VOV4.Xơ Đăng - Khu kăn Vi ƀan ‘na luât tơpui kâ dêi Kuô̆k hô̆i Đạn Mạch, xua pôa Michael Aastrup Jensen, Kăn hnê ngăn Vi ƀan pơkuâ djâ, dế pôu pêi cheăng a Việt Nam sap hâi lơ 3 troh lơ 06/03/2025.

VOV4.Xơ Đăng - Thâ ‘mâi hơ’lêh mơngế cheăng ăm tơnêi têa ƀă pêi cheăng tơniăn, tơƀrê, oh tá pơtê”- Kố cho pơkâ châ Ngế xiâm Ngế xiâm pơkuâ ‘na liăn ngân ai tối a rôh Hôp tơbleăng tơdroăng dêi Chin phuh ai pơkâ hnoăng cheăng pêi, tơdroăng pêi pro, hnoăng pơkuâ pêi ƀă tơdroăng rah pêi rế lĕm mơngế pêi cheăng ăm tơnêi têa dêi Khu xiâm rak Liăn ngân.

VOV4.Xơ Đăng - Kơxo hâi lơ 3/3, Khu kăn séa ngăn 1923 xua pôa Nguyễn Hòa Bình Ngế pro xiâm hnê ngăn Chin phuh pro Ngế xiâm pơkuâ ngăn khu kăn hiăng tơbleăng pơkâ séa ngăn dêi Khũ xiâm kal kí, Khu kăn pơkuâ hnê ngăn cheăng Đảng hơnăm 2025 ƀă Khu kăn pơkuâ cheăng Đảng kong pơlê Lâm Đồng.

VOV4.Xơ Đăng - Kơxê hâi lơ 3/3, Vi ƀan kuăn pơlê kong pơlê Gia Lai tơkŭm po hôp tơbleăng mâu pơkâ pôk Kăn hnê ngăn, kơvâ cheăng klêi rah mơngế cheăng pro rế lĕm, tơtro ăm khu ki pêi cheăng ăm tơnêi têa.

VOV4.Xơ Đăng - Hâi lơ 3/3, pôa Phạm Minh Chính, Ngế pro xiâm hnê ngăn tơnêi têa pơkuâ roh hôp ‘na tơdroăng hbrâ ăm Hneăng hôp tơpui tơno Cheăng kâ châu Á – Thái Bình Dương hơnăm 2027 a pơlê kong kơdrâm Phú Quốc, kong pơlê Kiên Giang.

VOV4.Xơ Đăng – Khu xiâm ngăn ‘na cheăng kal kí nếo pơkâ ôh tá xo liăn hriâm ăm hok tro ing râ mầm non troh a tâi lâm 12, cho râ má pái phôh thong, cho mâu hngêi trung dêi tơnêi têa. Roh ki pơxiâm ôh tá xo liăn nâp hriâm mê, cho ing hơnăm hriâm nếo 2025-2026 (tơkéa vâ tối cho ing apoăng khế 9-2025 troh la ngiâ). Hên mâu nôu pâ ki ai kuăn ‘nĕng dế tro hơnăm hriâm phiu ro xua ing troăng hơlâ pơkâ pêi pro kố, xua ing mê ah, kô kơdroh tơdroăng ki hrê liăn ngân xua nâp ăm dêi kuăn ‘nĕng tơná hriâm a hngêi trung, maluâ, ƀă mâu rơpŏng hngêi a thôn pơlê, kong ngo, tơdroăng rêh ối, cheăng kâ ối trâm hên xahpá.

VOV4.Xơ Đăng - Cho cheăm ai 75% kuăn pơlê hdroâng kuăn ngo, ƀă tơdroăng mơjiâng, mơnhông đảng viên, pêi pro krá tơniăn tơdroăng cheăng kal kí rế hía rế xông rơdêi, mâu hơnăm hdrối mê hía nah, Đảng ƀô̆ cheăm Đinh Trang Thượng, tơring Di Linh, kong pơlê Lâm Đồng hiăng rơtế ƀă kuăn pơlê tung mơnhông cheăng kâ, tơdroăng rêh ối vâ rế châ tơniăn tâ. Hdrối vâ chê troh Hneăng hôp kân lâp tơnêi têa roh má XIV dêi Đảng, mâu đảng viên a kố pơtối mơnhông hnoăng djâ troăng ahdrối, khŏm mơ-eăm pêi pro ƀlêi chiâng mâu pơkâ cheăng kâ – rêh ối pơlê pơla, mơjiâng thôn pơlê rế hía rế phâi hơtô.

VOV4.Xơ Đăng - Kơxo lơ 3/3, a Hà Nội, Khu ngăn Troăng hơlâ, cheăng la ngiâ Tơnêi têa po Rôh hôp tơbleăng tơdroăng pơkâ pêi dêi Khu xiâm pơkuâ tơdroăng kal kí, Khu ngăn Đảng ‘na hnoăng cheăng kăn ƀô̆.

VOV4.Xơ Đăng - Kơxê lơ 2/3, pôa Phạm Minh Chính, Ngế pro xiâm hnê ngăn tơnêi têa pơkuâ roh tơpui tơno ƀă mâu khu tê mơdró Châu Âu.

VOV4.Xơ Đăng - Tơkâ luâ tơdế chal klêi kơ’nâi tơnêi têa châ tơleăng lĕm, Đông kach măng dêi kong pơlê Dak Lak drêng mê nah (nôkố, ối tung tơring Krông Bông, kong pơlê Dak Lak) xuân u ối rak vế tơdroăng roh nah ki tơplâ xâ khên tơnôu, ó rơdêi. Tung hneăng hơnăm 1965-1975, akố hiăng po hên mâu tơdroăng cheăng ki kal dêi Đảng ƀô̆ kong pơlê Dak Lak, cho tíu xiâm, cho đông ki ai tơveăng tŏng gum dêi kuăn pơlê, kế tơmeăm vâ plâ xâ a peăng Hdroh, ing mê, mơjiâng chiâng ivá ki kâi plâ ƀlê trâng Buôn Ma Thuột, lơ 10/3, veăng gum khoh pro Hneăng ki plâ ƀlê trâng kân rơnó Hơngui 1975, pro dêi tơnêi têa tơrŭm chiâng môi. Koh hâk vâ chê troh hâi tơbâ 50 hơnăm hâi ƀlêi trâng Buôn Ma Thuôtj, pro tơleăng lĕm kong pơlê Dak Lak.