VOV.Xơ Đăng - Hâi lơ 8/7, pôa Nguyễn Văn Quảng, Kăn hnê ngăn Đảng Pơlê kong kân Đà Nẵng ai rôh tơdah hlối pêi cheăng ƀă Khu kăn Kuô̆k hô̆i Hàn Quốc troh lăm pôu pêi cheăng a pơlê kong kân Đà Nẵng, xua pôa Kim Gi‑hyeon, ngế cheăng tung Kuô̆k hô̆i Hàn Quốc, Kăn hnê ngăn Vi ƀan Ki kal kơjo kum tơkŭm po Hôp APEC 2025.

VOV.Xơ Đăng - Pôa Tạ Anh Tuấn, Kăn hnê ngăn Vi ƀan kuăn pơlê kong pơlê Dak Lak hiăng troh lăm séa ngăn vâ ‘nâi tơdroăng cheăng pêi a cheăm Krông Năng ƀă bêng Buôn Hồ.

VOV.Xơ Đăng - Ƀơrô cheăng Kăn xiâm hnê ngăn tơnêi têa tơkŭm po hôp tơbleăng Pơkâ ăm mâu kroăng phâk lo hdrối tâ hâi pơkâ hơnăm 2025 (rôh má 2) dêi Kăn xiâm hnê ngăn tơnêi têa, drêng tơbâ 80 hơnăm hâi mơjiâng Tơnêi têa Kŏng hoa xah hô̆i chuh ngiah Việt Nam (2/9/1945 – 2/9/2025). Hâi khế ăm lo cho troh tâi hâi lơ 31/8/2025.

VOV.Xơ Đăng - Hâi lơ 7/7,  a tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng, Ngế pơkuâ Hnê mơhno xiâm ‘na hbrâ mơdât kâ kơluâ, mơhrê liăn hmâng vâ hiăng pơkuâ hôp rôh má 28.

VOV.Xơ Đăng - A Bra​sil​, pôa Phạm Minh Chính, Ngế pro xiâm hnê ngăn tơnêi têa hiăng veăng Hôp mâu kăn BRICS po rơdâ hơnăm 2025 ƀă ai tơbleăng ki kal a rôh Hôp mâu kăn xiâm BRICS po rơdâ ‘na “Mơdêk chuh nghiah hên troăng, mâu tơdroăng cheăng kâ - liăn ngân ƀă tuăn ngôa rơkê kuăn mơngế hriăn pro”.

VOV.Xơ Đăng - Hâi lơ 7/7, khu pơkuâ hnê ngăn Đoân Droh rơtăm kong pơlê Dak Lak tơkŭm lo pêi cheăng dêi khu hơnăm ối nếo ki pleăng hnoăng tơná veăng kơjo kum túa pêi cheăng mâu kăn péa râ ƀă hnê ăm ‘nâi tơdroăng pêi cheăng nâo liăn tung tiô troăng hyôh a cheăm bêng.

VOV.Xơ Đăng – Pôa Phạm Minh Chính, Ngế pro xiâm hnê ngăn tơnêi têa hiăng tơdah kăn pơkuâ Grup Granja Fujikura – tíu pêi chiâk xúa kơmăi kơmok chal nếo a Brazil ối tung khu pơkuâ Granja Fujikura dêi Nhuk.

VOV.Xơ Đăng - Kơxo lơ 7/7, pôa Tô Lâm, kăn xiâm pơkuâ hnê ngăn cheăng Đảng hiăng pơkuâ po rôh hôp rôh má 28 Khu hnê mơhno Tơnêi têa ‘na hbrâ mơdât kâ kơluâ, pro mơhrê liăn ngân vâ tơpui tơno, ăm rơkong tơpui tối ‘na tơdroăng, klêi kơ’nâi hnoăng cheăng hbrâ mơdât kâ kơluâ, pro mơhrê liăn ngân 6 khế apoăng hơnăm ƀă hnoăng cheăng ki kal 6 khế mơ’nui hơnăm rơtế ƀă mâu tơdroăng kal ki ê.

VOV.Xơ Đăng - Troăng pêi khu râ kăn pơkuâ pơlê pơla 2 râ mot pêi cheăng lối môi măng tĭng kố, laga xuân hiăng ăm hlo mâu tơdroăng ki pơhlêh nếo tơtro a hên tíu. A kong pơlê Lâm Đồng, a hên cheăm, bêng hiăng ăm hlo tơdroăng pơkuâ tơnêi têa chôa ‘lâng pơhlêh tiô troăng hbrâ, ngăn kuăn pơlê, khu tê mơdró môi tiah cho tơmối vâ tơdah ăm tơtro tâ.

VOV.Xơ Đăng - Pêi pro tiô Tơdroăng pơkâ kơxô̆ 57 ‘na mơnhông cheăng khoa hok, kŏng ngê̆ ƀă pơhlêh ki rơkê kơnía, rêm râ, mâu kong pơlê ối a pêa hdroh Tơdế Tơnêi têa ƀă Tây Nguyên dế thăm mơdêk hnoăng ki xúa kơxô̆ ing mâu cheăm troh a râ kong pơlê, tơrŭm tơdrêng tung pêi hnoăng cheăng kâ-pêi lo kế tơmeăm, rêh ối pơlê pơla, ki malối cho mơdêk ‘na pêi chiâk deăng, ôm hyô ƀă cheăng ‘na kơmăi kơmok ki uâ mơdiê, mơjiâng kế kâ, tơmeăm xúa. Kơnôm ti mê, mâu khu mơdró kâ hiăng châ mung liăn ƀă tơdroăng tơkêa pêi trâu rơdâ, tơdrăng khât ƀă ai pơxúa tâ, mơjiâng ivá cheăng ki pro pơxúa kal ăm tơdroăng mơnhông krá tơniăn tung kơpong.