VOV.Xơ Đăng - Hâi lơ 12/5, a tơring Kiến Xương, kong pơlê Thái Bình, pôa Phạm Minh Chính, Ngế pro xiâm hnê ngăn Chin phuh veăng leh pơxiâm mơjiâng pro troăng kân ăm phêp rơxế kơtâu têi Hải Phòng – Ninh Bình kơpong tơkâ hluâ kong pơlê Nam Định, Thái Bình.

VOV.Xơ Đăng - Tiô tơdroăng pơkâ rah xo iâ ngế pro tung khu pơkuâ, klêi kơ’nâi tơ’mot ƀă Phú Yên, kong pơlê Dak Lak ki nếo ah kô ai tơnêi tíu lối 18.096km karê, pơ’leăng mâ ai lối 3 rơtuh 300 rơpâu ngế. Troăng prôk kân tơnêi têa kơxô̆ 29 ing kong pơlê ki pêt mơjiâng kơphế hên chu troh a kơpong achê têa kơxĭ dêi kong pơlê Dak Lak ki nếo, xŏn lối 200km, la kố cho môi to troăng ki ôh tá ai tíu ki lâi ai dêi Tây Nguyên ki tơkoh troh a Tơdế Tơnêi têa, la ôh ta tơkâ luâ ngo ngối, rơnâk, văng hên. Kố cho môi tung mâu tơdroăng ki tơ’lêi hlâu vâ kong pơlê kố châ pơtối mơdêk tâi tâng ivá cheăng kâ, mơnhông pêi chiâk pêi deăng, xông rơdêi cheăng kâ ing kong kế, loăng nhâ, ing têa kơxĭ ƀă tơdroăng ki mơdêk pro troăng kân tơnêi têa kơxô̆ 29 châ mơnhên cho ki xiâm păng ‘nâng vâ pơtối mơnhông tâi tâng tŭm

VOV.Xơ Đăng - Sap apoăng hneăng hơnăm 2020 – 2025 troh nôkố, kong pơlê Lâm Đồng hiăng tơ’mot tơ’nôm hrĭng ngế đảng viên cho hdroâng kuăn ngo, mơdêk tâi tâng kơxô̆ đảng viên cho mơngế hdroâng kuăn ngo vâ chê 6 rơpâu ngế, châ lối 12% đảng viên tung lâp kong pơlê. Kơnôm tơtrŏng ki tơtro, rah xo mâu kuăn pơlê ki kơhnâ rơkê vâ hnê tơ’nôm, pơtâp ƀă tơmot tung Đảng, mê mâu đảng viên pơrá châ mơnhông tơƀrê hnoăng cheăng djâ troăng ahdrối tung rêm tơdroăng cheăng, veăng kum hên tung tơdroăng mơnhông cheăng kâ – rêh ối pơlê pơla, rak vế, kring tơniăn ƀă thăm tơrŭm tâi tâng hdroâng mơngế dêi kong pơlê.

VOV.Xơ Đăng - Drêng troh a Belarus, pôa Tô Lâm, Kăn xiâm pơkuâ hnê ngăn cheăng Đảng hiăng veăng ai mâ ƀă tơpui a rôh trâm mâ Rôh hôp tơrŭm tơroâ ƀă Trâm mâ túa lĕm tro ƀă kong têa ê dêi Belarus, Rôh hôp tơrŭm tơroâ Belarus - Việt Nam ƀă mâu khu ki rơkê plĕng hneăng hdrối Belarus ai hên tơdroăng veăng gum hên ăm Việt Nam.

VOV.Xơ Đăng - Tơring Kon Rẫy cho tơring apoăng dêi kong pơlê Kon Tum ‘na kêi đeăng têa tah hngêi pơtân, hngêi xi kơchoh ăm kuăn pơlê.

VOV.Xơ Đăng - Pôa Trương Ngọc Tuấn – Kăn pơkuâ Khu pơkuâ kăn ƀô̆ kong pơlê Phú Yên – tối ăm ‘nâi, kơvâ cheăng dế mơjiâng troăng pêi tŏng gum ‘na hngêi ối, rơxế kơto prôk lăm vâ kum kăn ƀô̆, kŏng chưk, mơngế pêi cheăng hmiân tuăn pêi cheăng.

VOV.Xơ Đăng - Kơxê lơ 11/5, pôa Tô Lâm, Kăn xiâm pơkuâ hnê ngăn Đảng rơtế ƀă dêi kơdrâi ƀă Khu râ kăn teăng mâ râ xiâm tơnêi têa pin hiăng troh tơraih tơƀai Lâp plâi tơnêi Minsk, pơxiâm mâu tơdroăng pêi cheăng tung tơdroăng lăm pôu râ Kăn xiâm tơnêi têa troh Kŏng hoa Belarus, tiô rơkong krếo dêi dêi pôa Alexxander Lukashenko, Kăn xiâm pơkuâ kong têa Belarus.

VOV.Xơ Đăng - Hâi lơ 11/5, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh, Ngế pơkuâ hnê mơhno Tíu xiâm tơbleăng xut tah hngêi pơtân, hngêi xi kơchoh tung lâp tơnêi têa, pơkuâ Hneăng hôp rôh má 4 dêi khu hnê mơhno

VOV.Xơ Đăng - Pôa Đỗ Việt Hưng –  Ngế râng Liăn ngân Gia Lai ăm ‘nâi, Tíu pei cheăng kố dế tơrŭm ƀă mâu cheăm tơring vâ séa ngăn tâi tâng tơmeăm khoăng tơnêi têa ƀă riân hdrối liăn ngân tơnêi têa, mơjiâng troăng rơhlâ pro ti lâi vâ tơniăn tơtro.

VOV.Xơ Đăng – Riân troh apoăng khế 5 hơnăm 2025, kong pơlê Gia Lai hiăng pơxiâm mơjiâng ƀă ‘mâi rơnêu 6.712 toăng hngêi, châ 82% tơdroăng pơkâ, tah lôi vâ chê 8.500 toăng hngêi pơtân, hngêi xi kơchoh tung kong pơlê kố. Ki păng ‘nâng ăm hlo, kong pơlê hiăng pơkâ thế pêi pro tro khât troăng tơdjâ, troăng pơkâ kân dêi tơnêi têa, tơdrêng amê, hiăng hlo ai hên túa cheăng, túa pêi pro ki rơkê gum ăm tơdroăng ki pơkâ thâ rĕng, ai pơxúa, maluâ a mâu pơlê cheăm kong hơngế, kong hơngo. Ing mê, tơdjâk lân rơdâ tơdroăng ki hơniâp ro châ ối tơniăn tung mâu hngêi tơrŭm tuăn dêi mâu rơpŏng kơtiê, ing mê, khoh tơbêng thăm ivá, hiâm mơno vâ vâi krâ-nhŏng o kơdo mơ-eăm pêi cheăng kâ, mơnhông tơtêk; tơdrêng amê, veăng gum pêi pro ƀlêi chiâng Tơdroăng pơkâ dêi Chin phuh.