VOV4.Xơ Đăng - Kơxo lơ 24/3, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i pơkuâ roh hôp dêi Khu pơkuâ Đảng ủy Kuô̆k hô̆i tơpui ‘na tơdroăng tơkêa bro séa ngăn, ‘mâi rơnêu, tơ’nôm luât dêi Tơnêi têa kum tung tơdroăng rah xo bro lế lĕm tro khu râ kăn pêi cheăng dêi khu cheăng kal kí ƀă Mơ-éa chêh hdrối tơbleăng ‘na tơdroăng kêi đeăng mâu tơdroăng pơkâ kum tung tơdroăng rah xo bro lế lĕm tro Khu pêi cheăng tơnêi têa dêi khu cheăng kal kí.

VOV4.Xơ Đăng - Tiô rơkong krếo thế dêi Ngế pro xiâm hnê ngăn Chin phuh Việt Nam Phạm Minh Chính prếi kơdrâi pôa, pôa Lawrence Wong, Ngế pro xiâm hnê ngăn kong têa Singapore prếi kơdrâi pôa hiăng pôu păng ‘nâng Việt Nam ing hâi lơ 25 – 26/3.

VOV.Xơ Đăng - Pơtối mơnhông hnoăng cheăng kăch măng, vâi rơxông nếo Gia Lai dế djâ troăng ahdrối, mơhnŏng pleăng dêi hnoăng cheăng, rơkê plĕng, hloh rơkê veăng mơ’no dêi ivá mơno mơjiâng ƀă mơnhông pơlê pơla. Hên vâi o, vâi muăn đoân viên, droh rơtăm Gia Lai hiăng chiâng mâu ngế ki djâ troăng ahdrối, bâ eăng tung mâu hnoăng pêi pro.

VOV4.Xơ Đăng - Hô̆i đong mơhá pri hiăng tăng hlo 10 ngế  hơnăm ối nếo kơhnâ rơkê ƀă 8 ngế hơnăm ối nếo Việt Nam tơngah ai hnoăng cheăng pêi tơƀrê, rơkê.

VOV4.Xơ Đăng - Tung roh lăm pôu pêi cheăng kong têa Sri Lanka, pôa Nguyễn Đức Hải, Phŏ Kăn xiâm hnê ngăn Kuô̆k hô̆i hiăng troh lăm pôu pêi cheăng pơlê kong kân Kandy, kong pơlê Trung, Sri Lanka ƀă pêi cheăng ƀă pôa Arath Abeykoon, Kăn xiâm pơkuâ kong pơlê Trung.

VOV4.Xơ Đăng - Hâi lơ 23/3, a Plông kân 23 khế 3, pơlê kong kơdrâm Đồng Xoài, kong pơlê Bình Phước, Tĭnh ủy, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n Tơnêi têa Việt Nam kong pơlê Bình Phước tơkŭm po Leh tơbâ 50 hơnăm Hâi tơleăng lĕm Bình Phước (23/3/1975 – 23/3/2025) ƀă tơdah Medái pêi cheăng ối má Môi.

VOV4.Xơ Đăng – A kong pơlê ki ai tơnêi chiâk deăng, ai kơphế kân má môi Việt Nam, pơla hdrối mê hía nah, hên khu mơdró kâ a Dak Lak hiăng thăm mơdêk têng, uâ mơdiê, xúa kơmăi kơmok tung pêi chiâk pêi deăng, gum thăm mơdêk ki kơnâ dêi kơphế. Maluâ tiah mê, kơvâ ki têng, uâ mơdiê kơphế vâ mơ’no tê xuân cho tơdroăng ki kal kân ăm khu mơdró kâ tung mơ’no liăn, thăm mơdêk ki kơnía dêi tơmeăm ki châ rơtal dollars kố.

.VOV.Xơ Đăng - Kơxo hâi lơ 21/3, a kong pơlê Gia Lai pôa Bùi Thanh Sơn, Phŏ ngế pro xiâm hnê ngăn tơnêi têa pêi cheăng ƀă mâu kăn kong pơlê Gia Lai ƀă Kon Tum ‘na tơdroăng cheăng kâ rêh ối, ‘no liăn pêi cheăng tê mơdró ăm kong têa ê.

VOV.Xơ Đăng - .Ai 110 ngế vâi o ki kơhnâ rơkê hiăng châ pơ-eăng a roh leh kân Cháu nguăn Pôa Hồ kong pơlê Dak Lak rôh má 11 po a hâi lơ 21/3.

VOV.Xơ Đăng - 5 hơnăm hdrối, rêm râ khu vâi kơdrâi a Dak Lak hiăng tơleăng mơnhên klêi lối 2.000 tơdroăng ki tơdjâk troh vâi kơdrâi, vâi hdrêng, pơtối rak ki ‘lo tro, po rơdâ tâ nếo túa pêi cheăng, kâu lak ƀô̆ pêi cheăng tơƀrê.