VOV.Xơ Đăng - Hâi lơ 8/5/2025, drêng rôh Singapore tơkŭm po klêi hneăng tâ phĭu râh xo kăn Kuô̆k hô̆i rôh má 14 ƀă ki ƀlêi trâng cho peăng Đảng Hành động Nhân dân (PAP), pôa Phạm Minh Chính Ngế pro xiâm hnê ngăn tơnêi têa hiăng krếo phôn kơ ngế chêh tôm xo rơkong PAP, Ngế pro xiâm hnê ngăn kong têa Singapore pôa Lawrence Wong.

VOV.Xơ Đăng – Tung toăng hngêi a Pơlê kong kơdrâm Thủ Đức, Pơlê kong kân Hồ Chí Minh, pôa Lâm Xuân Quang, mố đô̆i hneăng hdrối hiăng ‘măn chôu môi râ rơdâ dâng 300 m2 vâ pro Tíu mơhno túa lĕm tro Hồ Chí Minh”. Tíu kố châ pôa tơmiât vâ pêi klêi kơ’nâi vâ chê tơdế chal. Pôa Ôh ti xê to rak vế krâu ăm to dêi tơná mê ối lôu péa tơdah tơmối tung tơnêi têa ƀă kong têa ê troh ngăn, tăng ‘nâi ‘na tơdroăng rêh ối dêi Pôa Hồ Chí Minh, kăn xiâm hnê ngăn tơnêi têa hneăng apoăng.

VOV.Xơ Đăng - Hâi lơ 8/5, Khu xiâm pơkuâ mô đô̆i kong pơlê Dak Lak tơkŭm po Hneăng hôp mơgêi ƀă kheăn kơdeăn mâu ngế ki kơhnâ rơkê tung 10 hơnăm pêi pro Pơkâ dêi Khu xiâm kal kí ‘na ‘’Pêi pro rơdêi hriâm tâp ƀă pêi tiô troăng tơdjâ, hiâm mơno, troăng pêi Hồ Chí Minh’’.

VOV.XơĐăng - Hâi kơ 8/5, a tíu pêi cheăng Chin phuh, pôa Nguyễn Chí Dũng, Phŏ Ngế pro xiâm hnê ngăn tơnêi têa hôp ƀă mâu khu xiâm kơvâ cheăng ‘na ‘mâi hơ’lêh, tơ’nôm hlá mơ-éa luât tơdroăng Pơkâ ‘na chêh inâi tê mơdró.

VOV.XơĐăng - Hâi lơ 8/5, Vi ƀan kuăn pơlê dêi Pơlê kong kân Hồ Chí Minh tơkŭm po hôp tối tơdroăng cheăng kâ- rêh ối khế 4, hnoăng cheăng pêi tung khế 5.

VOV.Xơ Đăng -  Bu tung lối tơdế khế hiăng hluâ a kong pơlê Kon Tum hiăng ai 3 roh tơro têa pro 3 ngế hlâ ƀă 7 ngế tro rong.

VOV.Xơ Đăng - Klêi kơ’nâi mơgêi lĕm tro roh lăm pôu râ Tơnêi têa Kŏng hoa Kazakhstan, kơxê lơ 7/5, pôa Tô Lâm, Kăn xiâm pơkuâ hnê ngăn Đảng ƀă Kơdrâi pôa rơtế Khu râ kăn teăng mâ râ xiâm Việt Nam hiăng troh lăm pôu râ Tơnêi têa Kŏng hoa Azerbaijan, tiô rơkong krếo thế dêi pôa Ilham Aliyev, Kăn xiâm pơkuâ kong têa Azerbaijan.

VOV.Xơ Đăng - Tơpui tơno a tôh ‘na Kơxop Hlá mơ-éa Pơkâ dêi Kuô̆k hô̆i ‘mâi pơhlêh, ‘mot tơ’nôm mâu tơdroăng dêi Luât hơnăm 2013, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế, rêm ngế kăn kal pơtối tơmâng, veăng tơpui a hô̆i trường xuân môi tiah ăm rơkong tơpui tối ƀă hlá mơ-éa; ai hnoăng cheăng pôu râng troh tui lui drêng tiê nut tơbleăng kơxop hlá mơéa Pơkâ ki kal kố.

VOV.Xơ Đăng - Pôa Lương Cường, Kăn xiâm hnê ngăn tơnêi têa, Kăn hnê ngăn Hô̆i đong lêng - Kring tơniăn, Pơkuâ Khu lêng tơplâ kuăn pơlê veăng leh ƀă hlối diâp Mê dai Hồ Chí Minh ăm Quân chủng Hải quân.

VOV.Xơ Đăng - Pơkâ kố, pôa Nguyễn Thiên Văn, phŏ kăn hnê ngăn Vi ƀan kong pơlê châ pơcháu Hnoăng pro kăn hnê ngăn Vi ƀan kong pơlê pơla hơnăm 2021 – 2026.