VOV4.Xơ Đăng - Kơxê hâi lơ 27/2, Vi ƀan kuăn pơlê kong pơlê Dak Lak tơkŭm po hôp vâ tơmâng tơbleăng ‘na tơdroăng rôh má 3 dêi tơdroăng tơkêa bro troăng kân tơdrăng lĕm Khánh Hòa - Buôn Ma Thuột.

VOV4.Xơ Đăng - Kơxo lơ 27/2, pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp Khu hnê mơhno Chin phuh pêi cheăng ƀă khu tê mơdró Tơnêi têa ƀă dó inâi ‘’Hnoăng cheăng troăng pêi gum tơtêk péa kơxô̆ ƀă mơnhông tơnêi têa rĕng ƀă krá tơniăn’’.

VOV4.Xơ Đăng - Kơxo hâi lơ 27/2, pôa Phạm Minh Chính, Ngế pro xiâm hnê ngăn tơnêi têa ƀă pôa Christopher Luxon, Ngế pro xiâm hnê ngăn kong têa New Zealand hiăng lăm pôu ngăn Văn Miếu - Quốc Tử Giám.

VOV4.Xơ Đăng -  Hôp tơpui tơno dó inâi ‘’Ƀlêi trâng Tây Nguyên 1975 ƀă tơdế chal mơjiâng, mơnhông Dak Lak’’ kô po a hâi lơ 5/3 a pơlê kong kơdrâm Ƀuôn Ma Thuột, kong pơlê Dak Lak.

VOV4.Xơ Đăng - Tối tơbleăng a Hngêi pơkeăng Hữu nghị tung kơxo hâi lơ 27/2, drêng troh leh tơbâ 70 hơnăm hâi Thái pơkeăng Việt Nam  lơ 27/2 , pôa Trần Thanh Mẫn, Kăn xiâm hnê ngăn Kuô̆k hô̆i púi vâ, mâu ngăn pơkeăng, ƀok thái pơkeăng thế rơkê, ai hiâm mơno lĕm, ‘nâi tơdroăng châi heăng dêi mơngế châi tamo môi tiah tơdroăng châi heăng dêi mâu nhŏng o dêi tơná.

VOV4.Xơ Đăng -Hơnăm kố hiăng mot tung hơnăm 46, Cử nhân điều dưỡng sản phụ khoa Y Hà, Ngế pơkuâ Hngêi pơkeăng cheăm Tu Mrông, tơring Tu Mrông hiăng châ 26 hơnăm pêi cheăng rak ngăn ivá kuăn pơlê a môi tung mâu kơpong ki xơpá má môi dêi kong pơlê Kon Tum. Cho ngế kuăn hdroâng kuăn ngo Rơteăng, nâ Y Hà ôh ti xê tơkâ luâ mâu tơdroăng ki pá puât vâ hriâm tâp mê ối chiâng tíu loi tơngah vâ gum hên vâi krâ kuăn pơlê kơpong kong ngo Tu Mrông châ xúa mâu tơdroăng tung khăm pơlât tơniăn tâ.

VOV4.Xơ Đăng - Kơxê hâi lơ 26/2, klêi kơ’nâi leh tơdah păng ‘nâng, pôa Phạm Minh Chính, Ngế pro xiâm hnê ngăn Chin phuh tơpui tơno ƀă Ngế pro xiâm hnê ngăn kong têa New Zealand - pôa Christopher Luxon.

VOV4.Xơ Đăng - Kơxo lơ 26/2, a pơlê kong kơdrâm Pleiku, kong pơlê Gia Lai, Kuân đoân 34 tơrŭm ƀă Hlá tơbeăng Khu lêng kuăn pơlê tơkŭm po tơpui tơno dó inâi ‘’Ƀlêi trâng Tây Nguyên – Po apoăng ăm ƀlêi trâng tâi tâng’’.

VOV4.Xơ Đăng - Kơmăng lơ 26/2, a Tíu xiâm Hneăng hôp lâp plâi tơnêi, Pơlê kong kân Hà Nội hiăng tơkŭm po Leh tơbâ 70 hơnăm Hâi Ƀok thái pơkeăng Việt Nam (27/2/1955 – 27/2/2025) ƀă dó inâi: ‘’Tơdroăng rơhdruê ngế khên tơnôu  ếo rơbông’’.

VOV4.Xơ Đăng - Kơxê hâi lơ 26/2, a Tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng hiăng tơdah Ngế pro xiâm hnê ngăn kong têa New Zealand – pôa Christopher Luxon – Kăn hnê ngăn Đảng kong têa New Zealand, klăng roh Ngế pro xiâm hnê ngăn kong têa New Zealand lăm pôu păng ‘nâng Việt Nam ƀă veăng Hôp tơpui tơno la ngiâ ASEAN roh má 2.