VOV4.Xơ Đăng - Tung 107 rơpŏng kuăn pơlê a kong pơlê Kon Tum hiăng châ gum tah lôi hngêi pơtân, hngêi xi kơchoh, tô téa xua hiăng rong, tơchiê, tơdroăng kố hiăng pro a măng ting ki kố nah, tơkŭm pro hên má môi cho a tơring Đăk Glei, ai 38 rơpŏng ƀă a tơring Đăk Hà châ 31 rơpŏng.

VOV4.Xơ Đăng - Kơxo lơ 21/2, a kong pơlê Quảng Ninh po Tơdroăng Trâm mâ apoăng Hơngui 2025 pơla mâu kăn pơkuâ Đảng mâu kong pơlê, kơpong ƀă Rôh hôp Vi ƀan tơdroăng cheăng tơrŭm rôh má 16 pơla mâu kong pơlê Quảng Ninh, Lạng Sơn, Cao Bằng, Hà Giang (Việt Nam) ƀă Kơpong pơkuâ xêh hdroâng kuăn ngo Choang Quảng Tây (Sinuâ).

VOV4.Xơ Đăng - Kơxo lơ 21/2, pôa Phạm Minh Chính, Ngế pro xiâm hnê ngăn Chin phuh pơkuâ po Rôh hôp Chin phuh ƀă mâu Khu xiâm, kơvâ cheăng, kong pơlê tơbleăng Pơkâ kơxô̆ 25 dêi Chin phuh ƀă pơkâ mơdêk rơdêi xoăng ƀă ‘no liăn pêi cheăng tơdjuôm hơnăm 2025

Kong hngíu iâ la tô mơdrăng a Tây Nguyên, ăm hlo nhên môi rơnó hơngui tơtô hiăng troh ƀă mâu pơlê a Gia Lai, tíu ki ai hên ngế kuăn pơlê tro hlôp prôk tiô khu ‘mêi pơlông djâ. Mơgêi mâu khế hơnăm rơmăng rơmuât, mâu ngế ki tro hyông troăng xua tro hlôp khu ‘mêi pơlông djâ mê nah nôkố hiăng kơdo mơ-eăm xông ing péa kơpeăng chêng tơná vâ prếo vêh lĕm tung rêh ối, mơ-eăm cheăng kâ, mơnhông cheăng chiâk deăng ƀă tuăn tơmiât hên tơdroăng púi vâ. “Rơnó Hơngui tơtô lĕm a mâu pơlê dêi Tây Nguyên” cho ƀai mơ’nui tung hên bai chêh tối: “Ing hyông troăng prếo vêh lĕm ƀă pơlê cheăm” dêi khu chêh hlá tơbeăng kơ koan teăng mâ kơpong Tây Nguyên.

VOV4.Xơ Đăng –  Kơxo lơ 20/2, kong pơlê Lâm Đồng hiăng tơkŭm po Hneăng hôp tơbleăng pơkâ dêi Kăn hnê ngăn Vi ƀan kong pơlê ‘na tơdroăng rah xo mâu kăn pơkuâ ki xiâm 6 tíu cheăng nếo dêi kong pơlê.

VOV4.Xơ Đăng –  Pêi pro Pơkâ kơxô̆ 26 hâi lơ 14/02/2025 dêi Khu xiâm kal kí, Khu pơkuâ hnê ngăn cheăng Đảng ‘na tơdroăng mơhnhôk, hnê mơhno, séa ngăn mâu tơdroăng pêi cheăng tung hơnăm 2025, hâi lơ 20/2, a Ƀơrô Chin phuh tơkŭm po Hneăng hôp tơbleăng pơkâ mơjiâng Khu râ kăn séa ngăn dêi Khu xiâm kal kí, Khu pơkuâ hnê ngăn cheăng Đảng hơnăm 2025 ƀă Đảng ŭy, Chin phuh, Đảng ŭy Kuô̆k hô̆i.

VOV4.Xơ Đăng - Kơxê hâi lơ 20/2, a tíu pêi cheăng Khu xiâm pơkuâ ngăn lêng, pôa Lương Cường, Kăn xiâm hnê ngăn tơnêi têa, Ngế pơkuâ ngăn lêng tơplâ dêi kuăn pơlê, Kăn hnê ngăn Hô̆i đong Lêng ƀă ‘na Kring tơniăn pêi cheăng ƀă Khu xiâm pơkuâ ngăn lêng ‘na tơdroăng pêi pro klêi pơkâ 05-NQ/TW dêi khu xiâm kal kí ‘na tơkŭm mâu lêng kuăn pơlê Việt Nam pơla hơnăm 2021-2030 ƀă mâu hơnăm pơtối.

VOV4.Xơ Đăng - Kong pơlê Dak Lak hiăng pro rế lĕm, rah lối 40 kơ koan, tíu pêi cheăng tung khu kăn xiâm kal kí dêi tơring, kong pơlê.

VOV4.Xơ Đăng - Kơxê hâi lơ 20/2, pôa Nguyễn Trọng Nghiã, Ngế pơkuâ hnê cheăng kal kí ƀă Hnê mơhnhôk xiâm tơnêi têa, hiăng lăm pôu, rơkâu Hngêi pơkeăng Thống Nhất Pơlê kong kân Hồ Chí Minh drêng troh tơbâ 70 hơnăm Hâi Thái pơkeăng Việt Nam lơ 27/2.

VOV4.Xơ Đăng - Hô̆i đong kong pơlê Kon Tum nếo têk kŏng môi tuăn tơbleăng ‘’Pơkâ ‘na tơdroăng mơjiâng mâu kơ koan cheăng ối tung Vi ƀan kong pơlê Kon Tum’’.