VOV4.Xơ Đăng - Tung hneăng lăm pôu râ kăn xiâm tơnêi têa troh Indonesia, kơxê hâi lơ 9/3 a pơlê kong xiâm Jakarta. Pôa Tô Lâm, Kăn xiâm pơkuâ hnê cheăng Đảng tơdah mâu Grup pơkuâ khu mơdró má môi dêi Indonesia hlối veăng leh Tơbleăng mâu troăng tơƀai kơneăng tơdrăng dêi Vietnam Airlines pơla Pơlê kong kân Hồ Chí Minh ƀă Denpasar. 

VOV4.Xơ Đăng - Riân troh nôkố, lâp tung kong pơlê Gia Lai hiăng mơjiâng pro nếo ƀă ‘mâi rơnêu 2.092 toăng hngêi dêi tơdroăng xut tah hngêi pơtân hngêi xi kơchoh.

VOV4.Xơ Đăng - Roh lăm plâ Tây Nguyên hơnăm 1975 ƀă rôh pơxiâm po hneăng plâ xâ a Buôn Ma Thuột ôh tá xê to môi  rôh lăm plâ ki kân mê ối cho môi ƀai hriâm ‘na ki rơkê plĕng dêi khu mô đô̆i, ‘nâi hriĕn plĕng pro xâ chiâng kơdrâ, ôh ta ƀĕng ê. Ƀă ki xiâm pơkâ cho pro tơleăng lăm peăng Hdroh tơnêi têa, rôh lăm plâ mê hiăng pơtối rak vế pêi pro ki hriăn rơkê dêi mô đô̆i ƀă kuăn pơlê Việt Nam. Ing mâu tơdroăng hriăn rơkê troh tơdroăng ‘nâi tơrŭm tơrôa pơla mâu khu lêng, rôh lăm plâ Tây Nguyên ôh tá xê to plâ hnâp kh lêng xâ mê ối pro kơdrâ tá mâu lêng lâp plâi tơnêi. Kơnôm ing tơdroăng rơkê ƀeăn, rôh lăm plâ Tây Nguyên hiăng châ tơƀrê môi pơkâ, veăng ‘no hnoăng plâ ƀlêi tâng rơnó Hơngui hơnăm 1975.

VOV4.Xơ Đăng - Pro chiâng ai roh ƀlêi trâng Buôn Ma Thuột, tơdrêng ƀă hnoăng cheăng pơkâ ki khên tơnôu dêi mô đô̆i xiâm, hiăng ai hên hnoăng cheăng ki kân dêi mâu ngế cheăng kal kí, kuăn pơlê mâu hdroâng kuăn ngo a Dak Lak. Vâ châ 50 hơnăm hiăng luâ, mâu ngế ki châ hlo, hiăng rêh ƀă hiăng veăng tơplâ xâ a Buôn Ma Thuột, kong pơlê Dak Lak xuân ối ƀriê phoih drêng chôu vế ‘na tơdroăng ki kal kân khât kố.

VOV4.Xơ Đăng - Mâu hâi ki kố, mâu kuăn pơlê tung kong pơlê Dak Lak phiu ro, hâk tơngăm xua hiăng veăng ‘no hnoăng plâ Ƀlêi trâng Buôn Ma Thuột kơtăn kố 50 hơnăm hdrối nah. Pakĭng mê, kuăn pơlê xuân hâk ro tơdah leh tơbleăng Kơphế Buôn Ma Thuột rôh má 9 ƀă tơngah cho “Tíu ki troh ngăn kơphế lâp plâi tơnêi”. Tơdrêng ƀă tơdroăng tơmiât tung hâi leh kân tơbâ 50 hơnăm blâ blêi trâng Buôn Ma Thuột, kuăn pơlê mâu hdroâng kuăn ngo a Dak Lak xuân tối loi khât ƀă tơngah châ tơƀrê ing rôh po Leh tơbleăng kơphế Buôn Ma Thuột kố.

VOV4.Xơ Đăng - Hâi lơ 7/3, a Cần Thơ, pôa Trần Hồng Hà, Phŏ Ngế pro xiâm hnê ngăn tơnêi têa pơkuâ po rôh hôp ƀă mâu khu xiâm, kơvâ cheăng, kong pơlê, khu mơdró kâ ‘na tơdroăng cheăng pơkuâ pêt, tê báu phái.

VOV4.Xơ Đăng - Kơxê hâi lơ 7/3, Ngế pro xiâm hnê ngăn kong têa Kŏng hoa Kyrgyzstan cho pôa Adylbek Kasymaliev pơxiâm lo ing Hà Nội, hiăng klêi tơniăn lĕm hneăng lăm pôu Việt Nam sap hâi lơ 6 troh lơ 7/3, tiô rơkong krếo thế dêi pôa Phạm Minh Chính Ngế pro xiâm hnê ngăn Chin phuh.

VOV4.Xơ Đăng - Tung kong pơlê Kon Tum hiăng troh rơnó tô mơdrăng ó ƀă hmâ hlo ai on chếo ƀă hrĭng rơpâu ha kong.

VOV4.Xơ Đăng - Kơxê hâi lơ 7/3, a Hà Nội, pôa Tô Lâm, Kăn xiâm pơkuâ hnê ngăn pơkuâ roh pêi cheăng ƀă Khu hnê mơhno troăng hơlâ, túa cheăng krá tơniăn ton tơnêi têa ‘na mâu troăng hơlâ krá ton vâ mơjiâng chiâng túa ki mơnhông tung pêi cheăng kâ krê Việt Nam tung la ngiâ.

VOV4.Xơ Đăng - Tung péa hâi, lơ 6 troh lơ 7/3, hnoăng cheăng “Khế pái tíu tơkăng kong” hiăng po a tơring Đức Cơ, kong pơlê Gia Lai ai hên hnoăng cheăng ki pro pơxúa kân khât.