VOV.Xơ Đăng - A tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp dêi Chin phuh ƀă mâu khu xiâm, kơvâ cheăng, kơ koan ki tơdjâk ‘na hbrâ rơnáu hôp tơpui tơno tê mơdró ƀă Mih.

VOV.Xơ Đăng - Tiô rơkong krếo thế dêi pôa Vladimir Putin, kăn xiâm pơkuâ kong têa Rusi, pôa Tô Lâm, Kăn xiâm pơkuâ hnê ngăn cheăng Đảng prế kơdrâi pôa rơtế ƀă khu kăn xiâm Việt Nam pôu păng ‘nâng kong têa Rusi sap ing hâi lơ 8 troh hâi lơ 11/5 ƀă veăng ai mâ a leh tơbâ 80 hơnăm Hâi ƀlêi trâng tung rôh Tơplâ Rak vế tơnêi têa lơ 9/5.

VOV.Xơ Đăng – Măng tĭng hdrối, a kong pơlê Gia Lai hiăng po tơdroăng Coffee Festival 2025 ƀă túa ki dâi châ mơdêk, tơ’mot hên mâu khu mơdró kâ, khu ki pêt ƀă khu ki rơkê ‘na kơvâ kơphế. Tơdroăng kố hiăng chiâng tíu troh hâk vâ ăm kuăn pơlê ƀă tơmối, gum mơđah tơbleăng kơpong pêt hên kơphế Robusta lĕm dêi Việt Nam tối tơdjuôm ƀă Gia Lai tối krê.

VOV.Xơ Đăng –  Vi ƀan kong pơlê Dak Lak pơkâ mâu kơ koan, tíu cheăng tơkŭm tơleăng kêi đeăng tơdroăng ki u ối, tơniăn tíu pêi cheăng tơnêi têa nếo mot pêi cheăng tơ’lêi hlâu, châ tơƀrê sap ing apoăng.

VOV.Xơ Đăng –  Hâi lơ 6/5, a Pơlê kong kân Hồ Chí Minh, pôa Lương Cường, Kăn xiâm hnê ngăn tơnêi têa hiăng tơdah pôa Kiren Rijiju, Ngế xiâm mâu tơdroăng Kuô̆k hô̆i râ má môi ƀă hdroâng mơngế Ấn Độ klăng roh Ngế xiâm veăng pôu ngăn a Tĭng kân Phật đản Khu lâp kong têa (Vesak).

VOV.Xơ Đăng - Kơxo hâi lơ 6/5, klêi leh tơdah râ kăn xiâm tơnêi têa po kân krip a Tíu pêi cheăng dêi Kăn xiâm pơkuâ kong têa, pôa Tô Lâm Kăn xiâm pơkuâ hnê ngăn Đảng hiăng tơpui ƀă pôa Kassym-Jomart Tokayev, Kăn xiâm pơkuâ kong têa Kazkhstan.

VOV.Xơ Đăng - Vi ƀan Kuăn pơlê dêi kong pơlê Kon Tum pâ thế Kuô̆k hô̆i tơleăng mơnhên klêi tơdroăng ki ối tơvâ tơvân ‘na kuăn pơlê.

VOV.Xơ Đăng – Kơtăn kố ai 71 hơnăm, Hneăng plâ ƀlêi trâng Điện Biên Phủ rơtế ƀă tơdroăng ƀlêi trâng dêi kơvâ tơpui kâ a Hneăng hôp Geneva hơnăm 1954 hiăng vêh mơnhên hnoăng cheăng dêi tơdroăng tơrŭm tơpui kâ xua vâ pro hơniâp lĕm, hlế rơkê dêi Việt Nam tung lâp plâi tơnêi. Mâu ƀai mơhrriâm ki rơkê plĕng ing mâu tơdroăng ki kal mê xuân ối kơnía kân khât, cho ki xiâm vâ mơnhông tơrŭm tơpui kâ Việt Nam ƀă thăm mơdêk tơrŭm lâp plâi tơnêi.

VOV.Xơ Đăng - Kơxo lơ 6/5, veăng Leh pơxiâm po Tĭng kân Phật đản Khu lâp kong têa – Vesak 2025, pôa Lương Cường, Kăn xiâm hnê ngăn tơnêi têa phiu ro ƀă kheăn kơdeăn tơdroăng pơxá Tĭng kân Tĭng kân Vesak 2025: ‘’Tơrŭm môi tuăn ƀă ai hiâm lĕm ôh tá ‘nhó dêi pó xua tuăn tơmiêt lĕm kuăn mơngế: tuăn hiêm ki lĕm Khôp Phop xua Hơniâp lĕm lâp plâi tơnêi ƀă mơnhông krá tơniăn’’.

VOV4.Xơ Đăng - Sap ing hâi lơ 6/5 troh tâi lơ 8/5, a Pơlê kong kơdrâm Pleiku, kong pơlê Gia Lai, Khu xiâm ngăn tơdroăng kal kí Khu lêng Kuăn pơlê Việt Nam tơkŭm po lâm hnê túa ki rơkê plĕng tung hnoăng cheăng hdroâng kuăn ngo ăm mâu kăn ƀô̆ hnê mơhnhôk a mâu khu xiâm, kuân khu, kuân đoân ƀă mố đô̆i gâk tơkăng kong tung tâi tâng khu lêng.