liăn tơkâ hên tung măng pơlê pơla ƀă hên ki ê bu môi péa tơdroăng ki tiê hmâng vâ hên ngế hiăng hía tâi liăn ngân, thăm nếo hía lối hrĭng rơtuh liăn.

VOV.Xơ Đăng -  ­Hâi lơ 14/5, a pơlê kong kơdrâm Pleiku, Khu pơkuâ Đoân Droh rơtăm Gia Lai tơkŭm po Hneăng hôp mơgêi 10 hơnăm pêi pro Pơkâ dêi Khu xiâm kal kí ‘na mơdêk ó rơdêi hriâm tâp ƀă pêi tiô troăng tơdjâ hiâm mơno Hồ Chí Minh ƀă kheăn kơdeăn ‘’Droh rơtăm ki rơkê pêi tiô rơkong Pôa Hồ’’.

VOV.Xơ Đăng - Kơxo lơ 15/5, Kuô̆k hô̆i tơpui tơno a hngêi hôp kân ‘na Tơdroăng tơkêa bro Luât on tơhrik kơtâu ƀă trếo tik nik (‘mâi rơnêu).

VOV.Xơ Đăng - Hâi lơ 14/5, Vi ƀan hnê ngăn kong pơlê Dak Lak hiăng pơkâ Túa tơkŭm po xo rơkong tơpui kuăn pơlê ƀă kơxop mơéa Pơkâ ‘mâi pơhlêh, ‘mot tơ’nôm mâu tơdroăng dêi Luât tơnêi têa Kŏng hoa xah hô̆i chuh ngiah Việt Nam hơnăm 2013.

VOV.Xơ Đăng - Kơxo hâi lơ 14/5 a tíu pêi cheăng xiâm Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ hôp tơmâng tơbleăng ‘na tơdroăng plâ mơdât tê mơdró liu, ôh tá tơdrăng tung mơdró kâ tê tơmeăm ki ôh tá xê khât, tơmeăm bu bối tung mâu hơnăm la ngiâ.

VOV.Xơ Đăng - Kơxo lơ 14/5, Kuô̆k hô̆i tơpui a hngêi hôp kân ‘na kơxop mơ-éa Pơkâ dêi Kuô̆k hô̆i ‘mâi pơhlêh ‘mot tơ’nôm mâu tơdroăng dêi Luât Pơkâ ‘mâi pơhlêh ‘mot tơkŭm dêi luât hơnăm 2013 (rôh má môi) ƀă tơdroăng tơkêa Luât mơjiâng khu kăn kong pơlê ‘mâi pơhlêh.

VOV.Xơ Đăng –  Kơmăng lơ 13/5, a plông kân Tíu xiâm kal kí – Pơkuâ tơnêi têa Bắc sông Cấm, Thủy Nguyên (Hải Phòng), Đảng ƀộ, khu râ kăn pơkuâ ƀă kuăn pơlê dêi Pơlê kong kân Hải Phòng tơkŭm po leh tơbâ 70 hơnăm Hâi tơleăng lĕm pơlê kong kân (13/5), tơdah inâi ‘’Pơlê kong kân Khên tơnôu’’ ƀă pơxiâm po Leh hô̆i “Hoa Phượng Đỏ” hơnăm 2025.

VOV.Xơ Đăng - Kơxê hâi lơ 13/5 a tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng pơkuâ rôh hôp dêi Khu kăn pơkuâ hnê ngăn Đảng ‘na tơdroăng tơbleăng pêi ƀă ‘na tơmâng xo mâu tơdroăng veăng hnê tối dêi kuăn pơlê, mâu kơvâ cheăng rêm râ ‘na Hlá mơ-éa ‘mâi hơ’lêh, tơ’nôm mâu tơdroăng dêi Luât hơnăm 2013.  

VOV.Xơ Đăng - Kơxê hâi lơ 13/5, pôa Phạm Minh Chính, Ngế pro xiâm hnê ngăn tơnêi têa pơkuâ rôh hôp dêi mâu kăn tung Chin phuh ‘na tơdroăng mơjiâng pơkâ dêi Chin phuh ‘na pơkâ pêi pro mơjiâng ƀă mơnhông kơvâ cheăng tơpui kâ troh hơnăm 2030 vâ mâ ngăn troh hơnăm 2045.